ନୂଆଦିଲ୍ଲୀ,୫।୪: ଗତ ବର୍ଷ IPL ୨୦୨୫ ପାଇଁ ଏକ ମେଗା ନିଲାମ ଅନୁଷ୍ଠିତ ହୋଇଥିଲା, ଯାହା ପରେ ଅନେକ ଦଳ ପରିବର୍ତ୍ତନ ହୋଇଥିବା ଦେଖାଯାଇଥିଲା। ଦଳଗୁଡ଼ିକ ସହିତ, ଏଥର ଅନେକ ଦଳର ଅଧିନାୟକ ମଧ୍ୟ ପରିବର୍ତ୍ତନ ହୋଇଛନ୍ତି। ରିଷଭ ପନ୍ତ ଲକ୍ଷ୍ନୌ ସୁପରଜାଏଣ୍ଟସର ଅଧିନାୟକ ହୋଇଛନ୍ତି, ରଜତ ପାଟିଦାର ଆରସିବିର ନେତୃତ୍ୱ ନେଉଛନ୍ତି। ତାଙ୍କ ବ୍ୟତୀତ ଏଥର ପଞ୍ଜାବ କିଙ୍ଗ୍ସ ଏବଂ ଦିଲ୍ଲୀ କ୍ୟାପିଟାଲସର ଅଧିନାୟକ ମଧ୍ୟ ପରିବର୍ତ୍ତନ ହୋଇଛନ୍ତି। ଚଳିତ ସିଜିନର ଅଧିକାଂଶ ଅଧିନାୟକ ବିବାହିତ, କିନ୍ତୁ IPL ୨୦୨୫ର କେତେଜଣ ଅଧିନାୟକ ଅଛନ୍ତି ଯେଉଁମାନେ ଏପର୍ଯ୍ୟନ୍ତ ବିବାହ କରିନାହାଁନ୍ତି।
ମେଗା ନିଲାମରେ ରିଷଭ ପନ୍ତଙ୍କୁ ଲକ୍ଷ୍ନୌ ସୁପରଜାଏଣ୍ଟ୍ସ ୨୭ କୋଟି ଟଙ୍କାରେ କିଣିଛି। ସେ ଆଇପିଏଲ ୨୦୨୫ରେ LSGର ଅଧିନାୟକତ୍ୱ କରୁଛନ୍ତି। ପନ୍ତଙ୍କ ନାମ ବଲିଉଡ ଅଭିନେତ୍ରୀ ଉର୍ବଶୀ ରାଉତେଲାଙ୍କ ସହ ମଧ୍ୟ ଯୋଡା ଯାଇଥିଲା, କିନ୍ତୁ ଏହି ଭାରତୀୟ ୱିକେଟକିପର ବ୍ୟାଟସମ୍ୟାନଙ୍କ ନାମ ଇଶା ନେଗିଙ୍କ ସହ ଯୋଡାଯାଇଛି। କିଛି ଗଣମାଧ୍ୟମ ରିପୋର୍ଟ ଅନୁଯାୟୀ, ପନ୍ତ ଏବଂ ଇଶା ୨୦୧୫ ମସିହାରୁ ପରସ୍ପରକୁ ଡେଟ କରୁଛନ୍ତି। କିନ୍ତୁ ପନ୍ତ ଏପର୍ଯ୍ୟନ୍ତ ବିବାହ କରିନାହାଁନ୍ତି।
ଅନ୍ୟପକ୍ଷରେ, ଶ୍ରେୟସ ଆୟରଙ୍କୁ ପଞ୍ଜାବ କିଙ୍ଗ୍ସ ୨୬.୭୫ କୋଟି ଟଙ୍କାରେ କିଣିଛି ଏବଂ ସେ ଏହି ଦଳର ଅଧିନାୟକ ଅଛନ୍ତି। ଆୟରଙ୍କ ନାମ ତ୍ରିଶା କୁଲକର୍ଣ୍ଣିଙ୍କ ସହ ଅନେକ ଥର ଯୋଡା ଯାଇଛି, କିନ୍ତୁ ଉଭୟ ଏପର୍ଯ୍ୟନ୍ତ ସେମାନଙ୍କ ସମ୍ପର୍କକୁ ନିଶ୍ଚିତ କରିନାହାଁନ୍ତି। ଏହି ସିଜିନରେ ଆୟର ବହୁତ ଭଲ ଫର୍ମରେ ଅଛନ୍ତି ଏବଂ ମାତ୍ର ୨ଟି ମ୍ୟାଚରେ ୧୪୯ ରନ କରିଛନ୍ତି।
ଟିମ ଇଣ୍ଡିଆର ପ୍ରିନ୍ସ ଏବଂ ଗୁଜରାଟ ଟାଇଟାନ୍ସର ବର୍ତ୍ତମାନର ଅଧିନାୟକ ଶୁବମନ ଗିଲ ମଧ୍ୟ ଏପର୍ଯ୍ୟନ୍ତ ବିବାହ କରିନାହାଁନ୍ତି। ଗିଲ ହ୍ୟାଣ୍ଡସମ, ଫିଟ ଏବଂ ଗୁଲ ଲୁକିଂ ମଧ୍ୟ। ତାଙ୍କ ନାମ ସାରା ଅଲି ଖାନ, ସାରା ତେନ୍ଦୁଲକର, ରିଧିମା ପଣ୍ଡିତ ଏବଂ ସୋନମ ବାଜୱାଙ୍କ ସହ ଯୋଡା ଯାଇଛି। ଗତ କିଛି ମାସ ଧରି ଗୁଜବ ଚାଲିଛି ଯେ ଗିଲ ବର୍ତ୍ତମାନ ଅବନୀତ କୌରଙ୍କୁ ଡେଟ କରୁଛନ୍ତି।
