ନୂଆଦିଲ୍ଲୀ,୧୫।୧୧: ଆଇପିଏଲ୍ ୨୦୨୫ ଲାଗି ଫାଇନାଲ ଖେଳାଳି ତାଲିକା ଜାରି କରାଯାଇଛି। ନଭେମ୍ବର ୨୫ ଏବଂ ୨୬ରେ ଏସବୁ ଖେଳାଳିଙ୍କ ଉପରେ ନିଲାମ ଡକାଯିବ। ଏହି ତାଲିକାରୁ ୧୦୦୦ ଖେଳାଳି ବାଦ୍ ପଡ଼ିଛନ୍ତି। ଯେଉଁଥିରୁ ଜଣେ ନାମ ଜୋଫ୍ରା ଆର୍ଚରଙ୍କର ରହିଛି। ସେହିଭଳି ଆଉ ୩୭୦ ଖେଳାଳିଙ୍କର ଉପରେ ମଧ୍ୟ ଖଣ୍ଡା ଝୁଲୁଛି।
ଆଇପିଏଲ୍ ପାଇଁ ପୂର୍ବରୁ ସମସ୍ତ ଖେଳାଳି ରେଜିଷ୍ଟର କରାଇଥାନ୍ତି। ଏହାପରେ ବେସ୍ ପ୍ରାଇସ୍ ହିସାବରେ ତାଙ୍କୁ ଚୟନ କରାଯାଏ। ଏହି ତାଲିକାରୁ ଆର୍ଚର ବାଦ୍ ପଡ଼ିଥିବା ଜଣାପଡ଼ିଛି।
ଇଂଲଣ୍ଡ ପାଇଁ ଟି୨୦ ଖେଳୁଥିବା ଆର୍ଚର ଜଣେ ପ୍ରତିଭାବାନ ଖେଳାଳି। ତାଙ୍କ ପ୍ରଦର୍ଶନ ବି ବେଶ ଭଲ ରହିଆସିଛି। ଏମିତିରେ ସେ ବାଦ୍ ପଡ଼ିବା କ୍ରିକେଟ ବିଶେଷଜ୍ଞଙ୍କୁ ଚମକାଇଛି। ତାଙ୍କ ବ୍ୟତିତ ଅମିତ ମିଶ୍ରା, ସୌରଭ ନେତ୍ରବଲକର, କ୍ୟାମରନ ଗ୍ରିନ ତାଲିକାରେ ନାହାନ୍ତି।
ଆଇପିଏଲ୍ ଖେଳାଳି ତାଲିକା:
-ଆଇପିଏଲ୍ ୨୦୨୫ ର ଖେଳାଳି ତାଲିକାରେ ୧୫୭୪ ଖେଳାଳି ପଞ୍ଜୀକୃତ ହୋଇଥିଲେ, ସେଥିମଧ୍ୟରୁ ୧୦୦୦ ଖେଳାଳି ବାଦ୍ ପଡ଼ିଛନ୍ତି।
-ମୋଟ ୫୭୪ ଖେଳାଳିଙ୍କୁ ନିଲାମ କରାଯିବ, ଏଣୁ ଆଉ ୩୭୦ ଖେଳାଳି ବାଦ୍ ପଡ଼ିପାରନ୍ତି। କାରଣ ସମସ୍ତଙ୍କୁ କିଣିବା କଷ୍ଟକର।
-୩୬୬ ଭାରତୀୟ ଖେଳାଳି ତାଲିକାରେ ସ୍ଥାନ ପାଇଛନ୍ତି, ସେଥିମଧ୍ୟରୁ ୩୧୮ ଅନ୍କ୍ୟାପ୍ଡ।
-୨୦୮ ବିଦେଶୀ ଖେଳାଳି ତାଲିକାରେ ସ୍ଥାନ ପାଇଛନ୍ତି, ଯେଉଁଥିରୁ ୧୨ ଜଣ ଅନ୍କ୍ୟାପ।
-ସହଯୋଗୀ ଦେଶଗୁଡିକର ୩ ଖେଳାଳି ଆଇପିଏଲ ପ୍ଲେୟାର ତାଲିକାରେ ସ୍ଥନ ପାଇଛନ୍ତି।
-୨ କୋଟି ବେସ୍ ପ୍ରାଇସ୍ର ୮୧ ଖେଳାଳି ତାଲିକାରେ ସ୍ଥାନ ପାଇଛନ୍ତି।
-IPL ୨୦୨୫ ରେ ସର୍ବାଧିକ ୨୦୪ ଖେଳାଳି କିଣାଯାଇପାରିବେ।
-ଆଇପିଏଲ ୨୦୨୫ ନିଲାମରେ ସବୁଠାରୁ କନିଷ୍ଠ ଖେଳାଳି ହେଉଛନ୍ତି ବୈଭବ ସୂର୍ଯ୍ୟବଂଶୀ,ଯାହାଙ୍କୁ ମାତ୍ର ୧୪ ବର୍ଷ।
-ଆଇପିଏଲ ୨୦୨୫ ର ସର୍ବ ପୁରାତନ ଖେଳାଳି ହେଉଛନ୍ତି ଜେମ୍ସ ଆଣ୍ଡରସନ, ଯାହାଙ୍କୁ ଏବେ ୪୨ ବର୍ଷ।