କୁହାଯାଏ, ବିବାହ ଭଗବାନଙ୍କ ଦ୍ୱାରା ସ୍ଥିରୀକୃତ ହୋଇଥାଏ ଆଉ ନିର୍ଦ୍ଦିଷ୍ଟ ସମୟ ଆସିଲେ ତାହା ହୁଏ। ତଥାପି ଜଣ ଜଣଙ୍କ କ୍ଷେତ୍ରରେ ବିବାହକୁ ନେଇ ବହୁ ସମସ୍ୟା ଦେଖାଦିଏ। ଏଥିରୁ ମୁକ୍ତି ପାଇବା ପାଇଁ କ’ଣ ସବୁ ବାସ୍ତୁ ଟିପ୍ସ ରହିଛି ଆସନ୍ତୁ ଜାଣିବା…
* କୁଣ୍ଡଳୀରେ ମଙ୍ଗଳ ଦୋଷ ଥିଲେ ବିବାହ ବିଳମ୍ବରେ ହୁଏ। ଏଥିରୁ ମୁକ୍ତି ପାଇଁ ଘରର କବାଟଗୁଡ଼ିକର ରଙ୍ଗ ନାଲି କିମ୍ବା ଗୋଲାପୀ କରିଦେଲେ ଭଲ।
* ସେହିପରି କୁହାଯାଏ, ବିବାହ ଯୋଗ୍ୟ ଯୁବକ ବା ଯୁବତୀଙ୍କ ରୁମ୍ରେ କୌଣସି ଭାରୀ ଜିନିଷ କିମ୍ବା ବଡ଼ ସାଇଜ୍ର ବାସନକୁ ବନ୍ଦ କରି କି ରଖିଲେ ସେମାନଙ୍କ ବିବାହ ବିଳମ୍ବରେ ହୋଇଥାଏ।
* ତା’ଛଡ଼ା ବିବାହ ଯୋଗ୍ୟ ଯୁବତୀ ଓ ଯୁବକଙ୍କ ଖଟ ତଳେ ଅଳିଆ ଆବର୍ଜନା କିମ୍ବା ଲୁହାର କୌଣସି ଜିନିଷ ରଖିଲେ ସେମାନଙ୍କ ବିବାହରେ ସମସ୍ୟା ମଧ୍ୟ ଦେଖାଦେଇଥାଏ।
* ବାସ୍ତୁଶାସ୍ତ୍ର ଅନୁଯାୟୀ, ବିବାହ ପ୍ରସ୍ତାବ ଦେଖିବାକୁ ଯିବା ସମୟରେ ଯୁବତୀ ଓ ଯୁବକ ଦକ୍ଷିଣ ଦିଗକୁ ମୁହଁ କରି ବସିବା ଠିକ୍ ନୁହେଁ। କାରଣ ଏହାଦ୍ୱାରା ମଙ୍ଗଳ କାର୍ଯ୍ୟରେ ବିଘ୍ନ ସୃଷ୍ଟି ହୋଇଥାଏ।
* ଅନ୍ୟପକ୍ଷେ ବିବାହ ଯୋଗ୍ୟ ଯୁବତୀ ଓ ଯୁବକ ଯେତେ ସମ୍ଭବ ଗୋଲାପୀ ରଙ୍ଗର ଜିନିଷ ବ୍ୟବହାର କରିବା ଦରକାର। କାରଣ ଏହି ରଙ୍ଗ ଗୃହସ୍ଥି ଜୀବନ ପାଇଁ ଭଲ ଲକ୍ଷଣ ହୋଇଥାଏ।
