ନୂଆଦିଲ୍ଲୀ,୨୦।୨:କାଲିଫର୍ନିଆରେ କାର୍ମେଲ ନାମକ ଏକ ସହର ଅଛି। ଏହି ସହର ଏତେ ସୁନ୍ଦର ଯେ ହଲିଉଡ ତାରକା ବ୍ରାଡ ପିଟଙ୍କ ସମେତ ଅନେକ ସେଲିବ୍ରିଟି ଛୁଟିଦିନ ପାଇଁ ଏଠାକୁ ଆସନ୍ତି।ଏହି ସହରଟି ଡେଷ୍ଟିନେସନ ଅଫ ଦି ମୋମେଣ୍ଟ ଭାବରେ ମଧ୍ୟ ଜଣାଶୁଣା। କିନ୍ତୁ ନିକଟରେ ମୋନାକୋ ନିବାସୀ ପାଟ୍ରିସ ପାଷ୍ଟର ନାମକ ଜଣେ ବିଲିୟନେୟାର ଏହି ସହରର ଅଧିକାଂଶ ସମ୍ପତ୍ତି କିଣିଛନ୍ତି।
ପାଷ୍ଟର ୨୦୧୫ ଠାରୁ ଏଠାରେ ବ୍ୟବସାୟ କରିଆସୁଛନ୍ତି, ସେ ଏଠାରେ ୨୨ ମିଲିୟନ ଡଲାର ମୂଲ୍ୟର ଏକ ସୁନ୍ଦର ମହଲ ମଧ୍ୟ କିଣିଛନ୍ତି। ଏହା ବ୍ୟତୀତ ସେସହରର ପ୍ରତ୍ୟେକ ଅଞ୍ଚଳକୁ କାବୁ କରୁଛନ୍ତି। ସେ ସହରର ପ୍ରାୟ ସମସ୍ତ ଗୁରୁତ୍ୱପୂର୍ଣ୍ଣ ସ୍ଥାନ କିଣିଛନ୍ତି। ସ୍ଥାନୀୟ ଲୋକମାନେ ଏହାକୁ ଭୟ କରୁଛନ୍ତି।
ସ୍ଥାନୀୟ ଲୋକ କୁହନ୍ତି ଯେ, ଏହି ସହରର ଅଧିକାଂଶ ସ୍ଥାନ କିଣିଥିବା ବ୍ୟକ୍ତି ନିଜ ଇଚ୍ଛା ଅନୁଯାୟୀ ସବୁକିଛି କରନ୍ତ। ସୂଚନା ଅନୁଯାୟୀ, ପାଟ୍ରିସ ଏଠାରେ ତିନୋଟି ନିର୍ମାଣ ପ୍ରକଳ୍ପ ଆରମ୍ଭ କରୁଛନ୍ତି, ଯାହା ଆବାସିକ ଅଞ୍ଚଳରେ ନିର୍ମାଣ କରାଯାଉଛି। ଏହି ଭୟ ଯୋଗୁ ବ୍ୟବସାୟୀମାନେ ସେମାନଙ୍କର ଦୋକାନ ବନ୍ଦ କରି ଅନ୍ୟ ସହରକୁ ଯାଉଛନ୍ତି ।ଦୋକାନୀମାନେ କହିଛନ୍ତି ଯେ ଏହା ସମ୍ପତ୍ତି ଟିକସ ବୃଦ୍ଧି କରିବ ଏବଂ ଭଡା ବୃଦ୍ଧି କରିବ।
ଲୋକମାନେ କହିଛନ୍ତି ଯେ, ମୂଲ୍ୟ ଏତେ ଅଧିକ ହେବ ଯେ କେବଳ ପ୍ରସିଦ୍ଧ ଲୋକମାନେ ଏଠାରେ ରହିପାରିବେ। ତେବେ ସେ ସ୍ଥାନୀୟ ଲୋକଙ୍କର କୌଣସି କ୍ଷତି କରିବେ ନାହିଁ ବୋଲି ପାଟ୍ରିସ କହିଛନ୍ତି। ସହରକୁ ଉନ୍ନତ କରିବା ଉଦ୍ଦେଶ୍ୟରେ ସେ ପୁଞ୍ଜି ବିନିଯୋଗ କରୁଛନ୍ତି।