ଧର୍ମଶାଳା,୭।୩:ଇଂଲଣ୍ଡ ବ୍ୟାଟ୍ସମ୍ୟାନ ଜନି ବେୟାରଷ୍ଟୋ ତାଙ୍କ କ୍ୟାରିୟରର ୧୦୦ତମ ଟେଷ୍ଟ ମ୍ୟାଚ ଖେଳୁଛନ୍ତି। ଧର୍ମଶାଳା ଟେଷ୍ଟ ମ୍ୟାଚ ପୂର୍ବରୁ ଇଂଲଣ୍ଡ ଦଳ ତାଙ୍କୁ ଏକ ବିଶେଷ ସମ୍ମାନରେ ସମ୍ମାନିତ କରିଥିଲା। ଏହି ଅବସରରେ ବେୟାରଷ୍ଟୋଙ୍କ ପରିବାର ମଧ୍ୟ ପଡ଼ିଆରେ ଉପସ୍ଥିତ ଥିଲେ। ଏହି ଯାତ୍ରା ଏପର୍ଯ୍ୟନ୍ତ ସେମାନଙ୍କ ପାଇଁ ସହଜ ହୋଇନାହିଁ। ବେୟାରଷ୍ଟୋ ଅନେକ ସଂଘର୍ଷର ସମ୍ମୁଖୀନ ହୋଇଛି।
ଧର୍ମଶାଳାରେ ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯାଉଥିବା ମ୍ୟାଚର ଏକ ଅଂଶ ହେଉଛନ୍ତି ବେୟାରଷ୍ଟୋ। ଏହି ମ୍ୟାଚ ପୂର୍ବରୁ ଇଂଲଣ୍ଡ କ୍ରିକେଟ ଦଳ ତାଙ୍କୁ ସମ୍ମାନିତ କରିଥିଲେ। ଏହି ଅବସରରେ ବେୟାରଷ୍ଟୋ ଭାବପ୍ରବଣ ହୋଇଥିଲେ। ତାଙ୍କ ଆଖିରୁ ଲୁହ ଝରିଥିଲା।
ବେୟାରଷ୍ଟୋଙ୍କ ମା’ ଦୁଇଥର କର୍କଟ ରୋଗରେ ପୀଡିତ ଥିଲେ। ବେୟାରଷ୍ଟୋଙ୍କ କ୍ୟାରିୟରରେ ତାଙ୍କ ମା’ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି। କଠିନ ପରିସ୍ଥିତି ସତ୍ତ୍ୱେ ସେ ଅଭ୍ୟାସକୁ କେବେ ବି ହାତଛଡ଼ା କରି ନ ଥିଲେ।
ରିପୋର୍ଟ ଅନୁଯାୟୀ, ବେୟାରଷ୍ଟୋଙ୍କ ବାପା ଆତ୍ମହତ୍ୟା କରିଥିଲେ। ବେୟାରଷ୍ଟୋଙ୍କ ପିତା ଡେଭିଡ ବେୟାରଷ୍ଟୋ ମଧ୍ୟ ଜଣେ କ୍ରିକେଟର ଥିଲେ। କିନ୍ତୁ ମାନସିକ ଚାପ ଯୋଗୁ ସେ ଆତ୍ମହତ୍ୟା କରିଥିଲେ। ଏହା ପରେ ଜନି ବେୟାରଷ୍ଟୋଙ୍କ ଜୀବନ ଅନେକ ଉତ୍ଥାନ-ପତନ ଦେଇ ଗତି କଲା।
ସୂଚନାଯୋଗ୍ୟ ଯେ, ବେୟାରଷ୍ଟୋ ଏପର୍ଯ୍ୟନ୍ତ ୧୦୦ଟି ଟେଷ୍ଟରେ ୫୯୬୪ ରନ ସ୍କୋର କରିଛନ୍ତି। ସେ ଏହି ଫର୍ମାଟରେ ୧୨ ଶତକ ଏବଂ ୨୬ ଅର୍ଦ୍ଧଶତକ ହାସଲ କରିଛନ୍ତି। ଏହି ସମୟ ମଧ୍ୟରେ ତାଙ୍କର ସର୍ବଶ୍ରେଷ୍ଠ ସ୍କୋର ଅପରାଜିତ ୧୬୭ ରନ ରହିଛି।