କ୍ୱିଭ୍,୭।୩: ୟୁକ୍ରେନ ଏବେ ଜଳୁଛି। ଗତ ୧୨ ଦିନ ଧରି ରୁଷିଆର କ୍ଷେପଣାସ୍ତ୍ର ମାଡ, ବୋମା ବିସ୍ଫୋରଣ ଏବଂ ଟ୍ୟାଙ୍କର ଶବ୍ଦରେ ୟୁକ୍ରେନ କମ୍ପୁଛି। ତେବେ ରୁଷିଆର ଅସୀମ ଶକ୍ତି ସାମ୍ନାରେ ୟୁକ୍ରେନ ସୈନ୍ୟଙ୍କ ଦ୍ୱାରା ଦେଖାଯାଇଥିବା ସାହସ ଭ୍ଲାଦିମିର ପୁଟିନଙ୍କୁ ତାଙ୍କ ରଣନୀତି ବଦଳାଇବାକୁ ବାଧ୍ୟ କରିଛି। ଏହି ଯୁଦ୍ଧରେ ସବୁଠାରୁ ଗୁରୁତ୍ୱପୂର୍ଣ୍ଣ ହେଉଛି ୟୁକ୍ରେନ ସୈନିକମାନଙ୍କର ସାହସ। ଯୁଦ୍ଧ ମଧ୍ୟରେ ୟୁକ୍ରେନରେ ଏଭ ଭଲ ଚିତ୍ର ସାମ୍ନାକୁ ଆସିଛ। ୟୁକ୍ରେନ ସୈନ୍ୟବାହିନୀରେ ଏକ ପ୍ରେମୀ ଯୁଗଳ ବିବାହ କରୁଥିବା ଦେଖାଯାଉଛି। ଦମ୍ପତିଙ୍କ ମୁହଁରେ କୌଣସି ଅନୁତାପ ନାହିଁ କି ରୁଷିଆର ଆକ୍ରମଣର ଭୟ ନାହିଁ। ଦୁହେଁ ଯୁଦ୍ଧ କ୍ଷେତ୍ରରେ ବିବାହ କରିବାକୁ ନିଷ୍ପତ୍ତି ନେଇଛନ୍ତି। ୟୁକ୍ରେନ ପ୍ରେମୀ ଯୁଗଳ ‘ଭାଲେରୀ ଏବଂ ଲେସିଆ’ର ବିବାହର ଏକ ଭିଡିଓ ମଧ୍ୟ ସାମ୍ନାକୁ ଆସିଛି। ବିବାହ ଉତ୍ସବରେ ତାଙ୍କୁ ସାଥୀ ସୈନିକମାନେ ଘେରି ରହିଥିବାର ଦେଖାଯାଏ। ଦୁହେଁ କ୍ୱିଭ୍ର ଏକ ଚେକପଏଣ୍ଟରେ ବିବାହ କରିଥିଲେ। ଏଥିରେ ଭାଲେରୀ ଏବଂ ଲେସିଆ ମଧ୍ୟ ସାମରିକ ପୋଷାକରେ ନଜର ଆସିଛନ୍ତି।
ବିବାହ ପାଇଁ ୟୁକ୍ରେନ ସୈନିକମାନଙ୍କ ଦ୍ୱାରା ଏକ ଛୋଟ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏଥିରେ କ୍ୱିଭ୍ର ମେୟର ମଧ୍ୟ ଅଂଶଗ୍ରହଣ କରିଥିଲେ। ବିବାହ ପରେ ଦୁହେଁ ପରସ୍ପରକୁ ଓ୍ବାଇନ୍ ପିଆଇଥିଲେ। ନବଦମ୍ପତି ଏବେ ପୁନର୍ବାର ରୁଷିଆ ବିରୁଦ୍ଧରେ ଛିଡା ହୋଇଥିଲେ।