ଐଶ୍ୱର୍ଯ୍ୟା-ଅଭିଷେକଙ୍କୁ ନେଇ ଏ କ’ଣ କହିଦେଲେ ନିଖିଲ, ତେବେ କ’ଣ…

ବମ୍ବେ: ପୁଣି ଚର୍ଚ୍ଚାରେ ଅଭିନେତା ଅଭିଷେକ ବଚ୍ଚନ-ଐଶ୍ୱର୍ଯ୍ୟା ରାୟ। ଉଭୟଙ୍କ ସମ୍ପର୍କ ତୁଟିବା ନେଇ ଖବର ଶୁଣିବାକୁ ମିଳୁଥିବା ବେଳେ ଦୁହେଁ କିନ୍ତୁ ମୁହଁ ଖୋଲୁ ନାହାନ୍ତି। ଏମିତିରେ ତାଙ୍କ ସହ କାମ କରିଥିବା ଅଭିନେତା ନିଖିଲ ଦ୍ୱିବେଦୀ ବଡ଼ ବୟାନ ଦେଇଛନ୍ତି।

ଐଶ୍‌-ଅଭିଙ୍କ ସହ ନିଖିଲ ଫିଲ୍ମ ‘ରାବଣ’ରେ ନଜର ଆସିଥିଲେ। ୨୦୧୦ ଜୁନ ୧୮ରେ ଏହା ରିଲିଜ ହୋଇଥିଲା। ମଣିରତ୍ନନଙ୍କ ଦ୍ୱାରା ଲିଖିତ ଏବଂ ନିର୍ଦ୍ଦେଶିତ ଏକ ଆକ୍ସନ-ଆଡଭେଞ୍ଚର ଫିଲ୍ମ ଥିଲା।

ନିକଟରେ ଏକ ସାକ୍ଷାତକାରରେ ନିଖିଲଙ୍କୁ ଦୁଇ କଳାକାରଙ୍କ ସହ ଶୁଟିଂ ସମୟ କିଭଳି ଥିଲା ବୋଲି ପଚରାଯାଇଥିଲା। ଏହାର ଜବାବରେ ସେ କହିଥିଲେ ଯେ ଫିଲ୍ମ ଶୁଟିଂ ବେଳେ ଐଶ୍‌-ଅଭି ବେଶ ପ୍ରଫେଶନାଲ ଥିଲେ। ଦୁହିଁଙ୍କ ମଧ୍ୟରେ ତିକ୍ତତା ଥାଇପାରେ, ହେଲେ ସେଭଳି କିଛି ଲାଗୁ ନ ଥିଲା। ସ୍ବାମୀ-ସ୍ତ୍ରୀ ଭାବେ ସେମାନେ ସବୁବେଳେ ଏକାଠି ରହୁଥିଲେ। ତାଙ୍କ କାମରେ ସମ୍ପର୍କ କେବେ ବି ବାଧା ସୃଷ୍ଟି କରୁ ନ ଥିବା ନିଖିଲ କହିଛନ୍ତି।

କହିରଖୁଛୁ, ଅଭିଷେକ ଏବେ ସହଅଭିନେତ୍ରୀ ନିମ୍ରତ କୌରଙ୍କୁ ଡେଟ୍‌ କରୁଥିବା କୁହାଯାଉଛି। ଏହା ଐଶ୍‌ ଜାଣିପାରିବା ପରେ ଦୂରେଇ ଯାଇଛନ୍ତି। ଏବେ ସେ ଝିଅଙ୍କ ସହ ଅଲଗା ରହୁଛନ୍ତି।