ନୂଆଦିଲ୍ଲୀ,୧୫।୧: ରାମମନ୍ଦିରର ପ୍ରାଣ ପ୍ରତିଷ୍ଠାକୁ ନେଇ ସାରା ଦେଶରେ ଉତ୍ସାହ ରହିଛି। ଦେଶର କୋଣ ଅନୁକୋଣରୁ ରାମ ଭକ୍ତମାନେ ଅଯୋଧ୍ୟା ଆସୁଛନ୍ତି। ଭକ୍ତଙ୍କ ଭିଡ ଦେଖି ପ୍ରଶାସନ ଜାନୁୟାରୀ ୨୨ ପରେ ରାମଲାଲାଙ୍କ ଦର୍ଶନ କରିବାକୁ ଅପିଲ୍ କରିଛି। ଏହା ସତ୍ତ୍ୱେ ଅଯୋଧ୍ୟାରେ ଭକ୍ତଙ୍କ ଭିଡ଼ ଜମିଛି ଏବଂ ସେମାନଙ୍କ ରହିବା ପାଇଁ ମଧ୍ୟ ବ୍ୟବସ୍ଥା କରାଯାଇଛି
ବର୍ତ୍ତମାନ ଭାରତର ପଡୋଶୀ ଦେଶ ପାକିସ୍ତାନରେ ମଧ୍ୟ ରାମମନ୍ଦିର ପ୍ରାଣ ପ୍ରତିଷ୍ଠା ପାଇଁ ଉତ୍ସାହ ଦେଖାଯାଉଛି। ପାକିସ୍ତାନ ପାଇଁ ୨୭୬ ଉଇକେଟ ନେଇଥିବା ଡାନିଶ କାନେରିଆ ଉତ୍ସାହର ସହିତ ରାମମନ୍ଦିରର ପ୍ରାଣ ପ୍ରତିଷ୍ଠାକୁ ଅପେକ୍ଷା କରିଛନ୍ତି। ସେ ଏକ ସାଫ୍ରନ ପତାକା ସହିତ ନିଜର ଏକ ଫଟୋ ଶେୟାର କରିଛନ୍ତି।
ଫଟୋ ଶେୟାର କରି କାନେରିଆ ଲେଖିଛନ୍ତି, ଆମର ରାଜା ଶ୍ରୀ ରାମଙ୍କ ଭବ୍ୟ ମନ୍ଦିର ପ୍ରସ୍ତୁତ, ବର୍ତ୍ତମାନ ଅପେକ୍ଷା ମାତ୍ର ୮ ଦିନ! ଜୟ ଜୟ ଶ୍ରୀ ରାମ କୁହନ୍ତୁ।
କାନେରିଆ ପାକିସ୍ତାନ ପାଇଁ ୬୧ ଟେଷ୍ଟ ଏବଂ ୧୮ ଟି ଦିନିକିଆ ମ୍ୟାଚ ଖେଳିଥିଲେ। ସେ ଟେଷ୍ଟରେ ୨୬୨ ଉଇକେଟ ଏବଂ ଦିନିକିଆରେ ୧୫ ଉଇକେଟ ନେଇଥିଲେ। ସେ ଦିନିକିଆରେ କିଛି ବିଶେଷ କରିପାରି ନ ଥିଲେ, କିନ୍ତୁ ଟେଷ୍ଟରେ ପାକିସ୍ତାନର ସର୍ବଶ୍ରେଷ୍ଠ ସ୍ପିନ ବୋଲର ଥିଲେ। ସେ ୧୫ ଥର ପାଞ୍ଚ ଉଇକେଟ ନେଇଥିଲେ ଏବଂ ଦୁଇଥର ୧୦ ଉଇକେଟ ନେବାରେ ସଫଳ ହୋଇଥିଲେ।
କ୍ରିକେଟରୁ ଅବସର ନେବା ପରେ କାନେରିଆ ଭାରତ ସପକ୍ଷରେ ବିବୃତ୍ତି ଦେଇ ଅନେକ ଥର ପାକିସ୍ତାନୀ ଖେଳାଳିଙ୍କ ବିରୋଧରେ ଅଭିଯୋଗ ଆଣିଛନ୍ତି। ସେ ଏହା ମଧ୍ୟ ଥରେ କହିଥିଲେ ଯେ, ପାକିସ୍ତାନ ଦଳରେ ହିନ୍ଦୁ ହୋଇଥିବାରୁ ତାଙ୍କ ବିରୋଧରେ ଷଡଯନ୍ତ୍ର ରଚାଯାଇଥିଲା। କରାଯାଇଥିଲା। ସୋସିଆଲ ମିଡିଆରେ ସେ ପ୍ରଧାନମନ୍ତ୍ରୀ ମୋଦି ଏବଂ ଭାଜପାକୁ ମଧ୍ୟ ସମର୍ଥନ କରନ୍ତି।
