ଲଣ୍ଡନ,୧୫।୮: ଗତ ବର୍ଷ ଇଂଲଣ୍ଡ ଟେଷ୍ଟ ଦଳର ଅଧିନାୟକ ବେନ ଷ୍ଟୋକ୍ସ ଦିନିକିଆ ଫର୍ମାଟକୁ ବିଦାୟ ନେଇଥିଲେ। କିନ୍ତୁ ବର୍ତ୍ତମାନ ସେ ତାଙ୍କ ନିଷ୍ପତ୍ତି ସହିତ ୟୁଟର୍ନ ନେବେ ବୋଲି ଚର୍ଚ୍ଚା ହେଉଛି। ଚଳିତ ବର୍ଷ ଦିନିକିଆ ବିଶ୍ୱକପ ଭାରତୀୟ ମାଟିରେ ଖେଳାଯିବ। ବିଶ୍ୱକପରେ ଇଂଲଣ୍ଡ ଜର୍ସିରେ ବେନ ଷ୍ଟୋକ୍ସଙ୍କୁ ଦେଖିବାକୁ ମିଳିଥାଏ। ଗଣମାଧ୍ୟମ ରିପୋର୍ଟ ଅନୁଯାୟୀ, ବେନ ଷ୍ଟୋକ୍ସ ବିଶ୍ୱକପ୍ରେ ଖେଳିବାକୁ ଅବସର ନେଇଥିବା ନିଷ୍ପତ୍ତିରୁ ୟୁ-ଟର୍ନ ନେବା ମୁଡ୍ରେ ଅଛନ୍ତି।
ବେନ ଷ୍ଟୋକ୍ସ ବିଶ୍ୱକପ୍ ଖେଳିବାକୁ ପ୍ରସ୍ତୁତ ଅଛନ୍ତି। ବେନ ଷ୍ଟୋକ୍ସଙ୍କ ପ୍ରତ୍ୟାବର୍ତ୍ତନ ଇଂଲଣ୍ଡ ପ୍ରଶଂସକଙ୍କ ପାଇଁ ଏକ ଭଲ ଖବର, କିନ୍ତୁ ଆଇପିଏଲ ଦଳ ଚେନ୍ନାଇ ସୁପର କିଙ୍ଗ୍ସ ଏକ ବଡ଼ ଝଟକା। ଟି-୨୦ ବିଶ୍ୱକପ ୨୦୨୪ରେ ଖେଳିବା ପାଇଁ ବେନ ଷ୍ଟୋକ୍ସ ଆଇପିଏଲରେ ଖେଳିବେ ନାହିଁ। ଯଦି ବେନ ଷ୍ଟୋକ୍ସ ଆଇପିଏଲରେ ଖେଳିବେ ନାହିଁ, ତେବେ ଚେନ୍ନାଇ ସୁପର କିଙ୍ଗ୍ସ ପାଇଁ ଏହା ଏକ ବଡ ଝଟକା ହେବ। ଆଇପିଏଲ ୨୦୨୩ ନିଲାମରେ ଚେନ୍ନାଇ ସୁପର କିଙ୍ଗ୍ସ ବିପୁଳ ପରିମାଣର ଖର୍ଚ୍ଚ କରି ସେମାନଙ୍କ ଦଳରେ ବେନ ଷ୍ଟୋକ୍ସଙ୍କୁ ସାମିଲ କରିଥିଲା।