ଜ୍ୟୋତିଷଶାସ୍ତ୍ରରେ ୧୨ ରାଶି ବିଷୟରେ ଅଧ୍ୟୟନ କରାuଯାଇଛି। ପ୍ରତ୍ୟେକ ରାଶିର ବିଶେଷତା ଏବଂ ସ୍ବଭାବ ଭିନ୍ନ ଥାଏ। ଏହାଦ୍ୱାରା କୌଣସି ବ୍ୟକ୍ତିର ଗୁଣ ଓ ଦୋଷ ବିଷୟରେ ସହଜରେ ଜଣାପଡ଼ିଥାଏ। ତେବେ ଏଭଳି ୪ ରାଶି ଅଛି ଯେଉଁଥିରେ ଜନ୍ମିତ ଯୁବକ/ଯୁବତୀଙ୍କ ପର୍ସନାଲିଟି ବେଶ୍ ଆକର୍ଷକ ହୋଇଥାଏ। ଏଥିଯୋଗୁ ସମସ୍ତେ ଶୀଘ୍ର ତାଙ୍କ ପ୍ରତି ଆକର୍ଷିତ ହୋଇଯାଆନ୍ତି। ଜାଣନ୍ତୁ…
ମିଥୁନ: ଜ୍ୟୋତିଷଶାସ୍ତ୍ର ଅନୁଯାୟୀ ମିଥୁନ ରାଶିର ବ୍ୟକ୍ତି ବହୁତ ଆକର୍ଷକ ସ୍ବଭାବର ହୋଇଥାନ୍ତି। ଏମାନେ ଶୀଘ୍ର ଅନ୍ୟମାନଙ୍କ ଉପରେ ପ୍ରଭାବ ପକାଇଥାନ୍ତି। କଥା କହିବାରେ ଏମାନେ ମାହିର ହୋଇଥିବା ବେଳେ ଏମାନଙ୍କ ସ୍ବଭାବ ଶାନ୍ତ ହୋଇଥାଏ। ଏମାନଙ୍କର ବନ୍ଧୁ ସଂଖ୍ୟା ଅଧିକ। ରୋମାଣ୍ଟିକ୍ ସ୍ବଭାବର ହୋଇଥିବା ହେତୁ ଏମାନଙ୍କର ଲଭ୍ଲାଇଫ ଚର୍ଚ୍ଚାରେ ଥାଏ।
ସିଂହ ରାଶି: ସିଂହ ରାଶି ଜାତକଧାରୀ ଲୋକ ସମସ୍ତଙ୍କ ହୃଦୟରେ ଜାଗା ସୃଷ୍ଟି କରିବାରେ ସଫଳ ହୋଇଥାନ୍ତି। ଏମାନଙ୍କ କଥା କହିବାର ଶୈଳୀ ଅନ୍ୟକୁ ପ୍ରଭାବିତ କରେ। ଅନ୍ୟକୁ ସହଜରେ ନିଜ ଆଡ଼କୁ ଆକର୍ଷିତ କରିବାରେ ଏମାନେ ସଫଳ ହୋଇଥାନ୍ତି। ଏମାନେ ବହୁତ ବୁଦ୍ଧିମାନ ହୋଇଥାନ୍ତି। କାହା ସାମ୍ନାରେ କିଭଳି କଥା ହେବା ଉଚିତ ଏମାନଙ୍କୁ ବେଶ ଭଲ ଭାବେ ଜଣାଥାଏ।
ତୁଳା ରାଶି: ଏହି ରାଶିର ଜାତକଧାରୀ ବେଶ ଆକର୍ଷକ ହୋଇଥାନ୍ତି। ଏମାନଙ୍କ ଜୀବନରେ ପ୍ରତିଟି ସମ୍ପର୍କର ଗୁରୁତ୍ୱ ରହିଥାଏ। ଲୋକ ଏମାନଙ୍କର ସରଳତା ଦେଖି ଆକର୍ଷିତ ହୋଇଯାଇଥାନ୍ତି। ଏମାନେ ଯେଉଁଠିକୁ ଯାଆନ୍ତି ନିଜର ଭିନ୍ନ ପରିଚୟ ସୃଷ୍ଟି କରିଥାନ୍ତି। ସହଜରେ ଏମାନେ ସମସ୍ତଙ୍କ ସହ ବନ୍ଧୁତା କରିଥାନ୍ତି।
ମକର ରାଶି: ମକର ରାଶି ଜାତକଧାରୀ ସମସ୍ତଙ୍କୁ ନିଜ କଥାରେ ପ୍ରଭାବିତ କରିନିଅନ୍ତି। ଏମାନେ କଥା କହିବାରେ ମାହିର ହୋଇଥାନ୍ତି। ବିଶେଷକରି ଏମାନଙ୍କ ଷ୍ଟାଇଲ ସମସ୍ତଙ୍କଠାରୁ ଅଲଗା ହୋଇଥାଏ। ଏହି ଲୋକଙ୍କ ବ୍ୟକ୍ତିତ୍ୱ ଧନୀ ଏବଂ ବହୁତ ଆକର୍ଷକ ହୋଇଥାଏ। ସମସ୍ତେ ଏମାନଙ୍କ ପ୍ରତି ଶୀଘ୍ର ଆକର୍ଷିତ ହୋଇଥାନ୍ତି।