ଚେନ୍ନାଇରେ ପ୍ରଥମ ଟେଷ୍ଟ ହାରିଯିବା ପରେ ଦ୍ୱିତୀୟ ମ୍ୟାଚରେ ଟିମ ଇଣ୍ଡିଆ ପ୍ରତ୍ୟାବର୍ତ୍ତନ କରି ଇଂଲଣ୍ଡକୁ ପରାସ୍ତ କରିଛି। ଭାରତ ଦ୍ୱିତୀୟ ଟେଷ୍ଟରେ ୩୧୭ ରନ ବ୍ୟବଧାନରେ ଜିତିଥିଲା। ଖେଳର ଚତୁର୍ଥ ଦିନରେ ଇଂଲଣ୍ଡ ଦଳ ଦ୍ୱିତୀୟ ଇନିଂସରେ ମାତ୍ର ୧୬୪ ରନରେ ଅଲଆଉଟ୍ ଥିଲା। ଚାରିଟି ଟେଷ୍ଟ ମ୍ୟାଚ ସିରିଜ ୧-୧ ସହ ବରାବର ହୋଇଛି। ତେବେ ଚେନ୍ନାଇରେ ଇଂଲଣ୍ଡର ପରାଜୟ ଏହାର ପୂର୍ବତନ ଖେଳାଳି କେଭିନ ପିଟରସନଙ୍କ ହଜମ ହୋଇନାହିଁ। ଭାରତର ବିଜୟ ପରେ କେଭିନ ପିଟରସନ ଟୁଇଟରରେ ଲେଖିଛନ୍ତି ଯେ ଭାରତ ଇଂଲଣ୍ଡର ବି ଦଳକୁ ପରାସ୍ତ କରିଛି। ସେ କହିଛନ୍ତି, ଇଂଲଣ୍ଡ ବି’ ଦଳକୁ ପରାସ୍ତ କରିଥିବାରୁ ଭାରତକୁ ଅଭିନନ୍ଦନ’। ପିଟରସନ ଏହି ଟୁଇଟରେ ଜଣାଇବାକୁ ଚେଷ୍ଟା କରିଛନ୍ତି ଯେ ଦ୍ୱିତୀୟ ଟେଷ୍ଟରେ ଇଂଲଣ୍ଡ ସେମାନଙ୍କ ଗୁରୁତ୍ୱପୂର୍ଣ୍ଣ ଖେଳାଳିଙ୍କୁ ସୁଯୋଗ ଦେଇ ନାହିଁ, ସେଥିପାଇଁ ଭାରତ ଜିତିଛି। ଚେନ୍ନାଇରେ ଦ୍ୱିତୀୟ ଟେଷ୍ଟ ମ୍ୟାଚ ହାରିଯିବା ପରେ ଇଂଲଣ୍ଡର ପୂର୍ବତନ ଅଧିନାୟକ ମାଇକେଲ ଭନ ମଧ୍ୟ କେଭିନ ପିଟରସନଙ୍କ ଭଳି କଥା କହିଛନ୍ତି। ଭାରତର ବିଜୟ ପରେ ଭନ ଲେଖିଛନ୍ତି ଯେ, ଇଂଲଣ୍ଡର ଶକ୍ତିଶାଳୀ ଦଳକୁ ସାମ୍ନା କରିବାର ସମୟ ଆସିଛି। ଏଥିସହ ମାଇକେଲ ଭନ ମଧ୍ୟ ଇଂଲଣ୍ଡର ଦଳ ପରିଚାଳନା ଉପରେ ପ୍ରଶ୍ନ କରିଥିଲେ।
