ଜୀବନର କୌଣସି ନା କୌଣସି ସମୟରେ ହଠାତ୍ ଏପରି ଜଟିଳ ପରିସ୍ଥିତି ଉପୁଜେ, ଯେଉଁଥିରୁ ଜଣେ ବ୍ୟକ୍ତି ନିଜକୁ ମୁକାଳିବା ପାଇଁ ଅସମର୍ଥ ହୋଇଥାଏ। କିଛି ଲୋକ ଧୈର୍ଯ୍ୟର ସହିତ କଷ୍ଟଦାୟକ ସମୟର ସମ୍ମୁଖୀନ ହେଉଥିବା ବେଳେ କିଛି ଲୋକ ନର୍ଭସ ହୋଇଯାଆନ୍ତି। ଅଧିକାଂଶ ଲୋକଙ୍କ ବୁଦ୍ଧି ବିବେକ ଅସୁବିଧା ସମୟରେ କାମ କରେ ନାହିଁ। ଏହି କାରଣରୁ ଜଣେ ବ୍ୟକ୍ତି ନିଜ ଜୀବନ ଏବଂ ସମ୍ପତ୍ତି ନଷ୍ଟ କରି ଦେଇଥାନ୍ତି। ଏପରି ପରିସ୍ଥିତିରେ ଯଦି ଆପଣଙ୍କ ସାମ୍ନାରେ କୌଣସି ଅସୁବିଧା ଆସୁଛି, ତେବେ ଆପଣ ଆଚାର୍ଯ୍ୟ ଚାଣକ୍ୟଙ୍କର ଏହି ୩ଟି କଥାକୁ ମନେ ରଖିବା ଉଚିତ। ଚାଣକ୍ୟଙ୍କ ଏହି କଥାଗୁଡ଼ିକ କଠିନ ସମୟରେ ଅତ୍ୟନ୍ତ ଉପଯୋଗୀ। ବିପଦ ସମୟରେ ଜଣେ ବ୍ୟକ୍ତି କ’ଣ କରିବା ଉଚିତ ଏବଂ କେଉଁ ଜିନିଷକୁ ଧ୍ୟାନରେ ରଖିବା ଉଚିତ ସେ ବିଷୟରେ ଚାଣକ୍ୟ ତାଙ୍କ ନୀତିଶିକ୍ଷାରେ ବ୍ୟାଖ୍ୟା କରିଛନ୍ତି। ଜାଣନ୍ତୁ ଏ ସମ୍ପର୍କରେ…
ଜଣେ ବ୍ୟକ୍ତି ସଙ୍କଟରୁ ମୁକ୍ତି ପାଇବା ପାଇଁ ଏକ ଦୃଢ଼ ରଣନୀତି କରିବା ଆବଶ୍ୟକ। ଯେତେବେଳେ ଜଣେ ବ୍ୟକ୍ତି ସଙ୍କଟ ସମୟରେ ଏଥିରୁ ମୁକ୍ତି ପାଇବା ପାଇଁ ରଣନୀତି ପ୍ରସ୍ତୁତ କରନ୍ତି, ସେତେବେଳେ ସେ ଏକ ପର୍ଯ୍ୟାୟ କ୍ରମେ କାର୍ଯ୍ୟ କରନ୍ତି ଏବଂ ଶେଷରେ ଜିତନ୍ତି।
ଚାଣକ୍ୟ କହିଛନ୍ତି, ଅସୁବିଧା ସମୟରେ ସତର୍କ ରହିବା ଅତ୍ୟନ୍ତ ଜରୁରୀ। କାରଣ ସଙ୍କଟ ସମୟରେ ଜଣେ ବ୍ୟକ୍ତିଙ୍କର ସୀମିତ ସୁଯୋଗ ଥାଏ ଏବଂ ଆହ୍ବାନ ମଧ୍ୟ ବଡ଼ ହୋଇଥାଏ। ଏପରି ପରିସ୍ଥିତିରେ, ସାମାନ୍ୟ ଭୁଲ୍ ଏକ ବଡ଼ କ୍ଷତି ଘଟାଇପାରେ, ତେଣୁ ଆଗରୁ ସତର୍କ ରହିବା ଅତ୍ୟନ୍ତ ଜରୁରୀ।
ଚାଣକ୍ୟ କହିଛନ୍ତି, ପ୍ରତିକୂଳ ପରିସ୍ଥିତିରେ ମଧ୍ୟ ଜଣେ ବ୍ୟକ୍ତି ସକାରାତ୍ମକ ଚିନ୍ତାଧାରା ରଖିବା ଉଚିତ। ପରିସ୍ଥିତି ଯାହା ହେଉନା କାହିଁକ କେବେ ଧୈର୍ଯ୍ୟ ହରାନ୍ତୁ ନାହିଁ। ଯଦି ଏପରି କରନ୍ତି ତେବେ ବିନା ଯୁଦ୍ଧରେ ମଧ୍ୟ ଜିତାପଟ ହେବ।