ବଲିଉଡରେ ଏପରି ଅଭିନେତା ଅଛନ୍ତି, ଯେଉଁମାନେ ଫିଲ୍ମରେ ଥିବା ଚରିତ୍ରର ନାମକୁ ନେଇ ଲୋକପ୍ରିୟ ହୋଇଛନ୍ତି। ନଚେତ ଫିଲ୍ମ କରିବା ପୂର୍ବରୁ କେହି କେହି ନିଜ ନାମ ପରିବର୍ତ୍ତନ କରିଥିବାର ନଜିର ରହିଛି। ଉକ୍ତ ନାମରୁ ସେମାନେ କେଉଁ ଧର୍ମର ତାହା ଜଣାପଡେନାହିଁ। ଆସନ୍ତୁ ଜାଣିବା ସେଭଳି କିଛି କଳାକାରଙ୍କ ବିଷୟରେ ଯେଉଁମାନଙ୍କ ନାମରୁ ସେମାନେ ମୁସଲମାନ ବୋଲି ଜଣାପଡ଼ି ନଥାନ୍ତି…..
ଅଜିତ: ଅଜିତଙ୍କ ପ୍ରକୃତ ନାମ ହାମିଦ ଖାନ୍। ସେ ନିଜର ଷ୍ଟେଜ୍ ଶୋ’ ନାମ ଅଜିତକୁ ନେଇ ଲୋକପ୍ରିୟ ହୋଇଯାଇଥିଲେ। ପରେ ସେ ନିଜର ନାମକୁ ବଦଳାଇଦେଇଥିଲେ।
ମଧୁବାଲା: ନିଜର ସୁନ୍ଦରତା ଏବଂ ଅଭିନୟକୁ ନେଇ ସମସ୍ତଙ୍କ ହୃଦୟ ଜିତିଥିବା ମଧୁବାଲାଙ୍କ ପ୍ରକୃତ ନାମ ମୁମତାଜ ଜହାଁ ଦେହଲବୀ। ତାଙ୍କର ପ୍ରଥମ ଚଳଚ୍ଚିତ୍ରର ନାମ ବସନ୍ତ ଥିଲା। ଦେବିକା ରାଣୀ ବସନ୍ତରେ ତାଙ୍କ ଅଭିନୟରେ ପ୍ରଭାବିତ ହୋଇଥିଲେ। ଶେଷରେ ସେ ତାଙ୍କ ନାମ ମୁମତାଜକୁ ବଦଳାଇ ମଧୁବାଲା କରିଦେଇଥିଲେ।
ରିନା ରାୟ: ରିନା ରାୟଙ୍କ ଅସଲ ନାମ ସାୟରା ଅଲ୍ଲୀ ଅଟେ।
ଜନି ଓ୍ବାକର: ଜନି ଓ୍ବାକରଙ୍କ ଅସଲ ନାମ ବହରୁଦ୍ଦିନ ଜମାଲୁଦ୍ଦିନ କାଜି ଥିଲା।
ମାନ୍ୟତା ଦତ୍ତ: ମାନ୍ୟତା ଦତ୍ତଙ୍କ ଅସଲ ନାମ ଦିଲନାଜ ଶେଖ ଅଟେ। ପ୍ରକାଶ ଝା ତାଙ୍କ ନାମକୁ ବଦଳାଇ ମାନ୍ୟତା ରଖିବାକୁ କହିଥିଲେ।
ନେହା: ଅଭିନେତ୍ରୀ ନେହା ମନୋଜ ବାଜପେୟୀଙ୍କ ସ୍ତ୍ରୀ। ତାଙ୍କ ପ୍ରକୃତ ନାମ ଶବାନା ରଜା। ସେ ପ୍ରଥମ ଫିଲ୍ମ ‘କରିବ୍’ରେ ଅଭିନୟ କରୁଥିବା ବେଳେ ନିଜର ନାମକୁ ବଦଳାଇ ନେହା ଦେଇଥିଲେ। ଫିଲ୍ମରେ ତାଙ୍କ ଚରିତ୍ରର ନାମ ମଧ୍ୟ ସମାନ ରହିଥିଲା।
ମିନା କୁମାରୀ: ଟ୍ରାଜେଡି କୁଇନ୍ କୁହାଯାଇଥିବା ମିନା କୁମାରୀଙ୍କ ପ୍ରକୃତ ନାମ ମେହଜବିନ ବାନୋ ଥିଲା।
ଦିଲ୍ଲୀପ କୁମାର: ବଲିଉଡର ଜଣାଶୁଣା ଅଭିନେତା ଦିଲୀପ କୁମାରଙ୍କ ନାମ ଶୁଣିବାକୁ ହିନ୍ଦୁ ଭଳି ଲାଗୁଥିଲେ ହେଁ ତାଙ୍କ ପ୍ରକୃତ ନାମ ମୋହମ୍ମଦ ୟୁସୁଫ ଖାନ୍। ଫିଲ୍ମ ପାଇଁ ସେ ତାଙ୍କ ବଦଳାଇ ଦିଲୀପ କୁମାର କରିଥିଲେ।