ଆଇପିଏଲ ଇତିହାସରେ ଅନେକ ନିଆରା ଘଟଣା ଘଟିଛି, ଯେତେବେଳେ ବ୍ୟାଟ୍ସମ୍ୟାନ୍ ୯୯ ରନରେ ଆଉଟ୍ ହୋଇଛନ୍ତି ଏବଂ ମାତ୍ର ଗୋଟିଏ ରନ୍ ପାଇଁ ଶତକରୁ ବଞ୍ଚିତ ହୋଇଛନ୍ତି। ଆଇପିଏଲରେ ବିରାଟ କୋହଲି ହେଉଛନ୍ତି ପ୍ରଥମ ବ୍ୟାଟ୍ସମ୍ୟାନ ଯିଏକି ୯୯ ରନରେ ଅରାଉଟ୍ ହୋଇଥିଲେ। ୨୦୧୩ରେ ଦିଲ୍ଲୀ ଡେୟାର ଡିଭିଲିୟର୍ସ (ଏବେ ଦିଲ୍ଲୀ କ୍ୟାପିଟାଲ୍ସ) ବିପକ୍ଷରେ ତାଙ୍କ ସହ ଏହା ଘଟିଥିଲା। କିନ୍ତୁ ଆଇପିଏଲ ଇତିହାସରେ ଚଳିତବର୍ଷ ତୃତୀୟ ଥର ପାଇଁ ଏହା ଘଟିଛି। ବ୍ୟାଟ୍ସମ୍ୟାନଙ୍କୁ ଅପରାଜିତ ୯୯ ରନ୍ରେ ପଡିଆରୁ ଫେରିବାକୁ ପଡିଲା।
ଆଇପିଏଲ ଇତିହାସରେ ମୟଙ୍କ ଅଗ୍ରୱାଲ ହେଉଛନ୍ତି ତୃତୀୟ ବ୍ୟାଟ୍ସମ୍ୟାନ ଯିଏକି ଗୋଟିଏ ରନ୍ ପାଇଁ ଶତକରୁ ବଞ୍ଚିତ ହୋଇଛନ୍ତି। ଆଇପିଏଲର ୧୪ତମ ସିଜିନର୨୯ ତମ ମ୍ୟାଚରେ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ୍ଅପରାଜିତ ୯୯ ରନ୍ରେ ଶେଷ ବଲ୍ ପର୍ଯ୍ୟନ୍ତ ଅପରାଜିତ ରହିଛନ୍ତି। ତାଙ୍କ ବ୍ୟତୀତ ଆଇପିଏଲ ଇତିହାସରେ ସୁରେଶ ରାଇନା ଏବଂ କ୍ରିସ ଗେଲ ଦୁଇ ବ୍ୟାଟ୍ସମ୍ୟାନ ଯିଏକି ୯୯ ରନରେ ଅପରାଜିତ ରହିଥିଲେ।
ଆଇପିଏଲ ୨୦୧୩ ରେ ସନରାଇଜର୍ସ ହାଇଦ୍ରାବାଦ ବିପକ୍ଷରେ ଖେଳି ଚେନ୍ନାଇ ସୁପର କିଙ୍ଗ୍ସ ତାରକା ସୁରେଶ ରାଇନା ପ୍ରଥମ ବ୍ୟାଟ୍ସମ୍ୟାନ ହୋଇ ଗୋଟିଏ ଶତକ ହାସଲ କରିଛନ୍ତି। ସେ ୫୨ ବଲରୁ ଅପରାଜିତ ୯୯ ରନ ସ୍କୋର କରିଥିଲେ। ୯୯ ରନ୍ରେ ଅପରାଜିତ ରହିଥିବା ବ୍ୟାଟ୍ସମ୍ୟାନ ତାଲିକାରେ କାରିବିଆନ ତାରକା କ୍ରିସ ଗେଲ ଦ୍ୱିତୀୟ ନାମ। ୨୦୧୯ରେ ମୋହାଲିରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିପକ୍ଷରେ କ୍ରିସ ଗେଲ ୯୯ରେ ଅପରାଜିତ ରହିଥିଲେ।