ଭୁବନେଶ୍ୱର,୬।୩(ବ୍ୟୁରୋ): ନାମାଙ୍କନ ଦାଖଲର ଶନିବାର ଥିଲା ଚତୁର୍ଥ ଦିନ । ଓଡ଼ଶାରୁ ପୌରାଧ୍ୟକ୍ଷ ଓ ମେୟର ପଦ ପାଇଁ ୩୭ଟି ଏବଂ କାଉନସିଲର ଓ କର୍ପୋରେଟର ପାଇଁ ୨୭୫ଟି ନାମାଙ୍କନ ପତ୍ର ଦାଖଲ ହୋଇଛି । ସାମୁହିକ ଭାବେ ୭୧୩ଟି କର୍ପୋରେଟର ଓ ମେୟର ପଦ ପାଇଁ ୨୩ଟି ଫର୍ମ ବିକ୍ରି ସରିଥିବା ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
ଅନ୍ୟପଟେ ମେୟର ପଦବୀ ପାଇଁ ମହାନଗର ନିଗମ ଚଳଚଞ୍ଚଳ ହୋଇଛି। ଏହାରି ଭିତରେ ବିଏମ୍ସି ମେୟର ପାଇଁ ପ୍ରଥମ ନାମାଙ୍କନ ପଡିଛି । କର୍ପୋରେଟର ପଦ ପାଇଁ ୧୩୨ ଏବଂ ମେୟର ପଦ ପାଇଁ ୮ଟି ଫର୍ମ ବିକ୍ରି ହୋଇଥିବା ବେଳେ ୨୦ଜଣ କର୍ପୋରେଟର ଏବଂ ଜଣେ ମେୟର ପଦ ପାଇଁ ନାମାଙ୍କନ ଭରିଛନ୍ତି । ତିନି ପ୍ରମୁଖ ଦଳର ପ୍ରାର୍ଥୀ ପ୍ରାର୍ଥିପତ୍ର ଦାଖଲ କରି ନ ଥିବାବେଳେ ଶନିବାର ବିଜେଡିି ଏବଂ ଭାଜପା ନିଜ ନିଜର ପ୍ରାର୍ଥୀଙ୍କ ନାମ ଘୋଷଣା କରିଛି ।
