![](https://www.dharitri.com/wp-content/uploads/2024/07/WhatsApp-Image-2024-07-23-at-10.43.02-AM.jpeg)
ନୂଆଦିଲ୍ଲୀ,୨୩।୭: ବଜେଟର ଠିକ ପୂର୍ବରୁ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଲୁକ୍ ଭାଇରାଲ୍ ହୋଇଛି। ତାଙ୍କର ସପ୍ତମ ବଜେଟ ପାଇଁ ଅର୍ଥମନ୍ତ୍ରୀ ଏକ ଧଳା ଏବଂ ଗୋଲାପୀ ରଙ୍ଗର ଶାଢି ପିନ୍ଧିଛନ୍ତି।
ପ୍ରତ୍ୟେକ ଥର ପରି ସେ ନିଜର ବଜେଟ ୨୦୨୪ ଉପସ୍ଥାପନ କରିବାକୁ ଶାଢି ଚୟନ କରିଛନ୍ତି। ତାଙ୍କ ଶାଢିର ରଙ୍ଗ ଧଳା ଏବଂ ଗାଢ ଗୋଲାପୀ। ଗୋଲାପୀ ଏବଂ ଧଳା ରଙ୍ଗ ମିଶ୍ରଣ ଏବଂ ନିର୍ଦ୍ଦୋଷତାରର ରଙ୍ଗ ଭାବରେ ବିବେଚନା କରାଯାଏ।
ପୂର୍ବ ବର୍ଷଗୁଡିକରେ ସୀତାରମଣଙ୍କ ବଜେଟ ଲୁକ୍କୁ ନେଇ ଚର୍ଚ୍ଚା ବଢିଥିଲା। ସେ ୨୦୨୪ର ମଧ୍ୟବର୍ତ୍ତୀକାଳୀନ ବଜେଟ ପାଇଁ ଏକ ନୀଳ ହ୍ୟାଣ୍ଡଲୁମ ଶାଢି ପିନ୍ଧିଥିଲେ। ନୀଳ ରଙ୍ଗ ଶାନ୍ତି ଏବଂ ଶକ୍ତିର ପ୍ରତୀକ।
୨୦୨୩ ବଜେଟ ପାଇଁ ଅର୍ଥମନ୍ତ୍ରୀ ଏକ ଲାଲ ରଙ୍ଗର ଶାଢି ବାଛିଥିଲେ। ପାରମ୍ପରିକ ଲାଲ ରଙ୍ଗ ପ୍ରେମ, ଶକ୍ତି, ସାହସ ଏବଂ ପ୍ରତିବଦ୍ଧତାର ପ୍ରତୀକ ଭାବରେ ବିବେଚନା କରାଯାଏ। ୨୦୨୨ମସିହାରେ, ନିର୍ମଳା ସୀତାରମଣ ଏକ କଫି ରଙ୍ଗର ଶାଢି ପିନ୍ଧିଥିଲେ। ଏହା ଏକ ବମକେଇ ଶାଢି ପିନ୍ଧିଥିଲେ, ଯାହା ଓଡିଶାରେ ନିର୍ମିତ। ୨୦୨୧ରେ ଅର୍ଥମନ୍ତ୍ରୀ ଲାଲ ବର୍ଡର ସହିତ ଏକ ଧଳା ରଙ୍ଗର ଶାଢି ପିନ୍ଧିଥିଲେ। ଏହି ରଙ୍ଗ ଶାନ୍ତି ଏବଂ ଶକ୍ତିର ପ୍ରତୀକ। ୨୦୨୦ରେ ଅର୍ଥମନ୍ତ୍ରୀ ହଳଦିଆ ରଙ୍ଗର ପୋଷାକ ପିନ୍ଧିଥିଲେ। ହଳଦିଆ ରଙ୍ଗ ଶକ୍ତି ଏବଂ ଉତ୍ସାହର ପ୍ରତୀକ ଅଟେ। ଏହି ବଜେଟ ବର୍ତ୍ତମାନ ପର୍ଯ୍ୟନ୍ତ ଭାରତୀୟ ଇତିହାସରେ ସବୁଠାରୁ ବଡ ବଜେଟ ଥିଲା, ଯାହାକି ୨ ଘଣ୍ଟା ୪୨ ମିନିଟ ଲମ୍ବା ଥିଲା। ୨୦୧୯ରେ ଅର୍ଥମନ୍ତ୍ରୀ ଗୋଲାପୀ ରଙ୍ଗର ରେଶମ ଶାଢି ପିନ୍ଧିଥିଲେ। ଗୋଲାପୀ ରଙ୍ଗ ସ୍ଥିରତା ଏବଂ ଗମ୍ଭୀରତାର ପ୍ରତୀକ ଅଟେ।