ନୂଆଦିଲ୍ଲୀ, ୨୩।୭(ପି.ଟି.): କୋଭିଡ୍- ୧୯ ମହାମାରୀ କାରରରୁ ନ୍ୟୁଜିଲାଣ୍ଡ-ଏ’ ଦଳର ଭାରତ ଗସ୍ତ ମଧ୍ୟ ବାତିଲ ହୋଇଛି। ଏ ନେଇ ନ୍ୟୁଜିଲାଣ୍ଡ କ୍ରିକେଟ ମୁଖପାତ୍ର ରିଚାର୍ଡ ବୁକ୍ କହିଛନ୍ତି। ପୂର୍ବରୁ ମଧ୍ୟ ଏହି ଗସ୍ତ ନେଇ ଆଶଙ୍କା ପ୍ରକାଶ ପାଇଥିଲା। ଉଭୟ ଦେଶର କ୍ରିକେଟ ବୋର୍ଡ ମିଳିତ ଭାବେ ଏହି ଗସ୍ତ ବାତିଲ କରିବାକୁ ନିଷ୍ପତ୍ତି ନେଇଛନ୍ତି ବୋଲି ବୁକ୍ କହିଛନ୍ତି। ତେବେ ଭାରତୀୟ ପୁରୁଷ ଦଳର କାର୍ଯ୍ୟସୂଚୀରେ କୌଣସି ପରିବର୍ତ୍ତନ ହେବନାହିଁ। ଭାରତ ଅଷ୍ଟ୍ରେଲିଆ ଗସ୍ତ ଓ ଇଂଲଣ୍ଡ ବିପକ୍ଷ ଘରୋଇ ସିରିଜ ପ୍ରଭାବିତ ହେବ ନାହିଁ। ତେବେ ଭାରତ ଏ’ର ୪ଟି ସିରିଜ (ହୋମ ଓ ଆଓ୍ବେ) ବାତିଲ ହେବ କିମ୍ବା ଘୁଞ୍ଚାଯିବାର ସମ୍ଭାବାନା ରହିଛି।
