ମୋଦିଙ୍କ କ୍ୟାଟିନେଟ୍‌ରୁ ହଟିବେ ଏହି ୨୦ ମନ୍ତ୍ରୀ! ଲିଷ୍ଟରେ ଅଛି ଚକିତ କଲା ଭଳି ନାଁ

ନୂଆଦିଲ୍ଲୀ,୯।୬: କ୍ରମାଗତ ତୃତୀୟ ଥର ପାଇଁ ନରେନ୍ଦ୍ର ମୋଦି ଦେଶର ପ୍ରଧାନମନ୍ତ୍ରୀ ଭାବରେ ଶପଥ ଗ୍ରହଣ କରିବାକୁ ଯାଉଛନ୍ତି। ମୋଦିଙ୍କ ନୂତନ କ୍ୟାବିନେଟକୁ ନେଇ ଚର୍ଚ୍ଚା ଜୋର ଧରିଛି। ଏଥର ମୋଦି ୩.୦ ସରକାରରେ କେଉଁ ଚେହେରା ଅନ୍ତର୍ଭୂକ୍ତ କରାଯିବ ସେନେଇ ଲୋକମାନେ ଆଲୋଚନା କରୁଛନ୍ତି। ମିଳିଥିବା ସୂଚନା ଅନୁଯାୟୀ, ମୋଦିଙ୍କ ସହ ୬୫ ନେତା ମନ୍ତ୍ରୀ ଭାବରେ ଶପଥ ନେବେ।
ଏଥର ବିଜେପି ସଂଖ୍ୟାଗରିଷ୍ଠତା ହାସଲ କରିପାରି ନାହିଁ ଏବଂ ଏନଡିଏ ସହଯୋଗୀଙ୍କ ଶକ୍ତିରେ ଏହା ତୃତୀୟ ଥର ପାଇଁ ସରକାର ଗଠନ କରୁଛି। ଏଭଳି ପରିସ୍ଥିତିରେ ଏନଡିଏର ସହଯୋଗୀମାନଙ୍କୁ ମଧ୍ୟ କ୍ୟାବିନେଟରେ ସ୍ଥାନ ଦିଆଯାଉଛି। ଏହି କାରଣରୁ ଏଥର କିଛି ବଡ ଭାଜପା ନେତାଙ୍କୁ କ୍ୟାବିନେଟରୁ ହଟାଇବାକୁ ପଡୁଛି। ଏଥିରେ ସ୍ମୃତି ଇରାନୀ, ରାଜୀବ ଚନ୍ଦ୍ରଶେଖରଙ୍କ ପର୍ଯ୍ୟନ୍ତ ନେତାଙ୍କ ନାମ ଅଛି।
ମୋଦି ସରକାରଙ୍କ ଦ୍ୱିତୀୟ କାର୍ଯ୍ୟକାଳରେ ସ୍ମୃତି ଇରାନୀଙ୍କ ଭଳି ରାଜୀବ ଚନ୍ଦ୍ରଶେଖରଙ୍କୁ ନେତାମାନଙ୍କୁ ଗୁରୁତ୍ୱପୂର୍ଣ୍ଣ ମନ୍ତ୍ରଣାଳୟର ଦାୟିତ୍ୱ ଦିଆଯାଇଥିଲା। ସେହିଭଳି ଅନୁରାଗ ଠାକୁର ମଧ୍ୟ କ୍ରୀଡା ମନ୍ତ୍ରଣାଳୟର ପରିଚାଳନା କରୁଥିଲେ। ତେବେ ବର୍ତ୍ତମାନ ମୋଟ ୨୦ ନେତା ମୋଦି ୩.୦ ରେ ପ୍ରବେଶ କରିବାକୁ ଯାଉନାହାଁନ୍ତି, କାରଣ ପ୍ରଧାନମନ୍ତ୍ରୀଙ୍କ ବାସଭବନରେ ସମ୍ଭାବ୍ୟ ମନ୍ତ୍ରୀଙ୍କ ଏକ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଏହି ନେତାମାନେ ପହଞ୍ଚି ନାହାଁନ୍ତି। ଏଥିରୁ ଏହା ସ୍ପଷ୍ଟ ହୋଇଛି ଯେ ସେ ଏଥର ମୋଦି କ୍ୟାବିନେଟରେ ଅନ୍ତର୍ଭୁକ୍ତ ହେବେ ନାହିଁ।

ଯେଉଁ ନେତାମାନେ କ୍ୟାବିନେଟରେ ଅନ୍ତର୍ଭୁକ୍ତ ହେବେ ନାହିଁ ସେମାନଙ୍କ ମଧ୍ୟରେ ଅଛନ୍ତି, ସ୍ମୃତି ଇରାନୀ, ଅନୁରାଗ ଠାକୁର, ରାଜୀବ ଚନ୍ଦ୍ରଶେଖର, ଅଜୟ ମିଶ୍ର ଟେନି, ଜେନେରାଲ ଭି.କେ ସିଂ, ଅଶ୍ୱିନୀ ଚୌବେ ଏବଂ ନାରାୟଣ ରାଣେଙ୍କ ନାମ ରହିଛି। ସେହିଭଳି ଅଜୟ ଭଟ୍ଟ, ସାଧବୀ ନିରଂଜନ ଜ୍ୟୋତି, ମୀନାକ୍ଷୀ ଲେଖୀ, ରାଜକୁମାର ରଂଜନ ସିଂ, ଆର.କେ ସିଂ, ଅର୍ଜୁନ ମୁଣ୍ଡା, ନିଶିଥ ପ୍ରେମାନିକ, ସୁଭାଷ ସାର୍କ, ଜନ ବାର୍ଲା, ଭାରତୀ ପାନୱାର,ରାଓସାହେବ ଦାନଭେ, କପିଲ ପାଟିଲ, ନାରାୟଣ ରାଣେ ଏବଂ ଭାଗବତ କରଦରେ ସାମିଲ ହୋଇଛନ୍ତି।
ତେବେ ଏହି ନେତାଙ୍କ ମଧ୍ୟରୁ କେତେକ ଅଛନ୍ତି, ଯେଉଁମାନେ ନିର୍ବାଚନରେ ପରାଜୟର ସମ୍ମୁଖୀନ ହୋଇଥିବାବେଳେ ଏଥର ଭାଜପାକୁ ଲୋକ ସଭା ଟିକେଟ ମଧ୍ୟ ଦିଆଯାଇ ନାହିଁ। ଏହା ବ୍ୟତୀତ କିଛି ନେତା ଅଛନ୍ତି ଯେଉଁମାନେ ଟିକେଟ ପାଇ ନିର୍ବାଚନରେ ଜିତିଥିଲେ ମଧ୍ୟ ସେମାନଙ୍କୁ କ୍ୟାବିନେଟ ଠାରୁ ଦୂରରେ ରଖାଯାଇଛି।