ନୂଆଦିଲ୍ଲୀ,୧୭ା୫: କ୍ରିକେଟରେ କିଛି ବ୍ୟାଟ୍ସମ୍ୟାନ ଅଛନ୍ତି ଯେଉଁମାନେ ପଡ଼ିଆକୁ ଯାଉଯାଉ ପ୍ରଥମ ବଲ୍ରେ ଆଉଟ୍ ହୋଇ ପାଭିଲିଅନ ଫେରିଛନ୍ତି। ମାତ୍ର ଆଉ କିଛି ବ୍ୟାଟ୍ସମ୍ୟାନ ଅଛନ୍ତି, ଯେଉଁମାନେ ତାଙ୍କ କ୍ୟାରିୟର ମଧ୍ୟରେ ଆଦୌ ଜିରୋରେ ଆଉଟ୍ ହୋଇନାହାନ୍ତି। ସେମାନଙ୍କ ମଧ୍ୟରୁ ୪ ଖେଳାଳିଙ୍କ ନାମ ରହିଛି।
ୟଶପାଲ ଶର୍ମା:
ଭାରତର ପୂର୍ବତନ ବ୍ୟାଟ୍ସମ୍ୟାନ ୟଶପାଲ ଶର୍ମା ଏହି ତାଲିକାରେ ଅଛନ୍ତି। ସେ ୪୨ଟି ଦିନିକିଆ ମ୍ୟାଚ୍ ଖେଳି ୮୮୩ ରନ୍ କରିଛନ୍ତି। ଏଥିସହିତ ୪ଟି ଅର୍ଦ୍ଧଶତକ କରିଛନ୍ତି। ସେ ଏହି ଦିନିକିଆ ମ୍ୟାଚ୍ରେ ସର୍ବୋଚ୍ଚ ୮୯ ରନ୍ କରିଛନ୍ତି। ଭାରତର ଏହି କ୍ରିକେଟର ଆଜି ପର୍ଯ୍ୟନ୍ତ ଦିନିକିଆ ମ୍ୟାଚ୍ରେ କେବେ ବି ଜିରୋରେ ଆଉଟ୍ ହୋଇନାହାନ୍ତି।
ଜ୍ୟାକ୍ସ ରୋଡ୍ଲଫ୍:
ସାଉଥ୍ ଆଫ୍ରିକାର ବ୍ୟାଟ୍ସମ୍ୟାନ୍ ଜ୍ୟାକ୍ସ ରୋଡ୍ଲଫ୍ ୪୫ଟି ଦିନିକିଆ ମ୍ୟାଚ୍ରେ ୧୧୭୪ ରନ୍ କରିଛନ୍ତି। ଯେଉଁଥିରେ ୭ଟି ଅର୍ଦ୍ଧଶତକ ରହିଛି। ଓ୍ବାନ୍ଡେ ମ୍ୟାଚ୍ରେ ସେ ସର୍ବାଧିକ ୮୨ ରନ୍ କରିଛନ୍ତି। ମାତ୍ର ସେ କେବେ ଜିରୋରେ ଆଉଟ୍ ହୋଇନାହାନ୍ତି।
ପିଟର କ୍ରିଷ୍ଟନ:
ସାଉଥ୍ ଆଫ୍ରିକାର ବ୍ୟାଟ୍ସମ୍ୟାନ ପିଟର କ୍ରିଷ୍ଟନ ୩ ବର୍ଷ ପର୍ଯ୍ୟନ୍ତ କ୍ରିକେଟ ଖେଳିଛନ୍ତି। ମାତ୍ର ଏହି ଖେଳାଳି କେବେ ବି ଶୂନରେ ଆଉଟ୍ ହୋଇନାହାନ୍ତି। ପିଟର ୪୦ଟି ଓ୍ବାନ୍ ଡେ ମ୍ୟାଚ୍ ଖେଳି ୧୨୯୩ ରନ୍ ସଂଗ୍ରହ କରିଛନ୍ତି। ୯ଟି ଅର୍ଦ୍ଧଶତକ କରିଛନ୍ତି।
କେପ୍ଲର ବେସେଲ୍ସ:
ଦକ୍ଷିଣ ଆଫ୍ରିକାର ଏହି ବ୍ୟାଟ୍ସମ୍ୟାନ୍ ନିଜର ୧୦ ବର୍ଷ କ୍ୟାରିୟର ମଧ୍ୟରେ ୧୦୯ଟି ଦିନିକିଆ ମ୍ୟାଚ୍ ଖେଳିଛନ୍ତି। ଯେଉଁଥିରେ ଗୋଟିଏ ଶତକ ଏବଂ ୨୬ଟି ଅର୍ଦ୍ଧଶତକ କରି ମୋଟ୍ ୩୩୬୭ ରନ୍ ସଂଗ୍ରହ କରିଛନ୍ତି। ଏହି ଦିନିକିଆ ମ୍ୟାଚ୍ରେ ସେ ସର୍ବାଧିକ ୧୦୭ ରନ୍ କରିଛନ୍ତି। ମାତ୍ର ତାଙ୍କ କ୍ୟାରିୟର ମଧ୍ୟରେ ସେ କେବେ ଜିରୋରେ ଆଉଟ୍ ହୋଇନାହାନ୍ତି। ୭ ଥର ନଟ୍ଆଉଟ୍ ବି ରହିଛନ୍ତି।
