![](https://www.dharitri.com/wp-content/uploads/2021/07/jilani.jpg)
ଅଧିକାଂଶ ଭାରତୀୟ କ୍ରିକେଟ ପ୍ରେମୀ ହୁଏତ ସି.କେ ନାଇଡୁ, ଲାଲା ଅମରନାଥଙ୍କ ନାମ ଶୁଣିଥିବେ, କିନ୍ତୁ କେବଳ ବାକା ଜିଲାନିଙ୍କୁ କ୍ରିକେଟପ୍ରେମୀ କମ୍ ଜାଣିଥିବେ। ଜୁଲାଇ ୨୦, ୧୯୧୧ରେ ଜଳନ୍ଦରରେ ଜନ୍ମଗ୍ରହଣ କରିଥିବା ବାକା ତାଙ୍କର ୩୦ତମ ଜନ୍ମଦିନର ୧୮ଦିନ ପୂର୍ବରୁ ଏହି ଦନିଆରୁ ବିଦାୟ ଦେଇଥିଲେ। ଆଜି ବାକା ଜିଲାନୀଙ୍କ ୧୧୦ତମ ଜନ୍ମଦିବସ।
ବାକା ୧୯୩୬ ମସିହାରେ ଇଂଲଣ୍ଡ ବିପକ୍ଷରେ ଦି ଓଭାଲରେ ଭାରତ ପାଇଁ ଏକମାତ୍ର ଟେଷ୍ଟ ମ୍ୟାଚ ଖେଳିଥିଲେ। ସେ ୩୧ ଟି ପ୍ରଥମ ଶ୍ରେଣୀ ମ୍ୟାଚ ମଧ୍ୟ ଖେଳିଥିଲେ। ଭାରତୀୟ କ୍ରିକେଟ ଇତିହାସରେ ବାକାଙ୍କ ନାମ ସ୍ବର୍ଣ୍ଣାକ୍ଷରରେ ଲିପିବଦ୍ଧ ହୋଇ ରହିଛି। ସେ ରଣଜୀ ଟ୍ରଫିରେ ପ୍ରଥମ ବୋଲର ଭାବେ ହ୍ୟାଟ୍ରିକ ଅର୍ଜନ କରିଥିଲେ। ଆହୁରି ମଧ୍ୟ, ସର୍ବକନିଷ୍ଠ ଖେଳାଳି ଭାବେ ଦୁନିଆ ଛାଡିଥିବା ଦ୍ୱିତୀୟ ଭାରତୀୟ ଖେଳାଳି ଭାବରେ ବାକାଙ୍କ ନାମ ମଧ୍ୟ ଇତିହାସର ପୃଷ୍ଠାରେ ଲିପିବଦ୍ଧ ହୋଇଛି। ବାକା ଉଭୟ ବଲ ଏବଂ ବ୍ୟାଟ ସହ ଦଳକୁ ସାହାଯ୍ୟ କରିବାରେ ସକ୍ଷମ ହୋଇଥିଲେ। ଏକମାତ୍ର ଅନ୍ତର୍ଜାତୀୟ ମ୍ୟାଚରେ ତାଙ୍କ ରେକର୍ଡ ସେତେଟା ଭଲ ନ ଥିଲା। କିନ୍ତୁ ପ୍ରଥମ ଶ୍ରେଣୀ ମ୍ୟାଚରେ ସେ ୯୨୮ ରନ ସଂଗ୍ରହ କରି ୮୩ଟି ଉଇକେଟ ନେଇଥିଲେ। ସେ ସର୍ବଶ୍ରେଷ୍ଠ ୧୧୩ ରନ ଇନିଂସ ପାଇଥିଲେ। ବୋଲିଂରେ ତାଙ୍କର ଶ୍ରେଷ୍ଠ ପ୍ରଦର୍ଶନ ୩୭/୭ ଥିଲା। ପ୍ରଥମ ଶ୍ରେଣୀ କ୍ରିକେଟର ଗୋଟିଏ ମ୍ୟାଚ୍ରେ ସେ ୧୦ ଉଇକେଟ ନେଇଥିଲେ।