ନିମାପଡ଼ା,୩୧ା୮(ଡି.ଏନ୍.ଏ.): ଧନୁଆଁ ନଦୀରେ ବନ୍ୟାଜଳ ପ୍ରବାହିତ ହେବା ଫଳରେ ନିମାପଡ଼ା ବ୍ଲକର ଧନୁଆଁ, ରେଞ୍ଚ, ଶଗଡ଼ା, ବଡ଼ମାଛପୁର, ଅଲଣ୍ଡା, ଶାଇଁସଶାସନ ପଞ୍ଚାୟତର ୩୦ଗ୍ରାମ ପାଣିଘେରରେ ରହିଛି। ଦେଖେତା, ବଉଳପଦା, ଭୁଆଁ, ଶୁନୁଗୋରଡି, ବରିହାପଡ଼ା, ରଡବଜାର, ଖଜାପୁରୁ, ଆଙ୍କୁଶୁପୁର, କେରେଣ୍ଡିଆବିନ୍ଧା, ଚିଙ୍ଗୁଡ଼ିଆକଣ୍ଟା, ବଢେଇସାହି ସମେତ ୩୦ଗ୍ରାମର ୬ହଜାରରୁ ଊର୍ଦ୍ଧ୍ୱ ଲୋକ ଜଳବନ୍ଦୀ ହୋଇ ରହିଛନ୍ତି। ଧନୁଆଁ ପଞ୍ଚାୟତର ଦେଖେତା-ଶୁନୁଗୋରଡ଼ି ରାସ୍ତା, ଭୁଆଁପୁରଠାରୁ ଦେଖେତା ରାସ୍ତା, ବଉଳପଦା-ଇଚ୍ଛାପୁର ରାସ୍ତା, ଡିହସାହି-ବଣିଆସାହି ରାସ୍ତା, ଅଲଣ୍ଡା ପଞ୍ଚାୟତର ଦୁଆଁଲୋ-ପୋରକଣା ରାସ୍ତା, ଚିଙ୍ଗୁଡ଼ିଆକଣ୍ଟା-କଅଁରପୁର ରାସ୍ତା, ଶଗଡ଼ ପଞ୍ଚାୟତର ଏକମୋକୋଣାଠାରୁ ଶଗଡ଼ାଦେଉଳି ରାସ୍ତା, ଶାଇଁସଶାସନ ପଞ୍ଚାୟତର ଭଗବତୀପୁର-ତୋରିଆବନ୍ଧ ରାସ୍ତା, ବଡ଼ମାଛପୁର ପଞ୍ଚାୟତର ବଡ଼ମାଛପୁର-କେରେଣ୍ଡିଆ ବନ୍ଧ ରାସ୍ତାରେ ୩ଫୁଟ ବନ୍ୟାଜଳ ପ୍ରବାହିତ ହେଉଛି। ଫଳରେ ଯାତାୟାତ ବିଚ୍ଛିନ୍ନ ହୋଇପଡ଼ିଛି। ଏହି ୬ପଞ୍ଚାୟତର ପ୍ରାୟ ୧୦ହଜାର ହେକ୍ଟର ଚାଷ ଜମି ପାଣିରେ ବୁଡ଼ି ରହିଛି। ପ୍ରଶାସନ ପକ୍ଷରୁ ଜଳବନ୍ଦୀ ଥିବା ଲୋକଙ୍କୁ ଖାଦ୍ୟସାମଗ୍ରୀ ଯୋଗାଇଦେବା ସହ ଉଚ୍ଚସ୍ଥାନକୁ ସ୍ଥାନାନ୍ତର କରିବା ପାଇଁ ସରପଞ୍ଚ ପ୍ରତାପସେନ ସ୍ବାଇଁ, ସମିତିସଭ୍ୟା ପ୍ରମିଳା ଦାସ, ରବି ଦାସ, ଗୋକୁଳାନନ୍ଦ ପରିଡ଼ା, ମମତା ପରିଡା, ସମିତିସଭ୍ୟା କଳ୍ପନା କାଣ୍ଡି, ସରପଞ୍ଚ ସଶ୍ମିତା ନାୟକ, ରଶ୍ମିତା ପ୍ରଧାନ, ପ୍ରକାଶ ପ୍ରଧାନ, ଭାଗ୍ୟଧର ଖଟୋଇ ପ୍ରମୁଖ ଦାବି କରିଛନ୍ତି। ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ରବିବାର ନିମାପଡ଼ା ବ୍ଲକର ହରିପୁର, ବଳଙ୍ଗା, ଶାଇଁସଶାସନ, ନୂଆସନ୍ଥ ପଞ୍ଚାୟତର ବନ୍ୟାଞ୍ଚଳ ବୁଲି ଦେଖିବା ସହ ସମୀକ୍ଷା କରିଛନ୍ତି।
ର,(.): ର ଗାଁ ଗାଁ