ନବାଗତଙ୍କ ଠାରୁ ହାରିଗଲେ ବିଜେଡିର ଏହି ୧୨ ମନ୍ତ୍ରୀ

ଭୁବନେଶ୍ୱର,୪।୬: ରାଜ୍ୟରେ ୨୦୨୪ ନିର୍ବାଚନର ଫଳାଫଳ ସମସ୍ତଙ୍କ ଚକିତ କରିଛି । ଓଡ଼ିଶାରେ କ୍ଷମତାସୀନ ବିଜେଡିର ଦୁର୍ଗ ଭୁଶୁଡିଛି । ବିଜେଡିର ବହୁ ହେଭିୱେଟ ନେତା ପରାଜିତ ହୋଇଛନ୍ତି ଓ ଅନେକ ନେତାଙ୍କୁ ଶୋଚନୀୟ ଭାବେ ହାରିଥିବା ନିର୍ବାଚନୀ ଫଳାଫଳ ଟ୍ରେଣ୍ଡରୁ ସ୍ପଷ୍ଟ ହୋଇଛି । ଚଳିତ ବିଧାନସଭା ନିର୍ବାଚନରେ ଭାଜପାକୁ ୭୮ ଆସନ ମିଳିଥିବାବେଳେ ବିଜେଡିକୁ ୫୧ ଆସନ ମିଳିଛି। ଏହାରି ଭିତରେ ଅନେକ ବିଜେଡିର ପାୱାରଫୁଲ ମନ୍ତ୍ରୀ ଓ ନେତା ପରାଜୟ ବରଣ କରିଛନ୍ତି ।

ଏହି ଲିଷ୍ଟରେ ଅଛନ୍ତି ଏକାମ୍ର ଭୁବନେଶ୍ବର ନିର୍ବାଚନମଣ୍ଡଳୀର ବିଜେଡି ପ୍ରାର୍ଥୀ ତଥା ମନ୍ତ୍ରୀ ଅଶୋକ ପଣ୍ଡା । ତାଙ୍କୁ ଭାଜପା ପ୍ରାର୍ଥୀ ବାବୁ ସିଂ ହରାଇଛନ୍ତି । ଅନ୍ୟପଟେ ସୁକିନ୍ଦାରେ ମଧ୍ୟ ଟାଣୁଆ ଯୁବ ନେତା ପ୍ରୀତିରଞ୍ଜନ ଘଡ଼ାଇ ମଧ୍ୟ ୨୦୨୪ ବାଜି ହାରି ଯାଇଛନ୍ତି । ତାଙ୍କୁ ଭାଜପାର ପ୍ରଦୀପ ବଳ ସାମନ୍ତ ହରାଇଛନ୍ତି । ବିଜେଡିର ଟାଣୁଆ ନେତ୍ରୀ ତଥା ପରିବହନ ମନ୍ତ୍ରୀ ଟୁକୁନି ସାହୁ ଟିଟଲାଗଡ ବିଧାନସଭା ଆସନରେ ପରାଜୟ ବରଣ କରିଛନ୍ତି । ସେଠାରେ ତାଙ୍କୁ ଭାଜପାର ନବୀନ କୁମାର ଜେନ ହରାଇଛନ୍ତି । ଏହାସହ ମହାକାଳପଡ଼ାରେ ଟାଣୁଆ ବିଜେଡି ନେତା ତଥା ମନ୍ତ୍ରୀ ଅତନୁ ସବ୍ୟସାଚୀ ନାୟକ ପରାଜୟ ବରଣ କରିଛନ୍ତି । ତାଙ୍କୁ ଭାଜପାର ଦୁର୍ଗାପ୍ରସନ୍ନ ନାୟକ ହରାଇଛନ୍ତି ।

ସେହିପରି କାମାକ୍ଷାନଗରରେ ବିଜେଡିର ଟାଣୁଆ ନେତା ତଥା କ୍ୟାବିନେଟ ମନ୍ତ୍ରୀ ପ୍ରଫୁଲ୍ଲ ମଲ୍ଲିକ ପରାଜୟ ବରଣ କରିଛନ୍ତି। ତାଙ୍କୁ ଭାଜପା ପ୍ରାର୍ଥୀ ଶତୃଘ୍ନ ଜେନା ହରାଇଛନ୍ତି । ଅନ୍ୟପଟେ, ବାଲେଶ୍ବରର ଜଳେଶ୍ବରରୁ ପରାଜୟ ବରଣ କରିଛନ୍ତି ମନ୍ତ୍ରୀ ତଥା ବିଜେଡିର ଟାଣୁଆ ନେତା ଅଶ୍ବିନୀ ପାତ୍ର । ତାଙ୍କୁ ଭାଜପାର ବ୍ରଜମୋହନ ପ୍ରଧାନ ହରାଇଛନ୍ତି । ସେହିପରି ଅର୍ଥମନ୍ତ୍ରୀ ବିକ୍ରମ କେଶରୀ ଆରୁଖ ଭଞ୍ଜନଗର ଆସନରୁ ଭାଜପାର ପ୍ରଦ୍ୟୁମ୍ନ କୁମାର ନାୟକଙ୍କ ଠାରୁ ପରାଜିତ ହୋଇଛନ୍ତି। ମନ୍ତ୍ରୀ ପ୍ରଦୀପ କୁମାର ଅମାତ ବୌଦ୍ଧ ଆସନରୁ ଭାଜପାର ସରୋଜ ପ୍ରଧାନଙ୍କ ଠାରୁ ହାରିଛନ୍ତି। ମନ୍ତ୍ରୀ ସୁଦାମ ମାର୍ଣ୍ଡି ମୟୂରଭଞ୍ଜ ଆସନରୁ ଭାଜପାର ନବଚରଣ ମାଝୀଙ୍କ ଠାରୁ ବଡ଼ ବ୍ୟବଧାନରେ ହାରିଛନ୍ତି।

ସେହିପରି ମନ୍ତ୍ରୀ ପ୍ରୀତିରଞ୍ଜନ ଘଡାଇ ସୁକିନ୍ଦା ଆସନରୁ ଭାଜପାର ପ୍ରଦୀପ ବଳସାମନ୍ତଙ୍କଠୁ ପରାଜିତ ହୋଇଛନ୍ତି । ମନ୍ତ୍ରୀ ରୀତା ସାହୁ ବିଜେପୁର ଆସନରୁ ଭାଜପାର ସନତ ଗରତିଆଙ୍କଠୁ ହାରି ଯାଇଛନ୍ତି । ସେହିପରି ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଭୁବନେଶ୍ୱର-ଏକାମ୍ର ଆସନରୁ ଭାଜପାର ବାବୁ ସିଂଙ୍କଠୁ ପରାଜିତ ହୋଇଛନ୍ତି । ଆଇନ ମନ୍ତ୍ରୀ ଜଗନ୍ନାଥ ସାରକା ବିଷମକଟକ ଆସନରୁ ନିଜର ନିକଟତମ ପ୍ରତିଦ୍ୱନ୍ଦ୍ୱୀ ନୀଳମାଧବ ହିକ୍କାଙ୍କଠୁ ପରାଜିତ ହୋଇଥିବା ହୋଇଛନ୍ତି । ସେହିପରି ମନ୍ତ୍ରୀ ବାସନ୍ତୀ ହେମ୍ବ୍ରମ କରଞ୍ଜିଆ ଆସନରୁ ଭାଜପାର ପଦ୍ମଚରଣ ହାଇବ୍ରୁଙ୍କଠୁ ପରାଜିତ ହୋଇଛନ୍ତି । ତେବେ ମନ୍ତ୍ରୀ ଉଷା ଦେବୀ ନିଜେ ନିର୍ବାଚନ ନ ଲଢି ତାଙ୍କ ପୁଅ ଚିନ୍ମୟାନନ୍ଦ ସ୍ବରୂପଦେବଙ୍କୁ ଚିକିଟି ଆସନରୁ ପ୍ରାର୍ଥୀ କରିଥିଲେ । ହେଲେ ସେଠାରୁ ଭାଜପାର ମନୋରଞ୍ଜନ ଦ୍ୟାନସାମନ୍ତରାୟଙ୍କଠୁ ସେ ପରାଜିତ ହୋଇଛନ୍ତି ।

ତେବେ ମନ୍ତ୍ରୀ ନିରଞ୍ଜନ ପୂଜାରୀ, ରାଜେନ୍ଦ୍ର ଢୋଲକିଆ, ପ୍ରତାପ କେଶରୀ ଦେବ, ରଣେନ୍ଦ୍ର ପ୍ରତାପ ସ୍ବାଇଁ, ଶାରଦା ପ୍ରସାଦ ନାୟକ, ତୁଷାରକାନ୍ତି ବେହେରା ଓ ଅଶ୍ୱିନୀ କୁମାର ପାତ୍ର ବିଜୟୀ ହୋଇଛନ୍ତି ।