ଲୋକମାନଙ୍କର ସୋସିଆଲ ମିଡିଆ ନିଶା ଏତେ ଯେ, ସେମାନେ ପ୍ରସିଦ୍ଧ ହେବା ପାଇଁ ଏମିତି କିଛି ଭିଡିଓ କରୁଛନ୍ତି, ଯାହା ଦେଖିଲେ ଆଶ୍ଚର୍ଯ୍ୟ ଲାଗେ। ଏବେ ସେମିତି ଜଣେ ସ୍କୁଲ ଛାତ୍ରୀଙ୍କ ଡ୍ୟାନ୍ସ ଭିଡିଓ ଭାଇରାଲ ହେଉଛି।
@GaurangBhardwa1 ନାମକ ଏକ ‘ଏକ୍ସ’ ପେଜ୍ରେ ଭିଡିଓଟି ଶେୟାର କରାଯାଇଛି। ଯେଉଁଥିରେ ଜନଗହଳି ପୂର୍ଣ୍ଣ ଟ୍ରାଫିକ ମଝିରେ ଝିଅଟି ଶୋଇ ଡ୍ୟାନ୍ସ କରୁଛି। ଭିଡିଓ ଆରମ୍ଭରେ ଝିଅଟି ଏକ ସ୍କୁଲ ବ୍ୟାଗ୍ ନେଇ ଯାଉଥିବା ନଜର ଆସିଛନ୍ତି। ଏହା ପରେ ସେ ବ୍ୟାଗ୍ଟିକୁ ଫିଙ୍ଗି ଦେଇ ତା’ ପରେ ରାସ୍ତା ମଝିରେ ଶୋଇ ଡ୍ୟାନ୍ସ କରୁଛନ୍ତି। ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ଯେ, ଏହି ଝିଅ ଜଣକ ସମସ୍ତଙ୍କ ସାମ୍ନାରେ ଯେପରି ଭାବେ ଡ୍ୟାନ୍ସ କଲେ ସେମିତି କେହି କରିପାରିବେ ନାହିଁ। କାରଣ ଜନଗହଳି ପୂର୍ଣ୍ଣ ରାସ୍ତାରେ ସେମିତି ଡ୍ୟାନ୍ସ କରିବାକୁ ଅଦମ୍ୟ ସାହସ ଏବଂ ଦୃଢ଼ ମନୋବଳ ଦରକାର।
କାରଣ ଭିଡିଓରେ ଝିଅଜଣକ ଆପତ୍ତିଜନକ ଷ୍ଟେପ୍ରେ ଡ୍ୟାନ୍ସ କରିଛନ୍ତି। ରାସ୍ତାରେ ରେଡ ଲାଇନ ଅଛି, ଯେଉଁ କାରଣରୁ ଟ୍ରାଫିକ୍ ଅଟକି ଯାଇଛି। ସେ ଏହାର ସୁଯୋଗ ନେଇ ଟ୍ରାଫିକ୍ ସାମ୍ନାରେ ଡ୍ୟାନ୍ସ କରୁଛନ୍ତି। ସେଠାରେ ଉପସ୍ଥିତ ଥିବା ସମସ୍ତ ଅଟୋ ଚାଳକ, ବାଇକ୍ ଚାଳକ ଏବଂ କାର୍ ଚାଳକମାନେ ଏହି ଦୃଶ୍ୟ ଉପଭୋଗ କରୁଛନ୍ତି।
ଏହି ଭିଡିଓକୁ ବର୍ତ୍ତମାନ ସୁଦ୍ଧା ୧୧ ଲକ୍ଷ ଲୋକ ଦେଖିଥିବା ବେଳେ ଅନେକ ଲୋକ ମନ୍ତବ୍ୟ ଦେଇ ନିଜର ମତାମତ ଦେଇଛନ୍ତି। ଜଣେ ୟୁଜର କହିଛନ୍ତି, ଏମିତି ପିଲାମାନଙ୍କ ଅଭିଭାବକ ସେମାନଙ୍କୁ ଅଟକାଉନାହାନ୍ତି କେମିତି? ଜଣେ କହିଛନ୍ତି, ଏହି ପିଲାମାନେ କେବଳ ଭାଇରାଲ ହେବା ପାଇଁ କିଛି ବି କରୁଛନ୍ତି। ଅନ୍ୟ ଜଣେ ୟୁଜର କହିଛନ୍ତି, ଏହି ପିଲାଙ୍କ ସ୍କୁଲ ମଧ୍ୟ ଖୋଲା ଅଛି, ତଥାପି ସେ ରାସ୍ତା ମଝିରେ ଆସି ଏପରି ଡ୍ୟାନ୍ସ କରୁଛନ୍ତି।