ମୁମ୍ବାଇ: ଭାରତୀୟ ଘରୋଇ କ୍ରିକେଟ୍ ତଥା ମୁମ୍ବାଇ ଦଳର ଜଣେ ପ୍ରମୁଖ ବ୍ୟାଟ୍ସମ୍ୟାନ ହେଉଛନ୍ତି ସୂର୍ଯ୍ୟକୁମାର ଯାଦବ। ଇଣ୍ଡିଆନ୍ ପ୍ରିମିୟର ଲିଗ୍ (ଆଇଫିଏଲ୍)ରେ ସେ ମୁମ୍ବାଇ ଇଣ୍ଡିଆନ୍ସ ପକ୍ଷରୁ ପ୍ରତିନିଧିତ୍ୱ କରୁଛନ୍ତି। ମୁମ୍ବାଇ ଜନ୍ମିତ ସୂର୍ଯ୍ୟକୁମାର ୭ ଜୁଲାଇ ୨୦୧୬ରେ ଦେବିଶା ସେଟ୍ଟୀଙ୍କ ସହ ବିବାହ ବନ୍ଧନରେ ଆବଦ୍ଧ ହୋଇଥିଲେ। ତେବେ ଅନେକ ହୁଏତ ଜାଣି ନ ଥିବେ ଯେ, ଦେବିଶା ଜଣେ ଟ୍ୟାଲେଣ୍ଟେଡ୍ ଡ୍ୟାନ୍ସର। ଦେବିଶା ତାଙ୍କ କ୍ୟାରିୟର ଜଣେ ଡ୍ୟାନ୍ସ ଶିକ୍ଷୟତ୍ରୀ ଭାବେ ମୁମ୍ବାଇରୁ ଆରମ୍ଭ କରିଥିଲେ। ଏହାପରେ ସେ ଗୋଟିଏ ଏନ୍ଜିଓରେ ଭଲେଣ୍ଟିୟର ଭାବେ କାମ କରିଥିଲେ। ଏମ୍ବିଏ କରିଥିବା ଦେବିଶା ଭ୍ରମଣ ଓ ସୁଇମିଂ କରିବାକୁ ବହୁତ ଭଲ ପାଆନ୍ତି। ଦେବିଶା ତାଙ୍କ ବେକ ପାଖରେ ଏକ ଟାଟୋ କରିଛନ୍ତି। ଯେଉଁଥିରେ ସେ ତାଙ୍କ ସ୍ବାମୀଙ୍କ ‘ସୂର୍ଯ୍ୟ’ ନାମ ଲେଖିଛନ୍ତି। ଏଠାରେ ଉଲ୍ଲେଖଯୋଗ୍ୟ ୟୁଏଇରେ ହେବାକୁ ଥିବା ଆଇପିଏଲ୍ର ଆଗାମୀ ତ୍ରୟୋଦଶ ସଂସ୍କରଣ ଲାଗି ସୂର୍ଯ୍ୟକୁମାର ଜୋର୍ଦାର ଅଭ୍ୟାସ ଚଳାଇଛନ୍ତି। ସେ ୮୫ ଆଇପିଏଲ୍ ମ୍ୟାଚ୍ ଖେଳି ୨୮ରୁ ଊର୍ଦ୍ଧ୍ୱ ଆଭରେଜରେ ୧୫୪୪ ରନ୍ ସଂଗ୍ରହ କରିଛନ୍ତି। ଯେଉଁଥିରେ ୧୬୦ ଚୌକା ଓ ୪୭ ଛକା ରହିଛି। ୟୁଏଇରେ ସୂର୍ଯ୍ୟକୁମାରଙ୍କ ବ୍ୟାଟିଂ ଆଭରେଜ ୫୫ ପ୍ରତିଶତରୁ ଊର୍ଦ୍ଧ୍ୱ ରହିଛି। ଏକମାତ୍ର ଭାରତୀୟ ବ୍ୟାଟ୍ସମ୍ୟାନ ଭାବେ ସୂର୍ଯ୍ୟକୁମାର ୟୁଏଇରେ ୫୦ରୁ ଊର୍ଦ୍ଧ୍ୱ ଆଭରେଜରେ ବ୍ୟାଟିଂ କରିଛନ୍ତି।