ମେଲବୋର୍ନ, ୨୮।୧୨: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ବର୍ଡର ଗାଭାସ୍କର ଟ୍ରଫି ଆରମ୍ଭ ହୋଇଛି। ସିରିଜର ଦ୍ୱିତୀୟ ମ୍ୟାଚ ମେଲବୋନର୍ର୍ କ୍ରିକେଟ ଗ୍ରାଉଣ୍ଡରେ (ଏମସିଜି) ଖେଳାଯାଉଛି। ବକ୍ସିଂ ଡେ ଟେଷ୍ଟରେ ଭାରତ ପ୍ରଥମ ଇନିଂସରେ ୧୩୧ ରନ ଅଗ୍ରଣୀ ହାସଲ କରିଥିଲା। ଏହାପୂର୍ବରୁ ଆଡିଲେଡରେ ଖେଳାଯାଇଥିବା ଟେଷ୍ଟ ମ୍ୟାଚରେ ଭାରତ ପ୍ରଥମ ଇନିଂସରେ ୫୩ ରନର ଅଗ୍ରଣୀ ହାସଲ କରିଥିଲା। ଅଷ୍ଟ୍ରେଲିଆରେ ଚାଲିଥିବା ପ୍ରଥମ ଦୁଇଟି ଟେଷ୍ଟ ମ୍ୟାଚର ପ୍ରଥମ ଇନିଂସରେ ଅଗ୍ରଣୀ ହାସଲ କରିବାକୁ ଭାରତ ଦ୍ୱିତୀୟ ଥର କରିଛି। ୧୯୮୫-୮୬ ପରଠାରୁ ଏହା ପ୍ରଥମଥର ଅଷ୍ଟ୍ରେଲିଆରେ ପ୍ରଥମ ଦୁଇଟି ଟେଷ୍ଟ ସିରିଜର ପ୍ରଥମ ଇନିଂସରେ ଭାରତୀୟ କ୍ରିକେଟ ଦଳ ଅଗ୍ରଣୀ ହାସଲ କରିଛି।
୧୯୮୫-୮୬ ମସିହାରେ ଆଡିଲେଡରେ ଅନୁଷ୍ଠିତ ପ୍ରଥମ ଟେଷ୍ଟ ମ୍ୟାଚରେ ଅଷ୍ଟ୍ରେଲିଆର ୩୮୧ ରନ ଜବାବରେ ଭାରତ ପ୍ରଥମ ଇନିଂସରେ ୫୨୦ ରନ ସଂଗ୍ରହ କରିଥିଲା। ଏହା ପରେ ମେଲବୋର୍ନରେ ଖେଳାଯାଇଥିବା ଦ୍ୱିତୀୟ ଟେଷ୍ଟ ମ୍ୟାଚରେ ଅଷ୍ଟ୍ରେଲିଆାର ୨୬୨ ରନ ଜବାବରେ ଭାରତ ୪୪୫ରନ ସ୍କୋର କରିଥିଲା। ତେବେ ଏହି ଦୁଇଟି ମ୍ୟାଚ୍ର ଫଳାଫଳ ଡ୍ର ରହିଥିଲା। ତୃତୀୟ ଟେଷ୍ଟ ମ୍ୟାଚ ସିଡନୀ କ୍ରିକେଟ ଗ୍ରାଉଣ୍ଡରେ ଖେଳାଯାଇଥିଲା ଯେଉଁଥିରେ ଭାରତ ୪ ଉଇକେଟ ପାଇଁ ୬୦୦ ରନ ସଂଗ୍ରହ କରିଥିଲା ଏବଂ ପରେ ଅଷ୍ଟ୍ରେଲିଆକୁ ୩୯୬ ରନ୍ରେ ଅଲଆଉଟ୍ ରଖିଥିଲା। ତେବେ ଏହି ଟେଷ୍ଟ ଡ୍ର ରହିଥିଲା।
