ଆର୍ଥିକ ଉନ୍ନତି ପାଇଁ ଲୋକେ ନିଜ ଘରେ ମନି ପ୍ଲାଣ୍ଟ ଲଗାଇଥାନ୍ତି। ବାସ୍ତୁ ଅନୁଯାୟୀ ଘରେ ମନି ପ୍ଲାଣ୍ଟ ରଖିବା ଦ୍ୱାରା ଆର୍ଥିକ ସମୃଦ୍ଧି ଘଟିଥାଏ। ସେହି ଘରେ କେବେ ବି ଟଙ୍କାପଇସାର ଅଭାବ ରହେ ନାହିଁ। ବାସ୍ତୁରେ ମଧ୍ୟ ଏଭଳି ୫ ଗଛ ବିଷୟରେ କୁହାଯାଇଛି ଯାହା ମନି ପ୍ଲାଣ୍ଟଠାରୁ ମଧ୍ୟ ଶୁଭ। ଆସନ୍ତୁ ଜାଣିବା:
-ଦୁବ: ବାସ୍ତୁ ଅନୁଯାୟୀ ଯାହା ବଗିଚାରେ, ଛାତ ଉପରେ ନଚେତ ବାଲ୍କୋନୀରେ ଦୁବ ଥାଏ, ଉକ୍ତ ଘରେ କେବେ ବି ଧନର ଅଭାବ ରୁହେ ନାହିଁ। ଘର ଆଗରେ ଦୁବ ଘାସ ଲଗାଇବାର ଅନେକ ଲାଭ ରହିଛି। ସନ୍ତାନ ପ୍ରାପ୍ତି ଲାଗି ମଧ୍ୟ ଘର ସାମ୍ନାରେ ଏହାକୁ ଲଗାଇବା ଶୁଭ। ଏହାକୁ ଲଗାଇଲେ ଘରେ ସର୍ବଦା ସୁଖ ଶାନ୍ତିର ବାତାବରଣ ରହିଥାଏ।
-ତୁଳସୀ: ଘରେ ତୁଳସୀ ଲଗାଇବା ଶୁଭ। କାରଣ ଏହା ମା’ ଲକ୍ଷ୍ମୀଙ୍କ ସ୍ବରୂପ। ଯେଉଁ ଘରେ ତୁଳସୀ ଗଛ ରହିଥାଏ, ତାହା ଉପରେ ଭଗବାନ ବିଷ୍ଣୁଙ୍କ କୃପା ସର୍ବଦା ରହିଥାଏ॥ ତୁଳସୀ ଘର ଅଗଣାରେ ରହିଲେ ଆରୋଗ୍ୟର ବରଦାନ ମିଳିବା ସହ ଧନର ଭଣ୍ଡାର କେବେ ହେଲେ ଖାଲି ରୁହେ ନାହିଁ।
-ଅରଖ: ଅରଖ ଫୁଲକୁ ଗଣେଶଙ୍କ ପ୍ରତୀକ ବୋଲି କୁହାଯାଏ। ବାସ୍ତୁ ଅନୁଯାୟୀ ଏହି ଫୁଲ ଗଛକୁ ବଗିଚାରେ ରଖିବା ବହୁତ ଶୁଭ। ଏହାଦ୍ୱାରା ସୁଖ, ସମୃଦ୍ଧି ଏବଂ ଶାନ୍ତି ପ୍ରାପ୍ତ ହୋଇଥାଏ। ଆର୍ଥିକ ଉନ୍ନତି ଏବଂ ସମୃଦ୍ଧି ପାଇଁ ମଧ୍ୟ ଏହା ଭଲ।
-କନିଅର ଗଛ: ନିଜର ପାର୍କ ଏବଂ ବଗିଚାରେ ଅନେକେ କନିଅର ଗଛ ଲଗାଇଥାନ୍ତି। ଏହି ଗଛର ଧଳା ଫୁଲ ମା’ ଲକ୍ଷ୍ମୀଙ୍କୁ ଅର୍ପଣ କରାଯାଇଥାଏ। ଏହାର ବାସ୍ନାରେ ଦରିଦ୍ରତା ଦୂର କରିବା ସହ ଖୁସିର ବାତାବରଣ ବୃଦ୍ଧି ପାଇଥାଏ।
-ଜାଡେ ପ୍ଲାଣ୍ଟ: ଏହାକୁ ମଧ୍ୟ କସୁଲା ଓବାଟା କୁହାଯାଏ। ବାସ୍ତୁ ଅନୁଯାୟୀ ଏହି ଗଛ ବେଶ ଚମତ୍କାରୀ। ଏହାକୁ ଘରେ ରଖିଲେ ଧନଧାନ୍ୟ ବୃଦ୍ଧି ପାଇଥାଏ। ଘରେ ସକରାତ୍ମକ ଉର୍ଜା ବୃଦ୍ଧି ପାଇବା ସହ ନକରାତ୍ମକତା ଦୂର ହୋଇଥାଏ।