ନୂଆଦିଲ୍ଲୀ,୧୮।୨: କେନ୍ଦ୍ର ମନ୍ତ୍ରୀ ସ୍ମୃତି ଇରାନୀଙ୍କ ଝିଅ ଶନେଲ ଇରାନୀ ନିକଟରେ ବିବାହ ବନ୍ଧନରେ ବାନ୍ଧି ହୋଇଛନ୍ତି। ରାଜସ୍ଥାନର ନାଗୌରର ୫୦୦ ବର୍ଷ ପୂରୁଣା ତଥା ଖୀବସର ଫୋର୍ଟରେ ସେ ଅର୍ଜୁନ ଭଲ୍ଲାଙ୍କୁ ବିବାହ କରିଛନ୍ତି। ତେବେ ବିବାହ ପରେ ଦମ୍ପତିଙ୍କ ଗ୍ରାଣ୍ଡ ରିସେପ୍ଶନ ପାର୍ଟି ଆୟୋଜିତ ହୋଇଥିଲା। ଯେଉଁଥିରେ ବଲିଉଡର ଅନେକ ସେଲିବ୍ରିଟି ନଜର ଆସିଛନ୍ତି। ପଠାନ ଅଭିନେତା ଶାହାରୁଖ ଖାନଙ୍କ ଠାରୁ ଆରମ୍ଭ କରି ଏକତା କପୁର ପର୍ଯ୍ୟନ୍ତ ରିସେପ୍ଶନ ପାର୍ଟି ପହଞ୍ଚିଥିଲେ। ଅଭିନେତ୍ରୀ ମୌନୀ ରୟ ଇନଷ୍ଟାଗ୍ରାମରେ କିଛି ଫଟୋ ଶେୟାର କରିଛନ୍ତି। ସେଥିରେ ତାଙ୍କ ସ୍ବାମୀ ସୁରଜ ନାମ୍ବିଆର, ଶାହାରୁଖ, ଶନେଲ,ଅର୍ଜୁନ ଭଲ୍ଲା, ସ୍ମୃତି ଇରାନୀ ନଜର ଆସିଛନ୍ତି।