ଆଜିର ଯୁଗର ଭେଟେରାନ ନେତାଙ୍କ ମଧ୍ୟରେ ରାଷ୍ଟ୍ରୀୟ ଜନତା ଦଳ (ଆରଜେଡି) ନେତା ତଥା ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବ ଅନ୍ୟତମ। ତାଙ୍କର ରାଜନୈତିକ କ୍ୟାରିଅର୍ ସହିତ ତାଙ୍କ ପ୍ରେମ କାହାଣୀ ମଧ୍ୟ ବହୁ ଚର୍ଚ୍ଚିତ। ଦୁଇ ବର୍ଷ ପୂର୍ବେ ସେ ପିଲାଦିନର ବାନ୍ଧବୀ ରାଜଶ୍ରୀଙ୍କୁ ବିବାହ କରିଥିଲେ। ଏକ ସମୟରେ ୪୪ ହଜାର ଯୁବତୀ ହ୍ବାଟସଆପ୍ରେ ତେଜସ୍ବୀ ଯାଦବଙ୍କୁ ବିବାହ ପ୍ରସ୍ତାବ ଦେଇଥିଲେ। କିନ୍ତୁ ସେ ସମସ୍ତଙ୍କ ହୃଦୟ ଭାଙ୍ଗି ପିଲାଦିନ ସାଙ୍ଗଙ୍କୁ ବିବାହ କରିଥିଲେ।
ତେଜସ୍ବୀ ଯାଦବ ବିହାରରେ ତାଙ୍କର ପ୍ରାରମ୍ଭିକ ଅଧ୍ୟୟନ କରିଥିଲେ, କିନ୍ତୁ ସେ ନବମ ଶ୍ରେଣୀରେ ଆଡମିଶନ ପାଇଁ ଦିଲ୍ଲୀ ଆସିଥିଲେ। ଏଠାରେ ସେ ଆର.କପୁରମର ଦିଲ୍ଲୀ ପବ୍ଲିକ ସ୍କୁଲ (ଡିପିଏସ)ରେ ଆଡମିଶନ ନେଇଥିଲେ। ରାଜଶ୍ରୀ ମଧ୍ୟ ସମାନ ବିଦ୍ୟାଳୟରେ ଅଧ୍ୟୟନ କରିଥିଲେ ଏବଂ ଦୁହେଁ ଏଠାରେ ସାକ୍ଷାତ ହୋଇଥିଲେ। ଦୁହେଁ ସମାନ ଶ୍ରେଣୀରେ ଅଧ୍ୟୟନ କରୁଥିଲେ, ତେଣୁ ସେମାନେ ବନ୍ଧୁ ହେଲେ। ତା’ପରେ ଏହି ବନ୍ଧୁତା ଧୀରେ ଧୀରେ ପ୍ରେମରେ ପରିଣତ ହେଲା ଏବଂ ଦୁହେଁ ୨୦୨୧ରେ ବିବାହ କଲେ।
ରାଜଶ୍ରୀ ଖ୍ରୀଷ୍ଟିଆନ ଧର୍ମର ଏବଂ ତାଙ୍କ ପରିବାର ଦିଲ୍ଲୀରେ ରୁହନ୍ତି। ତେଜସ୍ବୀ ଏବଂ ରାଜଶ୍ରୀଙ୍କ ବିବାହ ପୂର୍ବରୁ ରାଷ୍ଟ୍ରିୟ ଜନତା ଦଳ (ଆରଜେଡି) ସୁପ୍ରିମୋ ଲାଲୁ ପ୍ରସାଦ ଯାଦବ ଏହି ସମ୍ପର୍କକୁ ନେଇ ଖୁସି ନ ଥିଲେ ବୋଲି ଆଲୋଚନା ହୋଇଥିଲା। ସେମାନଙ୍କ ଅସନ୍ତୋଷର କାରଣ ରାଜଶ୍ରୀ ଜଣେ ଖ୍ରୀଷ୍ଟିଆନ ବୋଲି କୁହାଯାଉଥିଲା।
