ମସ୍କୋ,୬ା୩: ଆସନ୍ତା ୧୦ ବର୍ଷ ମଧ୍ୟରେ ଚନ୍ଦ୍ରରେ ଆଣବିକ ରିଆକ୍ଟର ସ୍ଥାପନ ପାଇଁ ଦୁଇ ଦେଶ ଏକ ପ୍ରକଳ୍ପ ଉପରେ ବିଚାର କରୁଛନ୍ତି। ମହାକାଶ ଉଡ଼ାଣ ଏବଂ ଅନୁସନ୍ଧାନ ପାଇଁ ରୋସ୍କୋସ୍ମୋର ସିଇଓ ୟୁରୀ ବୋରିସୋଭ କହିଛନ୍ତି, ଏହି ମିଶନ ସ୍ବୟଂଚାଳିତ ଭାବରେ କରାଯିବ। ଏଥିପାଇଁ ଆବଶ୍ୟକ ବୈଷୟିକ ସମାଧାନ ପ୍ରାୟ ପ୍ରସ୍ତୁତ।
ରୁଷିଆର ବୋରିସୋଭ କହିଛନ୍ତି, ୨୦୨୪ରୁ ୨୦୩୫ ମଧ୍ୟରେ ଆମର ଚାଇନା ସହଯୋଗୀଙ୍କ ସହ ମିଳିତ ଭାବରେ ଚନ୍ଦ୍ରରେ ପହଞ୍ଚିବା ଏବଂ ସେଠାରେ ଏକ ଆଣବିକ ବିଦ୍ୟୁତ ଉତ୍ପାଦନ କେନ୍ଦ୍ର ସ୍ଥାପନ କରିବାକୁ ଆମେ ଏକ ପ୍ରକଳ୍ପ ବିଷୟରେ ଗମ୍ଭୀର ଭାବରେ ବିଚାର କରୁଛୁ। ଏହାପୂର୍ବରୁ ମାର୍ଚ୍ଚ ୨୦୨୧ରେ ରୋସ୍କୋସ୍ମୋ ଏବଂ ଚାଇନା ଜାତୀୟ ମହାକାଶ ପ୍ରଶାସନ ଅନ୍ତର୍ଜାତୀୟ ଚନ୍ଦ୍ର ଅନୁସନ୍ଧାନ କେନ୍ଦ୍ର (ILRS) ନିର୍ମାଣ ପାଇଁ ଚୁକ୍ତି ସ୍ବାକ୍ଷର କରିଥିଲେ।
ଏହି ପ୍ରକଳ୍ପ ଅଧୀନରେ ଚାଇନା ତିନୋଟି ମିଶନ ପଠାଇବାକୁ ଯୋଜନା କରୁଛି, ଯେଉଁଥିରେ ଚାଙ୍ଗ୍ ଇ- ୬, ଚାଙ୍ଗ୍ ଇ- ୭ ଏବଂ ଚାଙ୍ଗ୍ ଇ- ୮ ଅନ୍ତର୍ଭୁକ୍ତ। ପ୍ରଥମ ଚନ୍ଦ୍ର ମିଶନ ପରୀକ୍ଷଣ ଏବଂ ଅନୁସନ୍ଧାନ ପାଇଁ ଏକ ରୋବୋଟିକ ଆଧାର ନିର୍ମାଣ ପାଇଁ ଏକ ରୋଡ୍ମ୍ୟାପ ପ୍ରସ୍ତୁତ କରିବାକୁ ପ୍ରମୁଖ ପ୍ରଯୁକ୍ତିବିଦ୍ୟା ପରୀକ୍ଷା କରିବ। ଯାହା ଦୂରରୁ ପରିଚାଳିତ ହୋଇପାରିବ। ପ୍ରଥମ ଚନ୍ଦ୍ର ମିଶନ ୨୦୨୬ ପାଇଁ ଧାର୍ଯ୍ୟ କରାଯାଇଛି ଏବଂ ଏହି ପରିକଳ୍ପନା ୨୦୨୮ରେ ପୂରା ହେବ।