ସ୍ବାଧୀନତାର ୧୦୨ ବର୍ଷ ମଧ୍ୟରେ ୧୮ଥର ଜାତୀୟ ପତାକା ବଦଳାଇଛି ଏହି ଦେଶ, କାରଣ ଜାଣିଲେ…

ଏମିତି ଏକ ଦେଶ ଅଛି, ଯିଏ କି ସ୍ବାଧୀନତା ପାଇବାର ୧୦୨ ବର୍ଷ ମଧ୍ୟରେ ବାରମ୍ବାର ଜାତୀୟ ପତାକା ବଦଳାଇଛି। ଏହା ପଛରେ କାରଣ ମଧ୍ୟ ରହିଛି। ତେବେ ଜାଣନ୍ତୁ ଏ ସମ୍ପର୍କରେ…

ଆଫଗାନିସ୍ତାନର ଇତିହାସ ଉତ୍ଥାନ ପତ୍ତନରେ ପରିପୂର୍ଣ୍ଣ। ସ୍ବାଧୀନତାର ୧୦୨ବର୍ଷ ମଧ୍ୟରେ ଏହା ୧୮ ଥର ଜାତୀୟ ପତାକା ପରିବର୍ତ୍ତନ କରିଛି। ୧୮୩୯ରୁ ୧୮୪୨ ପର୍ଯ୍ୟନ୍ତ ବ୍ରିଟିଶ ସାମ୍ରାଜ୍ୟ ବାହିନୀ ଆଫଗାନିସ୍ତାନରେ ଏକ ଭୟଙ୍କର ଯୁଦ୍ଧ କରିଥିଲେ। ଏହା ପରେ ୧୯୧୯ରେ ଆଙ୍ଗ୍ଲୋ-ଆଫଗାନିସ୍ତାନ ଚୁକ୍ତି ସ୍ବାକ୍ଷର କରିବା ପରେ ଏହା ବ୍ରିଟେନରୁ ସ୍ବାଧୀନତା ଲାଭ କରିଥିଲା। ୧୯ ଅଗଷ୍ଟରେ ଆଫଗାନିସ୍ତାନ ଏହାର ସ୍ବାଧୀନତା ଦିବସ ପାଳନ କରେ।

ତାଲିବାନ ଦ୍ୱାରା ୨୫ ସେପ୍ଟେମ୍ବର ୧୯୬୬ରେ କାବୁଲକୁ କାବୁ କରିବା ଏକ ଆଲୋଡ଼ନ ସୃଷ୍ଟି କରିଥିଲା। ତାଲିବାନ ରାଜଧାନୀ କାବୁଲକୁ କାବୁ କରିବା ପରେ ମୁଖ୍ୟ ପ୍ରତୀକାତ୍ମକ ପ୍ରଶ୍ନ ଥିଲା ଆଫଗାନିସ୍ତାନର ଜାତୀୟ ପତାକା କିମ୍ବା ତାଲିବାନ ପତାକା ଉଡ଼ିବ କି? ପତାକା ପାଇଁ ଯୁଦ୍ଧ ଜଲାଲାବାଦରେ ଆରମ୍ଭ ହୋଇଥିଲା। ଯେତେବେଳେ ବିରୋଧକାରୀମାନେ ତାଲିବାନର ଧଳା ପତାକାକୁ ଆଫଗାନିସ୍ତାନ ତ୍ରିରଙ୍ଗା ପତାକା ବଦଳାଇଥିଲେ। ଏହି ବିବାଦରେ ତାଲିବାନ ଦ୍ୱାରା ତିନି ଜଣଙ୍କର ମୃତ୍ୟୁ ଘଟିଥିଲା, ଦେଶର ସରକାରୀ ପତାକା ବର୍ତ୍ତମାନ ତାଲିବାନ ବିରୋଧରେ ବିରୋଧର ପ୍ରତୀକ ପାଲଟିଛି।

କେବେଳ କେବଳ ୧୯୧୯ରେ ଆଫଗାନିସ୍ତାନର ଏହାର ପତାକାକୁ ୬ଥର ବଦଳାଇଥିଲା। ନିଜକୁ ଚିହ୍ନିବା ପାଇଁ ଆଫଗାନିସ୍ତାନ ବିଭିନ୍ନ ପତାକା ଉତ୍ତୋଳନ କରିଛି। ଆଫଗାନିସ୍ତାନ ଇତିହାସରେ ପତାକା ବାରମ୍ବାର ପରିବର୍ତ୍ତନ ହେଉଛି ଏକ ପରିବର୍ତ୍ତିତ ସମାଜର ଉଦାହରଣ। ପତାକାର ଏହି ବିବିଧତା ଆଫଗାନିସ୍ତାନ ସମାଜର ବିବିଧତାକୁ ପ୍ରତିଫଳିତ କରେ।

ଅଧିକାଂଶ ଆଫଗାନିସ୍ତାନ ପତାକାରେ ତିନୋଟି ରଙ୍ଗ ଦେଖିବାକୁ ମିଳିଥିଲା। କଳା, ଧଳା ଏବଂ ସବୁଜ। ସ୍ବାଧୀନତା ପରେ ଆଫଗାନିସ୍ତାନ ମଧ୍ୟ ଦୁଇଥର କଳା ପତାକା ବ୍ୟବହାର କରିଥିଲା। ଆଫଗାନିସ୍ତାନ ପତାକାରେ ପ୍ରାୟତଃ ଲାଲ୍‌, ନୀଳ ଏବଂ ଧଳା ରଙ୍ଗ ଦେଖାଯାଉଥିଲା। ପ୍ରାୟ ସମସ୍ତ ଆଫଗାନିସ୍ତାନ ପତାକାର ମୁଖ୍ୟ ରଙ୍ଗ ହୋଇଛି ଧଳା ରଙ୍ଗ। ‘ତାଲିବାନର ବିଶ୍ୱାସ ଏବଂ ସରକାରଙ୍କ ଶୁଦ୍ଧତା’ର ପ୍ରତୀକ ଅଟେ।

୨୦୨୧ରେ ତାଲିବାନ ପୁଣି ଆଫଗାନିସ୍ତାନକୁ କାବୁ କରିଥିଲା। ଏହା ପରେ ସେ ନିଜ ପଦ୍ଧତିରେ ସେଠାରେ ନିୟମ ତିଆରି କଲା ଏବଂ ନିଜ ଇଚ୍ଛା ଅନୁଯାୟୀ ଆଇନ କାର୍ଯ୍ୟକାରୀ ଆରମ୍ଭ କଲା। ଆଫଗାନିସ୍ତାନରେ ତାଲିବାନ ଦୁଇ ବର୍ଷ ଶାସନ କରିବାକୁ ଯାଉଛି। ତାଲିବାନ ଆଫଗାନିସ୍ତାନ ଦଖଲ କରିବା ପରଠାରୁ ସମଗ୍ର ଦେଶ ଦାରିଦ୍ର୍ୟରେ ପଡ଼ିଛି। ତାଲିବାନ ମହିଳାମାନଙ୍କୁ ନୂଆ ନିର୍ଦ୍ଦେଶ ଦେବା ଆରମ୍ଭ କରିଛି। ଏଠାରେ ମହିଳା ଏବଂ ଗଣମାଧ୍ୟମର ସ୍ବାଧୀନତା ସମ୍ପୂର୍ଣ୍ଣ ରୂପେ ରଦ୍ଦ ହୋଇଯାଇଛି।