ସେଣ୍ଟ ଲୁସିଆ, ୧୧।୭: ୱେଷ୍ଟଇଣ୍ଡିଜ-ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଦ୍ୱିତୀୟ ଟି-୨୦ ମ୍ୟାଚ୍ରେ ଘରୋଇ ଦଳ ୫୬ରନ୍ରେ ଅଷ୍ଟ୍ରେଲିଆକୁ ପରାସ୍ତ କରି ପାଞ୍ଚ ମ୍ୟାଚ ବିଶିଷ୍ଟ ସିରିଜରେ ୨-୦ ଅଗ୍ରଣୀ ହାସଲ କରିଛି। ଏହି ମ୍ୟାଚ୍ରେ ଟସ ଜିତିବା ପରେ ଅଷ୍ଟ୍ରେଲିଆ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ପ୍ରଥମେ ବ୍ୟାଟିଂ କରି ୱେଷ୍ଟଇଣ୍ଡିଜ ୨୦ ଓଭରରେ ୪ ଉଇକେଟ ହରାଇ ୧୯୬ ରନ ସଂଗ୍ରହ କରିଥିଲା। ଏହାର ଜବାବରେ ଅଷ୍ଟ୍ରେଲିଆର ପୁରା ଦଳ ୧୪୦ ରନରେ ଅଲଆଉଟ ହୋଇଥିଲେ। ମିଚେଲ ମାର୍ଶ (୫୪)ଙ୍କ ବ୍ୟତୀତ କୌଣସି ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ ଭଲ ସ୍କୋର କରି ନଥିଲେ। ସିରିଜର ତୃତୀୟ ମ୍ୟାଚ ଜୁଲାଇ ୧୩ରେ ସେଣ୍ଟ ଲୁସିଆରେ ଖେଳାଯିବ। ପ୍ରଥମେ ବ୍ୟାଟିଂ କରି ୱେଷ୍ଟଇଣ୍ଡିଜ ମ୍ୟାଚରେ ଭଲ ଆରମ୍ଭ କରିନଥିଲା। ଲେଣ୍ଡଲ ସିମନ୍ସ, ଆଣ୍ଡ୍ରେ ଫ୍ଲେଟର ଏବଂ କ୍ରିସ ଗେଲ ୫୯ ରନ ମଧ୍ୟରେ ପାଭିଲିୟନକୁ ଫେରିଥିଲେ। ଏହା ପରେ ଶିମ୍ରନ ହେଟମିୟର ଏବଂ ଡ୍ବେନ ବ୍ରାଭୋ ଭଲ ଇନିଂସ ଖେଇଥିଲେ। ଉଭୟ ଚମତ୍କାର ବ୍ୟାଟିଂ କରିଥିଲେ। ଏହି ମ୍ୟାଚ୍ରେ ବ୍ରାଭୋଙ୍କୁ ଉପର ଅର୍ଡରରେ ବ୍ୟାଟିଂ କରିବାକୁ ପଠାଯାଇଥିଲା ଏବଂ ସେ ଏହି ସୁଯୋଗର ସମ୍ପୂର୍ଣ୍ଣ ଫାଇଦା ଉଠାଇଥିଲେ। ବ୍ରାଭୋ ୩୪ ବଲରୁ ୪୭ ରନ ସଂଗ୍ରହ କରିଥିଲେ।
ଏହି ସମୟରେ ସେ ତିନୋଟି ଛକା ମଧ୍ୟ ମାରିଥିଲେ। ଏଥିମଧ୍ୟରୁ ଗୋଟିଏ ଛକା ସେ କେବଳ ଗୋଟିଏ ହାତରେ ମାରିଥିଲେ। ଛକାଟି ସିଧାସଳଖ ଷ୍ଟାଡିୟମରେ ବାହାରେ ପଡିଥିଲା। ବ୍ରାଭୋଙ୍କର ଏହି ଶକ୍ତିଶାଳୀ ଛକାଟି ଆଷ୍ଟନ ଅଗରଙ୍କ ବଲକୁ ମାରିଥିଲେ। ଏହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
Bravo with a classic one-handed six 💥pic.twitter.com/NgL9KWgofc
— ESPNcricinfo (@ESPNcricinfo) July 11, 2021
