ଟି ବ୍ୟାଗ୍: ଟି ବ୍ୟାଗ୍କୁ ପାଣିରେ ବୁଡ଼ାଇ କିଛି ସମୟ ଫ୍ରିଜ୍ରେ ରଖିଦିଅନ୍ତୁ। ଏହାକୁ ବାହାରକରି ଆଖିତଳେ ଲଗାଇ ୧୦-୧୫ ମିନିଟ୍ ରଖନ୍ତୁ। କିଛିଦିନ ଏପରି କଲେ ଆଖିତଳ କଳାଦାଗ ଦୂରହେବ।
ଆଳୁ ଏବଂ କାକୁଡ଼ି: କଞ୍ଚା ଆଳୁ କିମ୍ବା କାକୁଡ଼ିକୁ ପତଳା ପତଳା କରି କାଟି ଆଖି ଉପରେ ଲଗାନ୍ତୁ ଯେପରି କଳାଦାଗ ଉପରେ ଏହା ରହୁଥିବ। ନଚେତ୍ ଆପଣ ଚାହିଁଲେ ଏହାକୁ ଭଲଭାବେ କୋରି ରସ ବାହାର କରିପାରିବେ। ଏକ ତୁଳା ସାହାଯ୍ୟରେ ଏହି ରସକୁ ଆଖି ତଳେ ଭଲ ଭାବେ ଲଗାଇ ଦିଅନ୍ତୁ। ୫-୧୦ ମିନିଟ୍ ପରେ ପାଣିରେ ମୁହଁ ଧୋଇଦିଅନ୍ତୁ। କିଛିଦିନ ଏପରି କଲେ ଆଖିତଳ କଳାଦାଗ ଦୂରହେବା ସହ ଖରାଦିନେ ହେଉଥିବା ଟ୍ୟାନିଂ ସମସ୍ୟା ମଧ୍ୟ ଦୂର ହୋଇଥାଏ।
ଆଲୋଭେରା: ଏହା ଏକ ପ୍ରାକୃତିକ ମଶ୍ଚରାଇଜର ଭଳି କାମ କରିଥାଏ। ଏହାର ଜେଲ୍ ବାହାରକରି ଆଖି ତଳେ ଲଗାଇ ଧୀରେ ଧୀରେ ମସାଜ କରନ୍ତୁ। ୫-୭ ମିନିଟ୍ ପର୍ଯ୍ୟନ୍ତ ରଖନ୍ତୁ। ଏହା ତ୍ୱଚାକୁ ମଶ୍ଚରାଇଜ୍ କରିବା ସହ ଡାର୍କ ସର୍କଲ, ରିଙ୍କଲ୍ ମାର୍କ, ଏଜ୍ଲାଇନ୍ ଆଦି ଦୂରକରିବାରେ ସାହାଯ୍ୟ କରିଥାଏ।
ଆଲମଣ୍ଡ ତେଲ, ଲେମ୍ବୁରସ: ଏହି ପାତ୍ରରେ ଅଳ୍ପ ଆଲମଣ୍ଡ ତେଲ ନେଇ ସେଥିରେ ୪-୫ ବୁନ୍ଦା ଲେମ୍ବୁରସ ମିଶାଇ ଧୀରେ ଧୀରେ ଆଖି ତଳେ ମସାଜ କରନ୍ତୁ। ଆଖିତଳ ଫୁଲା, କଳାଦାଗ ଆଦି ଦୂର କରିବାରେ ସାହାଯ୍ୟ କରେ।
ଜୀବନଶୈଳୀ: ସୁଷମ ଖାଦ୍ୟ ଖାଆନ୍ତୁ, ଦିନକୁ ଅତି କମ୍ରେ ୩-୪ ଲିଟର ପାଣି ପିଅନ୍ତୁ। ଅତି କମ୍ରେ ଅଧଘଣ୍ଟା ଯୋଗ, ପ୍ରାଣାୟମ କଲେ ଅଧିକ ଉପକୃତ ହେବେ।
