ପାଟଣା,୨୨।୧୦(ସ୍ବ.ପ୍ର.): କେନ୍ଦୁଝର ଜିଲା ପାଟଣା ଥାନା ସାହାରପଡ଼ା-ମାଛଗଡ଼ ରାସ୍ତାରୁ ଏକ ଟ୍ରାକ୍ଟର ଚୋରି ହୋଇଥିବା ପାଟଣା ଥାନାରେ ଅଭିଯୋଗ ହୋଇଛି।
ଅଭିଯୋଗ ମୁତାବକ, ଘଷିପୁରା ଥାନା କେନ୍ଦୁଆ ଗ୍ରାମର ଜଗଦୀଶ ବେହେରା ଏକ ରାସ୍ତା କାର୍ଯ୍ୟରେ ତାଙ୍କ ଟ୍ରାକ୍ଟରକୁ ନିୟୋଜିତ କରିଥିଲେ। ହେଲେ ଗତ ଗୁରୁବାର ରାତିରେ ଚାଳକ ସାହାରପଡ଼ା-ମାଛଗଡ଼ ରାସ୍ତା କଡ଼ରେ ଟ୍ରାକ୍ଟର(ଓଡି୦୯-ଜେ୩୮୯୨)କୁ ରଖିଥିଲେ। ପରେ ସେଠାରୁ ଟ୍ରାକ୍ଟରକୁ କେତେକ ଦୁର୍ବୃତ୍ତ ଚୋରି କରି ନେଇଥିବା ଜଣାପଡ଼ିଥିଲା। ଏନେଇ ଟ୍ରାକ୍ଟର ମାଲିକ ପାଟଣା ଥାନାରେ ଅଭିଯୋଗ କରିଥିଲେ। ଏନେଇ ପୋଲିସ ଏକ ମାମଲା (ନଂ.୨୨୬/୨୨) ରୁଜୁ କରିଛି। ଅଭିଯୋଗକୁ ଭିତ୍ତି କରି ମାମଲାର ତଦନ୍ତ ଚାଲିଥିବା ଥାନା ଅଧିକାରୀ ମନୋରଞ୍ଜନ ପ୍ରଧାନ କହିଛନ୍ତି।