ଭୁବନେଶ୍ୱର,୧୭।୧୦: ରାଜ୍ୟର ପ୍ରମୁଖ ଓଡ଼ିଆ ମନୋରଞ୍ଜନ ଭିତ୍ତିକ ଘରୋଇ ଚ୍ୟାନେଲ ଜୀ ସାର୍ଥକ ପକ୍ଷରୁ ଏକ ସ୍ବତନ୍ତ୍ର କାର୍ଯ୍ୟକ୍ରମ (ପ୍ରତିଯୋଗିତା) ସମ୍ପର୍କରେ ଘୋଷଣା କରାଯାଇଛି। ଏପରିକି ଚଳିତ ଦୀପାବଳିରେ ଜୀ ସାର୍ଥକରେ ପ୍ରସାରିତ କାର୍ଯ୍ୟକ୍ରମଗୁଡିକ ମଧ୍ୟରୁ କିଛି ସରଳ ପ୍ରଶ୍ନର ଉତ୍ତର ଦେଇ ଭାଗ୍ୟଶାଳୀ ବିଜେତା (ଦର୍ଶକ) ସୁନା ଜିତିବାର ସୁଯୋଗ ପାଇପାରିବେ।
ଏ ନେଇ ମଧ୍ୟ ଚ୍ୟାନେଲ ପକ୍ଷରୁ ‘ଦୀପାବଳିରେ ସୁନାର ବର୍ଷା’ ଶୀର୍ଷକ ଏକ ପ୍ରତିଯୋଗିତା ଆରମ୍ଭ ହୋଇଯାଇଛି। ବିଶେଷ କରି ପ୍ରତିଯୋଗିତାରେ ଅଂଶ ଗ୍ରହଣ ପାଇଁ ଦର୍ଶକଙ୍କୁ ଜୀ ସାର୍ଥକ ଦେଖିବାକୁ ପଡିବ। ପ୍ରତିଦିନ ସଂଧ୍ୟା ୫ଟାରୁ ରାତି ୧୦ ଘଟିକା ମଧ୍ୟରେ ଜୀ ସାର୍ଥକରେ ପ୍ରସାରିତ ଧାରାବାହିକରୁ କିଛି ସରଳ ପ୍ରଶ୍ନ ପଚରାଯିବ। ଉକ୍ତ ପ୍ରଶ୍ନର ଠିକ୍ ଉତ୍ତରଦାତାଙ୍କ ମଧ୍ୟରୁ ପ୍ରତିଦିନ ୩ ଜଣ ଭାଗ୍ୟଶାଳୀ ବିଜେତାଙ୍କୁ ଏକ ଗ୍ରାମ୍ର ଗୋଲ୍ଡ କଏନ ମିଳିବ। ସେହିଭଳି ପ୍ରତିଯୋଗିତା ଶେଷରେ ଜଣେ ମେଗା ବିଜେତାଙ୍କୁ ମଧ୍ୟ ୧୦ ଗ୍ରାମ୍ର ଗୋଲ୍ଡ କଏନ ପ୍ରଦାନ କରାଯିବ। ଉକ୍ତ ଗୋଲ୍ଡ କଏନ ଅରୁନ୍ଧତୀ ଜୁଏଲର୍ସ ପକ୍ଷରୁ ଯୋଗାଇ ଦିଆଯିବ।
ଉଲ୍ଲେଖଯୋଗ୍ୟ ଯେ ଉକ୍ତ ପ୍ରତିଯୋଗିତା ୨୩ ଅକ୍ଟୋବର ପର୍ଯ୍ୟନ୍ତ ଜାରି ରହିବ। ସେହିପରି ଜୀ ସାର୍ଥକରେ ବର୍ତ୍ତମାନ ଅନେକ ନୂଆ ମେଗା ସିରିୟଲ ମଧ୍ୟ ଆରମ୍ଭ ହୋଇଛି। ସଂଧ୍ୟା ୫ଟାରୁ ରାତି ୧୦ଟା ଭିତରେ ଦିଦି ନମ୍ବର ୱାନ୍, ଶ୍ୟାମା, ବିଜୟିନୀ, ଝିଲି, ସୁନା ଝିଅ, ସାଥିରେ, ମା ଯାହାର ସାହା, ସର୍ବଜିତା ଅନୁ, ଭୋଳା ଓ ସବୁଠାରୁ ଲୋକପ୍ରିୟ ଶୋ ସାରେଗାମାପା ସ୍ବରର ମହାମଞ୍ଚ ପ୍ରସାରିତ ହେଉଛି। ଅପରପକ୍ଷରେ ପ୍ରାଇମଟାଇମରେ ପ୍ରସାରିତ ସମସ୍ତ ଓଡିଆ ମେଗା ଧାରାବାହିକ ଦର୍ଶକଙ୍କ ଦ୍ୱାରା ଆଦୃତ ହୋଇଛି, ଯାହାକୁ ଦେଖି ଚ୍ୟାନେଲ ପକ୍ଷରୁ ପଚରା ଯାଇଥିବା ସରଳ ପ୍ରଶ୍ନର ଉତ୍ତର ଦେଇ ଦର୍ଶକେ ସୁନା କଏନ ଜିତିପାରିବେ ବୋଲି ଜୀ ସାର୍ଥକ ପକ୍ଷରୁ କୁହାଯାଇଛି।
