ଢାକା,୨୬।୧୨: ଭାରତରେ ଖେଳାଯାଇଥିବା ଏକଦିବସୀୟ ବିଶ୍ୱକପ୍ରେ ଶାକିବ ଅଲ ହାସନ ବାଂଲାଦେଶର ଦାୟିତ୍ୱ ନେଇଥିଲେ। ଟୁର୍ନାମେଣ୍ଟରେ ବ୍ୟାଟ ସହିତ ଶାକିବ ବହୁତ ଖରାପ ଫର୍ମରେ ନଜର ଆସିଥିଲେ। ଶାକିବଙ୍କ ଖରାପ ପ୍ରଦର୍ଶନ ଉପରେ ଅନେକ ପ୍ରଶ୍ନ ଉଠିଥିଲା। ବର୍ତ୍ତମାନ ବାଂଲାଦେଶୀ ଅଲରାଉଣ୍ଡର ପ୍ରକାଶ କରିଛନ୍ତି, ସେ ଆଖି ସମସ୍ୟା ସହ ପୁରା ବିଶ୍ୱକପ ଖେଳିଛନ୍ତି। ସ୍ପଟେ ଦେଖାଯାଉ ନ ଥିବାରୁ ତାଙ୍କୁ ବ୍ୟାଟିଂ କରିବାରେ ଅସୁବିଧା ହୋଇଥିଲା।
ବିଶ୍ୱକପ ସମୟରେ ଶାକିବ ତାଙ୍କ ପିଲାଦିନର ପରାମର୍ଶଦାତା ନାଜମୁଲ ଆବେଦିନଙ୍କ ନିକଟକୁ ଯାଇଥିଲେ। ତାଙ୍କଠାରୁ ପରାମର୍ଶ ଆଣିଥିଲେ। କିନ୍ତୁ ଏହା ପରେ ମଧ୍ୟ ଶାକିବ ବ୍ୟାଟ ସହିତ କିଛି ବିଶେଷ କରିପାରି ନ ଥିଲେ।
ଶାକିବ କହିଛନ୍ତ, ବିଶ୍ୱକପ୍ର ଗୋଟିଏ କିମ୍ବା ଦୁଇଟି ମ୍ୟାଚ୍ରେ ନୁହେଁ, ବରଂ ଟୁର୍ନାମେଣ୍ଟରେ ଚକ୍ଷୁ ସମସ୍ୟା ଜାରି ରହିଥିଲେ। ଫଳରେ ବ୍ୟାଟିଂ ବେଳେ ବଲକୁ ସାମ୍ନା କରିବାରେ ତାଙ୍କୁ ଅସୁବିଧା ହେଉଛି। ମୁଁ ଡାକ୍ତରଙ୍କ ପାଖକୁ ଯାଇଥିଲି, ସେତେବେଳେ ମୋ ଆଖିର ରେଟିନା କିମ୍ବା କର୍ଣ୍ଣିଆରେ ପାଣି ଥିବା ଜଣାପଡିଥିଲା। ସେ ମୋତେ ଡ୍ରପ୍ ଦେଇଥିଲେ ।
୨୦୨୩ ଦିନିକିଆ ବିଶ୍ୱକପରେ ଶାକିବ ୭ ଇନିଂସରେ ହାରାହାରି ୨୬.୬ରେ ୧୮୬ ରନ ସଂଗ୍ରହ କରିଥିଲେ।