ଛଣ୍ଡିଗଡ଼,୧୪।୪: ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନିଙ୍କ ଅଡୁଆ ବଢିବାରେ ଲାଗିଛି। ଆୟ ବହିର୍ଭୁତ ସମ୍ପତ୍ତି ମାମଲାରେ ରାଜ୍ୟ ଭିଜିଲାନ୍ସ ଟିମ ଶୁକ୍ରବାର ତାଙ୍କୁ ହାଜର ହେବାକୁ କହିଛନ୍ତି। ଏବେ ଏହାକୁ ନେଇ ଚନ୍ନି ପ୍ରତିକ୍ରିୟା ଦେଇଛନ୍ତି। ଚନ୍ନି କହିଛନ୍ତି ଭିଜିଲାନ୍ସ ଟିମ ମୋତେ ୨୦ ତାରିଖରେ ଡାକିବାର ଥିଲା ହେଲେ ମୋତେ ଆଜି ବା ଶୁକ୍ରବାର ୧୪ ତାରିଖରେ ଡାକିଛନ୍ତି। ଯେଉଁଦିନ ସମସ୍ତ ଅଫିସ ବନ୍ଦ ରହିଛି। ମୋତେ ଚିନ୍ତାରେ ପକାଇବାକୁ ବିଶେଷ ଭାବେ ୧୪ ତାରିଖରେ ପଞ୍ଜାବ ସରକାର ଅଫିସ ଖୋଲା ରଖିଛନ୍ତି। ମୁଁ ସେଠାକୁ ଏକେଲା ଯିବି, ଆପଣ ଚାହିଁଲେ ମୋତେ ସେଠାରେ ବସାଇ ମାଡ ମାରିପାରନ୍ତି, ସେମାନେ ମୋତେ ଗୋଟିଏ ଦିନ ଜୀବନରୁ ମାରିଦେବେ ବୋଲି ଚନ୍ନି କହିଛନ୍ତି।
ପୂର୍ବତନ ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନି ଭଗଓ୍ବନ୍ତ ମାନ ସରକାରଙ୍କ ଉପରେ ଅଭିଯୋଗ ଆଣି କହିଛନ୍ତି କି ସେ ପ୍ରେସ କନଫରେନ୍ସରେ ସତ କହିବାରୁ ସରକାର ହଡବଡେଇ ଯାଇଛନ୍ତି ଓ ଶୁକ୍ରବାର ତାଙ୍କୁ ଭିଜିଲାନ୍ସ ଟିମ ଡାକି ଦେଇଛନ୍ତି। ସେ ସରକାରଙ୍କ ଅତ୍ୟାଚାର ସହିବାକୁ ପ୍ରସ୍ତୁତ। ଚନ୍ନି କହିଛନ୍ତି ପଞ୍ଜାବ ସରକାର ଏକ ନୂଆ କଲଚର ତିଆରି କରିଛନ୍ତି। ପୁରୁଣା ପତ୍ନୀ ଛାଡ ନୂଆ ଆଣ। ଗରିବର ପୁଅ ୩ ମାସ ପର୍ଯ୍ୟନ୍ତ କେମିତି ମୁଖ୍ୟମନ୍ତ୍ରୀ ହେଲେ ଏହା ସେମାନେ ବରଦାସ୍ତ କରିପାରୁ ନାହାନ୍ତି। ଚନ୍ନି କହିଛନ୍ତି, ତାଙ୍କ ସମ୍ପର୍କୀୟଙ୍କୁ କୁହାଯାଉଛି କି ଆମ ଆଦେମୀ ପାର୍ଟିରେ ଯୋଗ ଦିଅନ୍ତୁ, ମୋତେ ସବୁଦିନ ନୋଟିସ ଦିଆଯାଉଛି।