ବ୍ରିଟେନ୍ର ସବୁଠାରୁ ଲୋକପ୍ରିୟ ଟାଓ୍ବାରରେ ଛୁଟି ମନାଇବାକୁ ହେଲେ ଦୀର୍ଘଦିନରୁ ବୁକ୍ କରିବାକୁ ପଡ଼ିଥାଏ। ଏହି ଟାଓ୍ବାରର ସ୍ବତନ୍ତ୍ରତା ରହିଛି। ଯାହାଦ୍ୱାରା ଏଠାରେ ସହଜରେ ବୁକ୍ ପାଇଁ ଟିକେଟ ମିଳେନି। ଏମିତି ଟାଓ୍ବାର ରହିଛି ଓ୍ବେୟାରହାମ୍ରେ। ଯାହାର ନାମ ‘କ୍ଲାଭେଲ ଟାଓ୍ବାର’। ଏହା ଏକ ୪ ମହଲା ବିଶିଷ୍ଟ ବୃତ୍ତାକାର ଟାଓ୍ବାର। ଯାହା ଦକ୍ଷିଣ ପାର୍ଶ୍ୱରେ ରହିଛି। ଏଠାକୁ ଆସୁଥିବା ପର୍ଯ୍ୟଟକମାନେ ଅଧିକ ମୂଲ୍ୟ ଦେଇଥାନ୍ତି। ଏହି ଟାଓ୍ବାର ୧୮୩୦ରେ ନିର୍ମିତ ହୋଇଥିଲା। ଏହା ପୂର୍ବରୁ ପିଡି ଜେମ୍ସ ଏବଂ ଥୋମାସ ହାର୍ଡିଙ୍କ ସମେତ ପ୍ରସିଦ୍ଧ ଲେଖକଙ୍କ ଘର ଥିଲା। ଏହି ଟାଓ୍ବାରକୁ ଲ୍ୟାଣ୍ଡମାର୍କ ଟ୍ରଷ୍ଟ ଦ୍ୱାରା ଦେଖାଯାଏ। ୨୦୨୨ରେ ଏହାର ନବୀକରଣ କରାଯାଇଥିଲା। ପ୍ରତିବର୍ଷ ଯେଉଁମାନେ ଏହାକୁ ବୁକ୍ କରନ୍ତି ସେମାନଙ୍କ ପାଇଁ ବହୁତ ସମୟ ଅପେକ୍ଷା କରିଥାଏ।
ଯଦି ଆପଣ ୪ ରାତି ପର୍ଯ୍ୟନ୍ତ ଟାଓ୍ବାରରେ ରୁହନ୍ତି, ତେବେ ଆପଣଙ୍କୁ ୫୮୦ ପାଉଣ୍ଡ ଅର୍ଥାତ୍ ପ୍ରାୟ ୫୫୦୦୦ ଟଙ୍କା ଖର୍ଚ୍ଚ କରିବାକୁ ପଡ଼ିବ। ଯେଉଁଥିରେ ଦୁଇ ଜଣ ଲୋକ ଏକ ଡବଲ ବେଡ୍ ରୁମରେ ରହିପାରିବେ। ଏଥିରେ ଏକ ଗ୍ୟାସ୍ ଚୁଲା ଏବଂ ଏକ ବୈଦ୍ୟୁତିକ ହବ୍ ଅଛି। ବିଶେଷ କଥା ହେଉଛି ଆପଣ ନିଜ କୁକୁରମାନଙ୍କ ସହିତ ମଧ୍ୟ ଏଠାରେ ରହିପାରିବେ। ଟାଓ୍ବାରରେ ପହଞ୍ଚିବା ପାଇଁ ଅତିଥିମାନଙ୍କୁ ୧୦ ମିନିଟ୍ ଚାଲିବାକୁ ପଡ଼ିବ। କିନ୍ତୁ ଏହି ରୁମ୍ ଏବେ ଖାଲି ନାହିଁ। ଏହା ୨୦୨୫ ପର୍ଯ୍ୟନ୍ତ ବୁକ୍ ହୋଇସାରିଛି। ଟାଓ୍ବାରର ତୃତୀୟ ମହଲାରୁ ଆପଣ ସମୁଦ୍ରର ଏକ ଚମତ୍କାର ଦୃଶ୍ୟ ଦେଖିବାକୁ ପାଇବେ।
ପ୍ରତିବର୍ଷ ଏଠାରେ ବୁକିଂ ପାଇଁ ମାଡ଼ପିଟ୍ ହୋଇଥାଏ। ଗତ ବର୍ଷ ଅନ୍ଲାଇନ୍ରେ ମାତ୍ର ୩୦୦ ସେକେଣ୍ଡ୍ରେ ସମଗ୍ର ୬ ମାସ ପାଇଁ ସ୍ଲଟ୍ ବିକ୍ରି ହୋଇସାରିଛି। ଲ୍ୟାଣ୍ଡମାର୍କ ଟ୍ରଷ୍ଟର ଜଣେ ମୁଖପାତ୍ର କହିଛନ୍ତି, ଏହି ସ୍ଥାନଟି ସମ୍ପୂର୍ଣ୍ଣ ଭିନ୍ନ। ବେଡ୍ରେ ଶୋଇଥିବାବେଳେ ଆପଣ ଏଠାରୁ ସମୁଦ୍ରର ଦୃଶ୍ୟ ଦେଖିପାରିବେ। ଏଠାରେ ଛୁଟି କାଟିବା ପାଇଁ ଏହା ବହୁତ ଆଗରୁ ଚିନ୍ତା କରିବାକୁ ପଡ଼େ।