ଦବଙ୍ଗ ଷ୍ଟାର ସଲମାନ ଖାଁ ପ୍ରାୟ ସାଢ଼େ ୬ ମାସ ପରେ ପୁଣି ଥରେ ଶୁଟିଂ ସେଟକୁ ଫେରିଛନ୍ତି। ସହ ନିର୍ମାତା ଅତୁଲ ଅଗ୍ନିହୋତ୍ରୀଙ୍କ ସହ ସେ ଅଧା ରହିଯାଇଥିବା ଫିଲ୍ମ ‘ରାଧେ’ର ଶୁଟିଂକୁ ପୂରା କରିବେ। ଫିଲ୍ମର ଅଧିକାଂଶ ଭାଗର ଶୁଟିଂ ଶେଷ ହୋଇଥିବା ବେଳେ ଆଉ ମାତ୍ର ୨/୩ ସପ୍ତାହ ମଧ୍ୟରେ କେବଳ ଆକ୍ସନ ଦୃଶ୍ୟର ଶେଷ କରିବାକୁ ରହିଛି। ତେବେ ଫିଲ୍ମର ସୁଟିଂ ଚାଲିଥିବା ବେଳେ ସଲମାନ ଭାବପ୍ରବଣ ହୋଇପଡ଼ିଥିଲେ।
ମ୍ୟୁଜିକ କମ୍ପୋଜର ଯୋଡି ସାଜିଦ-ଓ୍ବାଜିଦଙ୍କ ମଧ୍ୟରୁ ସାଜିଦ ଫିଲ୍ମର ସୁଟିଂ ସେଟ୍ରେ ଉପସ୍ଥିତି ଥିଲେ। ସଲମାନ୍ଙ୍କ ଉପରେ ଏକ ଗୀତର ଶୁଟିଂ ଚାଲିଥିଲା। ଏହି ସମୟରେ ଓ୍ବାଜିଦଙ୍କ ଜନ୍ମଦିନ ବିଷୟରେ ସାଜିଦ ସଲମାନ୍ଙ୍କୁ କହିଥିଲେ। ଏହା ଶୁଣିବା ପରେ ସଲମାନ ଭାବପ୍ରବଣ ହୋଇପଡ଼ିଲେ। ସାଜିଦ ଏବଂ ସଲମାନ୍ ଉଭୟ ଆକାଶକୁ ଦେଖି ତାଙ୍କୁ ମନେ ପକାଇଲେ।
ପ୍ରକାଶ ଯେ, କିଛି ଦିନ ପୂର୍ବେ ଓ୍ବାଜିଦଙ୍କ ମୃତ୍ୟୁ ଘଟିଥିଲା।
