ଚଣ୍ଡିଗଡ,୮।୮:କୁହାଯାଏ ପ୍ରେମ ଏମିତି ଶବ୍ଦ, ତାହା କେତେବେଳେ କାହାକୁ ହୋଇଯାଏ ତାହା ଜଣାପଡେ ନାହିଁ। ହିମାଚଳ ପ୍ରଦେଶରେ ଏମିତି ଏକ ଘଟଣା ଦେଖିବାକୁ ମିଳିଛି। ହିମାଚଳର ଉନା ଜିଲାର ନଙ୍ଗଲ ଖୁର୍ଦର ଶଶି ପାଲ ଏବଂ ବିହାରର ସୋନମଙ୍କ ବିବାହ ବିଷୟରେ ଆଲୋଚନା ସମଗ୍ର ଅଞ୍ଚଳରେ ଚାଲିଛି। ପ୍ରାୟ ୭ ବର୍ଷ ପୂର୍ବେ ଏକ ଦୁର୍ଘଟଣାରେ ଶଶି ପାଲଙ୍କର ମେରୁଦଣ୍ଡରେ ଆଘାତ ଲାଗିଥିଲା ଏବଂ ସେ ଆଜୀବନ ଅକ୍ଷମ ହୋଇ ଯାଇଥିଲେ। ଦୀର୍ଘ ଦିନର ଚିକିତ୍ସା ପରେ ଶଶି ପାଲ ଏବେ ନିଜ ଜୀବନ ଏକ ହ୍ବିଲ୍ ଚେୟାରରେ ବସି କାଟୁଛନ୍ତି। ଠିକ୍ ବିହାରର ମୁଙ୍ଗେର ଜିଲାର ଛୋଟି ଗୋବିନ୍ଦ ପୁର ଫୁଲକା ନିବାସୀ ସୋନମଙ୍କ ସହ ସମାନ ଘଟଣା ଘଟିଛି। ଯିଏ ତାଙ୍କ ଘରର ଛାତରୁ ଖସିଯିବା କାରଣରୁ ମେରୁଦଣ୍ଡରେ ଆଘାତ ପାଇଥିଲେ ଏବଂ ସେ ଆଜୀବନ ଅକ୍ଷମ ମଧ୍ୟ ହୋଇଥିଲେ। ଚିକିତ୍ସା ସମୟରେ ପିଜିଆଇ ଚଣ୍ଡିଗଡ଼ର ଡାକ୍ତରଖାନାରେ ଉଭୟଙ୍କ ସାକ୍ଷାତ ହୋଇଥିଲା। ଯଦିଓ ଉଭୟ ଶାରୀରିକ ଅକ୍ଷମ କିନ୍ତୁ ମାନସିକ ସ୍ତରରେ ସେମାନେ ପରସ୍ପରର ନିକଟତର ହୋଇଗଲେ ଏବଂ ଉଭୟ ପରସ୍ପରକୁ ଜୀବନ ସାଥୀ ଭାବରେ ବାଛିଲେ। ଉଭୟଙ୍କ ଯୋଡି ଦେଖି ସମସ୍ତେ କହୁଛନ୍ତି ଯେ ତେରୀ ରବ ନେ ବନା ଦି ଯୋଡି। ଶଶି ଏବଂ ସୋନମ ଅଗଷ୍ଟ ୩ ରେ ଉନା କୋର୍ଟରେ ବିବାହ କରିଥିଲେ।
ଶଶି ମଡେଲିଂକୁ ଭଲ ପାଆନ୍ତି। ସେ ଦିଲ୍ଲୀର ଏକ ଟିଭି ଚ୍ୟାନେଲ ପାଇଁ ମଡେଲିଂ ମଧ୍ୟ କରିଛନ୍ତି ଏବଂ ୨୪ ଅଗଷ୍ଟ ୨୦୨୧ରେ ଶଶିଙ୍କୁ ମଡେଲିଂ ପାଇଁ ଗୋଆ ଯିବାକୁ ପଡିବ। ସୋନମ ସଙ୍ଗୀତକୁ ଭଲ ପାଆନ୍ତି, କିନ୍ତୁ ଏପର୍ଯ୍ୟନ୍ତ ତାଙ୍କୁ ଗୀତ ଗାଇବାକୁ କୌଣସି ପ୍ଲାଟଫର୍ମ ମିଳିନାହିଁ।