କେପ୍ଟାଉନ୍: ପ୍ରତ୍ୟେକ ଦିନ ଅଜବ ଘଟଣା ସବୁ ଖବରକାଗଜ ହେଉ ଅବା ନ୍ୟୁଜ୍ ଚ୍ୟାନେଲରେ ପ୍ରସାରିତ ହେଉଛି। ସାମାଜିକ ଗଣମାଧ୍ୟମରେ ଅସଂଖ୍ୟ ଘଟଣାବଳୀ ଶେୟାର ମଧ୍ୟ ହେଉଛି। ନିକଟରେ ଦକ୍ଷିଣ ଆଫ୍ରିକାରୁ ଏଭଳି ଏକ ଘଟଣା ସାମ୍ନାକୁ ଆସିଛି। ଜଣେ ଚୋର ଲାପ୍ଟପ୍ ଚୋରି କରିବା ପରେ ମେଲ୍ ଜରିଆରେ ଲାପ୍ଟପ ମାଲିକଙ୍କୁ କ୍ଷମା ମାଗିବା ସହ ସଥିରେ ଥିବା ରିସର୍ଚ୍ଚ ପେପରର ଆଟାଚ୍ମେଣ୍ଟକୁ ମଧ୍ୟ ମେଲ୍ କରିଛନ୍ତି। ଉକ୍ତ ମେଲ୍ର ସ୍କ୍ରିନ୍ ସଟ୍ ଲ୍ୟାପ୍ଟପ୍ ମାଲିକ ଗୁଲୁଭା ଟୁଇଟରରେ ଶେୟାର କରିଛନ୍ତି। ଲାପ୍ଟପ୍ ଚୋରି ହେବା ପରେ ମନ ଦୁଃଖ ଥିବା ଗୁଲୁଭା ଚୋର ନିକଟରୁ ମେଲ୍ ଆସିବା ପରେ ସାମାନ୍ୟ ଆଶ୍ୱସ୍ତ ହୋଇଥିବା କ୍ୟାପ୍ଶନ୍ ଜରିଆରେ ଲେଖିଛନ୍ତି। ରିସର୍ଚ୍ଚ କାମରେ ଗୁଲୁଭା ବ୍ୟସ୍ତ ଥିଲେ ହେଁ ଚୋର ଜଣକ ନିଜ ଆବଶ୍ୟକତା ପୂରଣ କରିବା ଲାଗି ବାଧ୍ୟ ହୋଇ ଚୋରି କରିଥିବା ମେଲ୍ରେ ଲେଖିଥିବା ଜଣାପଡ଼ିଛି। ଯଦି ରିସର୍ଚ୍ଚ ପେପର ସମ୍ବନ୍ଧୀୟ ଆଉ କୌଣସି ତଥ୍ୟ ଆବଶ୍ୟକ ତେବେ ସୋମବାର ମଧ୍ୟାହ୍ନ ପୂର୍ବରୁ ତାଙ୍କୁ ମେଲ୍ କରିବାକୁ ଚୋର ଜଣକ କହିଛନ୍ତି। ମେଲ୍ର ରିପ୍ଲାଏ ଦେଇ ଗୁଭୁଲା ୨୨, ୫୪୯ ଟଙ୍କା ଦେଇ ଲାପ୍ଟପ୍ ନେଇଆସିବାକୁ ଚୋରକୁ ପ୍ରସ୍ତାବ ଦେଇଛନ୍ତି। ଏଥିସହ ଘଟଣା ସମ୍ପର୍କରେ ଗୁଲୁଭା ପୋଲିସକୁ ଜଣାଇବେ ନାହିଁ ବୋଲି ମଧ୍ୟ କହିଛନ୍ତି।