ନୂଆଦିଲ୍ଲୀ,୧୩।୧୨: ଡିସେମ୍ବର ୧୯ରେ ଇଣ୍ଡିଆନ ପ୍ରିମିୟର ଲିଗ (ଆଇପିଏଲ)ର ଆଗାମୀ ସିଜନ ପାଇଁ ଖେଳାଳିଙ୍କ ନିଲାମ ଅନୁଷ୍ଠିତ ହେବ। ସମସ୍ତ ୧୦ଟି ଫ୍ରାଞ୍ଚାଇଜ ସେମାନଙ୍କର ପ୍ରସ୍ତୁତି ଶେଷ କରିବାରେ ବ୍ୟସ୍ତ। ବୁଧବାର ମୁମ୍ବାଇ ଇଣ୍ଡିଆନ୍ସ ଇନଷ୍ଟାଗ୍ରାମରେ ବଡ ସୂଚନା ଶେୟାର କରିଛି। ମୁମ୍ବାଇ ପକ୍ଷରୁ ୧୦ ଟିମର ବ୍ରାଣ୍ଡ୍ ଭାଲ୍ୟୁର ସୂଚନା ଦିଆଯାଇଛି। ଏହି ଟୁର୍ନାମେଣ୍ଟରେ ମୁମ୍ବାଇ ଇଣ୍ଡିଆନ୍ସର ବ୍ରାଣ୍ଡ ମୂଲ୍ୟ ସର୍ବାଧିକ ୭୨୫ କୋଟି ରହିଛି।
ଆଇପିଏଲ ଦଳ ବ୍ରାଣ୍ଡ ମୂଲ୍ୟ ମୁମ୍ବାଇ ଇଣ୍ଡିଆନ୍ସ ଦଳ ପ୍ରଥମ ସ୍ଥାନରେ ଏବଂ ଚେନ୍ନାଇ ସୁପର କିଙ୍ଗ୍ସ ଦ୍ୱିତୀୟ ସ୍ଥାନରେ ଅଛି । ଚେନ୍ନାଇର ବ୍ରାଣ୍ଡ ମୂଲ୍ୟ ପ୍ରାୟ ୬୭୨ କୋଟି। ଦୁଇଥର ଚାମ୍ପିଅନ କୋଲକାତା ନାଇଟ ରାଇଡର୍ସ ଦଳର ବ୍ରାଣ୍ଡ ମୂଲ୍ୟ ପ୍ରାୟ ୬୫୫ କୋଟି ଟଙ୍କା। ୨୦୧୨ ଏବଂ ୨୦୧୪ରେ କୋଲକାତା ଏହି ଟାଇଟଲ ହାସଲ କରିଥିଲା।
ବ୍ରାଣ୍ଡ ମୂଲ୍ୟ ଦୃଷ୍ଟିରୁ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ଚତୁର୍ଥ ସ୍ଥାନରେ ରହିଛି। ଆରସିବିର ବ୍ରାଣ୍ଡ ମୂଲ୍ୟ ପ୍ରାୟ ୫୮୨ କୋଟି। ଗୁଜରାଟ ଟାଇଟାନ୍ସ ଦଳ ପଞ୍ଚମ ସ୍ଥାନରେ ରହିଛି। ଏହାର ବ୍ରାଣ୍ଡ ମୂଲ୍ୟ ପ୍ରାୟ ୫୪୫ କୋଟି ଟଙ୍କା। ଦିଲ୍ଲୀ କ୍ୟାପିଟାଲ୍ସ ଷଷ୍ଠ ସ୍ଥାନରେ, ରାଜସ୍ଥାନ ରୟାଲ୍ସ ସପ୍ତମ ସ୍ଥାନରେ, ସନରାଇଜର୍ସ ହାଇଦ୍ରାବାଦ ଅଷ୍ଟମ ସ୍ଥାନରେ, ଲକ୍ଷ୍ନୌ ସୁପର ଜିଆଣ୍ଟସ ନବମ ସ୍ଥାନରେ ଏବଂ ପଞ୍ଜାବ କିଙ୍ଗ୍ସ ଦଶମ ସ୍ଥାନରେ ଅଛନ୍ତି।