ଯେତେବେଳେ ଲୋକମାନେ ବୁଲିବାକୁ ଯାଆନ୍ତି, ସେମାନେ ସେମାନଙ୍କର ପୋଷାକର ଯତ୍ନ ନିଅନ୍ତି। ତାଙ୍କର ଏକମାତ୍ର ଚିନ୍ତାଧାରା ରହିଥାଏ ଯେମିତି ତାଙ୍କ ପୋଷାକ ଅନ୍ୟମାନଙ୍କଠାରୁ ଭିନ୍ନ ଏବଂ ଫ୍ୟାଶନେବଲ ଦେଖାଯିବା ଉଚିତ। ଏଥିପାଇଁ ସେମାନେ ମହଙ୍ଗା ପୋଷାକ ବି କିଣିଥାନ୍ତି। ପାର୍ଟି, ଶପିଂ, ଅଫିସ, ବାହାରକୁ ଯିବା ପାଇଁ ବିଭିନ୍ନ ଡିଜାଇନ ପୋଷାକ ଅଛି କିନ୍ତୁ ଆପଣ କେବେ ଶୁଣିଛନ୍ତି କି ଲୋକମାନେ ଡାକ୍ତରଖାନାରେ ମଧ୍ୟ ଡିଜାଇନର୍ ପୋଷାକ ପିନ୍ଧୁଛନ୍ତି? ଜାପାନରେ ଏଭଳି ଦେଖାଯାଉଛି। ଏଠାରେ ଏକ ଫ୍ୟାଶନ ବ୍ରାଣ୍ଡ ହସ୍ପିଟାଲରେ ଭର୍ତ୍ତି ରୋଗୀଙ୍କ ପାଇଁ ପୋଷାକ ଡିଜାଇନ କରୁଛି। ଲୋକମାନେ ଏହା ଜାଣି ଆଶ୍ଚର୍ଯ୍ୟ ହୋଇଯାଆନ୍ତି।
ଏକ ରିପୋର୍ଟ ଅନୁଯାୟୀ, ଜାପାନର ପୋଷାକ ବ୍ରାଣ୍ଡ ‘ଲିଫ୍ଟ’ ଏହି ଅନନ୍ୟ ବ୍ୟବସାୟ ଆରମ୍ଭ କରିଛି। ଯେତେବେଳେ ରୋଗୀମାନେ ଦୀର୍ଘ ସମୟ ଧରି ଡାକ୍ତରଖାନାରେ ଭର୍ତ୍ତି ହୁଅନ୍ତି, ସେତେବେଳେ ସେମାନେ ଗାଉନ କିମ୍ବା ଖାଲି ପୋଷାକ ପିନ୍ଧନ୍ତି। ଏହି ପୋଷାକ ଡିଜାଇନ କରିବା ପାଇଁ ‘ଲିଫ୍ଟ ’କାମ କରିଥାଏ।
ଲିଫ୍ଟ ହେଉଛି ଏକ ବ୍ରାଣ୍ଡ ନାମ। ମେଡିକାଲ ଯୋଗାଣ କମ୍ପାନୀ କ୍ଲାସିକୋ ଏବଂ ଡାକ୍ତରଖାନା ପାଇଁ ଏକ ପୋଷାକ କମ୍ପାନୀ ଆଲେନ। ବର୍ତ୍ତମାନ ପ୍ରଶ୍ନ ଉଠିଛି, କମ୍ପାନୀ କାହିଁକି କାଜୁଆଲ କିମ୍ବା ଅଫିସିଆଲ ପୋଷାକ ବ୍ୟତୀତ ଏପରି ପୋଷାକର ଡିଜାଇନ କରୁଛି , ଯାହା କେବଳ ଡାକ୍ତରଖାନାରେ ପିନ୍ଧାଯାଇପାରିବ। ସେ କହିଛନ୍ତି, କେହି ଅସୁସ୍ଥ ହେବାକୁ ପସନ୍ଦ କରନ୍ତି ନାହିଁ ଏବଂ ଅସୁସ୍ଥତା ସମୟରେ ଲୋକମାନେ ଅତ୍ୟଧିକ ଉଦାସ ହୋଇଯାଆନ୍ତି, ଏପରି ପରିସ୍ଥିତିରେ ଡିଜାଇନର୍ ଗାଉନ ସେମାନଙ୍କ ମନୋବଳ ଏବଂ ପ୍ରେରଣା ବୃଦ୍ଧିରେ ସାହାଯ୍ୟ କରିଥାଏ।
ଏହି ଗାଉନଗୁଡିକ କ୍ଲାସିକ ଏବଂ ବାଥ୍ରୋବ ଦୁଇ ପ୍ରକାରର ହୋଇଥାଏ। ଏହା ୪ଟି ରଙ୍ଗ ଯଥା ଗୋଲାପୀ,ବ୍ଲୁ, ଗ୍ରେ ଏବଂ ଓ୍ବାଇନ ରେଡ୍ରେ ତିଆରି ହୋଇଥାଏ। ଶକ୍ତିଶାଳୀ ଡିଟରଜେଣ୍ଟ ସହିତ ୮୦ ଥର ଧୋଇବା ପରେ ମଧ୍ୟ ଏହାର କପଡ଼ା ଉପରେ କୌଣସି ବିଶେଷ ପ୍ରଭାବ ପଡ଼େ ନାହିଁ। ଏହାର କୋମଳତା ଅକ୍ଷୁଣ୍ଣ ରହିଥାଏ। ଏହି ଗାଉନର ମୂଲ୍ୟ ସମ୍ପର୍କରେ ରିପୋର୍ଟରେ କୌଣସି ସୂଚନା ଦିଆଯାଇନାହିଁ, କିନ୍ତୁ ଏହା ଅନୁମାନ କରାଯାଇପାରେ ଯେ, ଯଦି ଗାଉନ ଡିଜାଇନର୍ ତେବେ ଏହାର ମୂଲ୍ୟ ମଧ୍ୟ ଅଧିକ ହେବ।