ମୋରଡ଼ା,୩ା୧୦(ଡି.ଏନ୍.ଏ): ମୟୂରଭଞ୍ଜ ଜିଲା ମୋରଡ଼ା ବ୍ଲକ୍ ଚିତ୍ରଡ଼ାସ୍ଥିତ କଲେଜ ଛକ ନିକଟ ଏକ ଦୋକାନରୁ ଚୋରି କରୁଥିବା ବେଳେ ଯୁବକଙ୍କୁ ଲୋକେ କାବୁ କରିଛନ୍ତି। ଯୁବକ ଜଣଙ୍କ ବାରିପଦା ପୂର୍ଣ୍ଣଚନ୍ଦ୍ରପୁରର ରାଜକିଶୋର ନନ୍ଦ ବୋଲି ଜଣାପଡ଼ିଛି।
ରାଜକିଶୋର ଶନିବାର ରାତିରେ କଲେଜ ଛକ ନିକଟରେ ଥିବା ସୁବାସ ବେହେରାଙ୍କ ଗ୍ରୋସରୀ ଦୋକାନ ତାଲା ଭାଙ୍ଗି ଚୋରି କରିବାକୁ ଉଦ୍ୟମ କରୁଥିଲେ। ଲୋକେ ତାଙ୍କୁ କାବୁ କରି ପୋଲିସ ଜିମା ଦେଇଥିଲେ। ପୋଲିସ(୨୫୮/୨୨)ରେ ଏକ ମାମଲା ରୁଜୁ କରି ରାଜକିଶୋରଙ୍କୁ କୋର୍ଟ ଚାଲାଣ କରିଛି।