କୋଲକାତା,୮।୯: ପଶ୍ଚିମବଙ୍ଗରୁ ଏକ ରୋଚକ ଚୋରି ଘଟଣା ସାମ୍ନାକୁ ଆସିଛି। ଜଣେ ଚୋର ୪୫ ହଜାର ଟଙ୍କା ମୂଲ୍ୟର ମୋବାଇଲ ଚୋରି କରିଥିଲେ। ଏହି ଫୋନକୁ ସେ ଚଲାଇ ନ ପାରିବାରୁ ଶେଷରେ ମାଲିକଙ୍କୁ ଫେରାଇ ଦେଇଛନ୍ତି। ପଶ୍ଚିମବଙ୍ଗର ବଦ୍ଧମାନ ଜିଲାରେ ଏହି ଘଟଣା ଘଟିଛି। ବର୍ଦ୍ଧମାନର ଜମାଲପୁରରେ ଥିବା ଏକ ଦୋକାନକୁ ମିଠା ପାଇଁ ଆସିଥିଲେ ଜଣେ ୨୨ ବର୍ଷୀୟ ଯୁବକ। ସେଠାରେ ଏକ ମୋବାବଇଲ୍ ଦେଖି ସେ ଚୋରି କରିନେଇଥିଲେ। ମୋବାଇଲ ଚୋରି ସମ୍ପର୍କରେ ଫୋନର ମାଲିକ ପୋଲିସ ଷ୍ଟେଶନରେ ମଧ୍ୟ ଅଭିଯୋଗ କରିଥିଲେ। ସମସ୍ତେ ଭାବିଥିଲେ ଏବେ ମୋବାଇଲ ମିଳିବା ବହୁତ କଷ୍ଟକର। କିନ୍ତୁ ଏହି ସମୟ ମଧ୍ୟରେ ମୋବାଇଲର ମାଲିକ ପୁଣି ଥରେ ତାଙ୍କ ନମ୍ବରରେ ଫୋନ କରିବାରୁ ଚୋର ଫୋନ ଉଠାଇ ମାଲିକଙ୍କୁ ବହୁତ ଗାଳି କରିଥିଲେ। ତୁମ ଫୋନ ଚଲାଇବାରେ ଅସମର୍ଥ ତେଣୁ ଆସ ତୁମ ଫୋନ ନେଇଯାଅ। ଫୋନର ମାଲିକ ପୋଲିସ ସହିତ ଚୋରଙ୍କ ଘରେ ପହଞ୍ଚି ମୋବାଇଲ ଆଣିଥିଲେ। ପୋଲିସ ଚୋରକୁ ଗିରଫ କରିବାକୁ ଚାହୁଁଥିଲା କିନ୍ତୁ ଫୋନ ମାଲିକଙ୍କ ଅନୁରୋଧ କ୍ରମେ ଚୋର ଉପରେ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନ ଥିଲା।