ଜଣେ ବ୍ୟକ୍ତି ଏକ ଆଶ୍ଚର୍ଯ୍ୟଜନକ କାର୍ଯ୍ୟ କରିଛନ୍ତି। ସେ ତାଙ୍କ ମୁଣ୍ଡରେ ୩୧୯ କାଚଗ୍ଲାସ୍ ରଖି ଭାରସାମ୍ୟ ରକ୍ଷା କରି ନାଚୁଥିବାର ଦେଖିବାକୁ ମିଳିଛି। ଏପରି କରି ସେ ତାଙ୍କ ନାମରେ ଗିନିଜ ଓ୍ବାଲର୍ଡ ରେକର୍ଡ ସୃଷ୍ଟି କରିଛନ୍ତି। ଏହି ବ୍ୟକ୍ତିଙ୍କ ନାମ ଆରିଷ୍ଟୋଟେଲିସ ଭାଲୋରାଇଟିସ, ସେ ସାଇପ୍ରସର ପାଫୋସର ବାସିନ୍ଦା।
ଗିନିଜ ଓ୍ବାଲର୍ଡ ରେକର୍ଡସ (GWR) ଇନ୍ଷ୍ଟାଗ୍ରାମରେ ତାଙ୍କ ଭିଡିଓ ଶେୟାର କରାଯାଇଛି। ଯେଉଁଥିରେ ଭାଲୋରାଇଟିସ ତାଙ୍କ ମୁଣ୍ଡରେ ୩୧୯ ଗ୍ଲାସ ରଖି ଧିରେ ଧିରେ ନାଚୁଥିବା ଦେଖାଯାଏ। ଭାଲୋରାଇଟିସ ସେହି କାଚଗ୍ଲାସ୍ଗୁଡ଼ିକୁ ତଳେ ପକାଇଥାନ୍ତି। ଯାହାଫଳରେ ସେଗୁଡ଼ିକ ଭାଙ୍ଗିଯାଏ। ଭାଲୋରାଇଟିସଙ୍କ ଏକ ଭିଡିଓ ପୋଷ୍ଟ କରି ଜିଡବ୍ଲ୍ୟୁଆର୍ ଲେଖିଛି ‘ଆରିଷ୍ଟୋଟଲ୍ସ ଭାଲୋରାଇଟିସ୍ ତାଙ୍କ ମୁଣ୍ଡରେ ୩୧୯ କାଚ ଗ୍ଲାସ ବାଲାନ୍ସ କରି ରଖିଛନ୍ତି।
ଭିଡିଓ ଆରମ୍ଭରେ ଭାଲୋରାଇଟିସ୍ ତାଙ୍କ ମୁଣ୍ଡରେ ଅନେକ ଗ୍ଲାସ ରଖିଥିବା ଦେଖିବାକୁ ମିଳିଛି। ଅନ୍ୟ ଜଣେ ଯୁବକ ଟେବୁଲ ପାଖରେ ଠିଆ ହୋଇଛନ୍ତି, ଯିଏ ଭାଲୋରାଇଟସ୍ଙ୍କ ମୁଣ୍ଡରେ ଗ୍ଲାସ୍ ପ୍ଲେଟ ରଖୁଥିବାର ଦେଖାଯାଏ। ଯୁବକ ଜଣକ କରତାଳି ଦେଉଥିବାର ନଜର ଆସିଛନ୍ତି। ଏହି ସମୟରେ ଭାଲୋରାଇଟିସ ତାଙ୍କ ମୁଣ୍ଡରେ କାଚଗ୍ଲାସ ରଖି ଡ୍ୟାନ୍ସ କରୁଥିବା ଦେଖିବାକୁ ମିଳିଛି। ଭିଡିଓ ଶେଷରେ ଭାଲୋରାଇଟିସ କିପରି ସେହି କାଚକୁ ତଳେ ପକାଉଛନ୍ତି ତାହା ମଧ୍ୟ ଦେଖିବାକୁ ମିଳିଛି।
ଭାଲୋରାଇଟିସ ତାଙ୍କ ମୁଣ୍ଡରେ କାଚ ରଖି ଭାରସାମ୍ୟ ରକ୍ଷା କରିବା ପ୍ରଥମ ଥର ନୁହେଁ। ଏହାପୂର୍ବରୁ ସେ ୪୯ ଗ୍ଲାସ ମୁଣ୍ଡରେ ରଖି ରେକର୍ଡ ମଧ୍ୟ କରିଥିଲେ। ଏବେ ସେ ୩୧୯ କାଚଗ୍ଲାସ୍ ମୁଣ୍ଡରେ ରଖି ଆଉ ଏକ ରେକର୍ଡ କରିଛନ୍ତି। ଦୁଇଦିନ ପୂର୍ବରୁ ଇନ୍ଷ୍ଟାଗ୍ରାମରେ ଭାଲୋରାଇଟିସ ଭିଡିଓ ଶେୟାର କରିଛନ୍ତି। ବର୍ତ୍ତମାନ ଏହାକୁ ଲକ୍ଷରୁ ଅଧିକ ଥର ଦେଖାଯାଇଛି। ଏହି ଭିଡିଓକୁ ୩୦ ହଜାରରୁ ଅଧିକ ଲାଇକ୍ ମଧ୍ୟ କରିଛନ୍ତି।
ଜଣେ ୟୁଜର କହିଛନ୍ତି, ଏହା ଅବିଶ୍ୱସନୀୟ। ଅନ୍ୟ ଜଣେ କହିଛନ୍ତି, ଦାବି ‘ମୁଁ ତାଙ୍କୁ ସହଜରେ ହରାଇଦେବି’। ସେହିପରି ଅନ୍ୟ ଜଣେ ୟୁଜର ଲେଖିଛନ୍ତି, ହେ ଭଗବାନ! ଏହା ଆଶ୍ଚର୍ଯ୍ୟଜନକ।
