ଲଣ୍ଡନ,୨୨।୭: ପାକିସ୍ତାନର ଉଇକେଟ କିପର ବ୍ୟାଟ୍ସମ୍ୟାନ ମହମ୍ମଦ ରିଜୱାନ ଟି -୨୦ କ୍ରିକେଟରେ ଦଳର ସବୁଠାରୁ ନିର୍ଭରଯୋଗ୍ୟ ବ୍ୟାଟ୍ସମ୍ୟାନ ଭାବରେ ଉଭା ହୋଇଛନ୍ତି। ସେ ଇଂଲଣ୍ଡ ବିପକ୍ଷ ତୃତୀୟ ତଥା ଶେଷ ଟି -୨୦ ମ୍ୟାଚରେ ଅପରାଜିତ ୭୬ ରନ୍ର ଇନିଂସ ଖେଳିଥିଲେ ଏବଂ ଟି -୨୦ରେ ୧୦୦୦ ରନ ମଧ୍ୟ ପୂରଣ କରିଥିଲେ। ଏହି ବର୍ଷ ରିଜୱାନ କ୍ରିକେଟର୍ରେ ହଇଚଇ ସୃଷ୍ଟି କରିଛନ୍ତି। ୨୦୨୧ରେ ସେ ହାରାହାରି ୧୦୦.୮୫ରେ ୧୩ଟି ଟି-୨୦ରେ ୭୦୬ ରନ ସଂଗ୍ରହ କରିଛନ୍ତି। ରିଜୱାନ ୧୪୦ ଷ୍ଟ୍ରାଇକର ହାରରେ ୧୩ ଇନିଂସରେ ଏକ ଶତକ ଏବଂ ସାତ ଅର୍ଦ୍ଧଶତକ ହାସଲ କରିଛନ୍ତ। ବିଶେଷ କଥା ହେଉଛି ସେ ମଧ୍ୟ ୬ଥର ନଟ୍ଆଉଟ୍ ଅଛନ୍ତି।
ରିଜଓ୍ବାନ୍ଙ୍କୁ ପ୍ରଥମେ ଡିସେମ୍ବର ୨୦୨୦ରେ ନ୍ୟୁଜିଲାଣ୍ଡ ବିପକ୍ଷରେ ଖୋଳିବାର ସୁଯୋଗ ମିଳିଥିଲା। ଓପନର୍ ହେବା ମାତ୍ରେ ରିଜୱାନ ରନ ସ୍କୋର କରିବା ଆରମ୍ଭ କରିଥିଲେ। ଓପନିଂ ବେଳେ ରିଜୱାନ ୧୬ ଇନିଂସରେ ୮୩୪ ରନ ସଂଗ୍ରହ କରିଛନ୍ତି। ତାଙ୍କର ସର୍ବାଧିକ ସ୍କୋର ହେଉଛି ୧୦୪। ସେ ଏବଂ ବାବର ଆଜାମଙ୍କ ଓପନିଂ ଯୋଡି ଏହି ସମୟରେ ଟି -୨୦ କ୍ରିକେଟରେ ସବୁଠାରୁ ବିପଜ୍ଜନକ ବୋଲି ବିବେଚନା କରାଯାଏ। ମହମ୍ମଦ ରିଜୱାନ ଟି -୨୦ ରେ ମାତ୍ର ୩୧ ଇନିଂସରେ ୧୦୦୦ ରନ ପୂରଣ କରିଛନ୍ତି। ସେ ପାକିସ୍ତାନ ପାଇଁ ୩୯ଟି ମ୍ୟାଚରେ ହାରାହାରି ୪୮.୫୨ରେ ରନ ସଂଗ୍ରହ କରିଛନ୍ତି। ତାଙ୍କ ନାମରେ ଗୋଟିଏ ଶତକ ଏବଂ ୮ଟି ଅର୍ଦ୍ଧଶତକ ଅଛି । ଟି -୨୦ରେ ୭୫୦ରୁ ଅଧିକ ରନ ସ୍କୋର କରିଥିବା ଖେଳାଳିଙ୍କ ମଧ୍ୟରେ ରିଜୱାନ ହାରାହାରିରେ ଦ୍ୱିତୀୟ ଶ୍ରେଷ୍ଠ। ହାରାହାରି ଦୃଷ୍ଟିରୁ କେବଳ ବିରାଟ କୋହଲି (୫୨.୬୫) ତାଙ୍କଠାରୁ ଆଗରେ ଅଛନ୍ତି। ବାବର ଆଜାମ (୪୬.୮୦) ତୃତୀୟ ସ୍ଥାନରେ ଅଛନ୍ତି।
ରିଜୱାନ ଚଳିତ ବର୍ଷ ଟି -୨୦ ବ୍ୟତୀତ ଟେଷ୍ଟ କ୍ୟାରିୟରର ପ୍ରଥମ ଶତକ ସ୍କୋର କରିଥିଲେ। ଜବରଦସ୍ତ ଫର୍ମରେ ଥିବା ରିଜଓ୍ବାନ ୨୦୨୧ ମସିହାରେ ହାରାହାରି ୫୦ରେ ୫ ଟେଷ୍ଟ ମ୍ୟାଚରେ ୩୦୩ ରନ ସ୍କୋର କରିଛନ୍ତି। ସେହିପରି ଦିନିକିଆ କ୍ରିକେଟରେ ୪୧ଟି ମ୍ୟାଚରେ ରିଜୱାନ ୮୬୪ ରନ କରିଛନ୍ତି।
