ହାଇଦ୍ରାବାଦ,୨୨।୧: ତେଲଙ୍ଗାନାର ହନମ୍କୋଣ୍ଡା ଜିଲାର ଏସ୍ଆର୍ ଇଞ୍ଜିନିୟରିଂ କଲେଜ ଛାତ୍ରୀନିବାସରୁ ଶନିବାର ରାତିରେ ମୋବାଇଲ ଫୋନ୍ ଏବଂ ଲାପ୍ଟପ ଚୋରିକରି ଖସି ପଳାଇବାକୁ ଉଦ୍ୟମ କରୁଥିବା ବେଳେ ଜଣେ ଯୁବକ କୂଅରେ ଖସିପଡ଼ିଥିଲେ। ରାତିସାରା କୂଅରେ ରହିବା ପରେ ସକାଳେ ପୋଲିସ ତାଙ୍କୁ ଉଦ୍ଧାର କରିଛି। ସେ ହଷ୍ଟେଲରୁ ୪ଟି ସ୍ମାର୍ଟଫୋନ୍ ଏବଂ ଲାପ୍ଟପ୍ ଚୋରି କରିଥିବା ସ୍ବୀକାର କରିଛନ୍ତି। ୩ ଦିନରେ ସେ ୧୪ଟି ମୋବାଇଲ ଫୋନ୍ ଓ ୬ଟି ଲାପ୍ଟପ୍ ଚୋରି କରିଥିବା ପୋଲିସ ତଦନ୍ତରୁ ଜାଣିବାକୁ ପାଇଛି।