ଛତ୍ରପୁର,୨୮।୫(ଡି.ଏନ୍.ଏ.): ଗଞ୍ଜାମ ଜିଲାରେ ଦିନକୁ ଦିନ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଛି। ଏହି ପରିପ୍ରେକ୍ଷୀରେ ଜିଲାର ସମସ୍ତ ଘରକୁ ଘର ଯାଇ ସମସ୍ତ ପରିବାର ସଦସ୍ୟଙ୍କ ସ୍ବାସ୍ଥ୍ୟ ସ୍କ୍ରିନିଂ ଗତ ୧୯ ତାରିଖରୁ ଚାଲିଛି । ଗୁରୁବାର ସୁଦ୍ଧା ଗଞ୍ଜାମର ୧୫ ଲକ୍ଷ ୯୦୮ ହଜାର ୨୭୨ ଜଣଙ୍କ ସ୍ବାସ୍ଥ୍ୟ ସ୍କ୍ରିନିଂ ହୋଇଥିବା ପିଡି ସିନ୍ଧେ ଦତ୍ତାତ୍ରୟ ଭାଉସାହେବ ସୂଚନା ଦେଇଛନ୍ତି । ଏଥିରୁ ୧୨୨ ଜଣଙ୍କ ଠାରେ କରୋନା ଲକ୍ଷଣ ଚି଼ହ୍ନଟ ହୋଇଛି ୧୫୧ ଜଣଙ୍କ ଅକ୍ସିଜେନ ସ୍ତର କମ ଥିବା ଜଣାପଡିଥିଲା । ୫ ଜଣଙ୍କୁ ଚିକିତ୍ସା ପାଇଁ ହସ୍ପିଟାଲ ପଠାଯାଇଥିବା କୁହାଯାଇଛି। ଆଶା କର୍ମୀ, ସ୍ବଚ୍ଛସାଥୀ, ସୁପରଭାଇଜର, ଅଙ୍ଗନଓ୍ବାଡିକର୍ମୀମାନେ ସମସ୍ତ ଘରର ସଦସ୍ୟଙ୍କ ଅକ୍ସିମିଟରରେ ଅମ୍ଳଜାନ ସ୍ତର ସହ ଶରୀରର ତାପମାତ୍ରା ଥର୍ମାଲ ସ୍କ୍ରିନିଂରେ ଯାଞ୍ଚ କରୁଛନ୍ତିି। ଅପରପକ୍ଷରେ ଜିଲାର ସହରଠାରୁ ଗ୍ରାମାଞ୍ଚଳ ଅଧିକ ସୁରକ୍ଷିତ ରହିଛି। ବ୍ରହ୍ମପୁର ଓ ଛତ୍ରପୁର ସହରରେ ଅଧିକ କରୋନା ସଂକ୍ରମଣ ବଢୁଛି । ଏଥିସହ ଏହି ସହରରେ ଅଧିକ କରୋନା ସଂକ୍ରମିତ ସକ୍ରିୟ ଅଛନ୍ତି ଜିଲାର ୨୭୯୮ଟି ଗାଁ ଗ୍ରୀନ ଜୋନରେ ଥିବାବେଳେ ୩୬୭ ଗାଁ ରେଡ୍ ଜୋନରେ ରହିଛି।
