ନୂଆଦିଲ୍ଲୀ,୧୦।୧: ୧୯୬୨ରେ ଭାରତ-ଚାଇନା ଯୁଦ୍ଧରେ ବୀରତ୍ୱ ପ୍ରଦର୍ଶନ କରିଥିବା ବ୍ରିଗେଡିୟର(ଅବସରପ୍ରାପ୍ତ) AJS ବହଲଙ୍କର ୮୨ବର୍ଷରେ ଦେହାନ୍ତ ହୋଇଛି। ଜାନୁଆରୀ ୮ ଅର୍ଥାତ୍ ସୋମବାର ହରିୟାଣାର କମାଣ୍ଡ ହସ୍ପିଟାଲରେ ସେ ମୃତ୍ୟୁ ବରଣ କରିଛନ୍ତି।
ବୟସ ସମ୍ବନ୍ଧୀୟ ରୋଗରେ ପୀଡିତ ହୋଇ ମୃତ୍ୟୁ ହୋଇଥିବା କୁହାଯାଉଛି। ବ୍ରିଗେଡିୟର ବହଲଙ୍କର ମୃତଦେହ ସଂସ୍କାର ଜାନୁଆରୀ ୧୦ ଚଣ୍ଡିଗଡରେ ଅନୁଷ୍ଠିତ ହେବ। ଏନେଇ ବ୍ରିଗେଡିୟରଙ୍କ ପରିବାର ଓ ଭାରତୀୟ ସେନା ଶୋକାକୁଳ ହୋଇଛନ୍ତି।
ସୂଚନାଯୋଗ୍ୟ, ୧୯୬୧ରେ ବୀର ବହଲ ଭାରତୀୟ ସେନାରେ ଯୋଗ ଦେଇଥିଲେ। ସେ ୧୭ ପାରା ଫିଲ୍ଡ ରେଜିମେଣ୍ଟରେ ଜଣେ ତୋପଖାନ ଅଧିକାରୀ ଥିଲେ। ୧୯୬୨,୧୯୬୫ ଓ ୧୯୭୧ ଯୁଦ୍ଧରେ ସେ ଭାଗ ନେଇଥିଲେ। ୧୯୬୨ ଅକ୍ଟୋବରରେ ସେ ୭ ଇନଫେକ୍ଟ୍ରି ବ୍ରିଗେଡର ଅଂଶ ହୋଇ ନାମକା ଚୁ ଠାରେ ଚାଇନା ସହ ସାହସର ସହ ଲଢିଥିଲେ। ଭାରତ-ଚାଇନା ଯୁଦ୍ଧରେ ସେ ବନ୍ଦୀ ହୋଇଥିଲେ। ସେ ୧୯୬୫ର କୁଚ୍ ଅପରେଶନ, ୧୯୭୧ର ଭାରତ-ପାକିସ୍ତାନରେ ଯୁଦ୍ଧ ଲଢିଥିଲେ। ବହଲ ୧୯୬୫ ଏପ୍ରିଲରେ ଜମ୍ମୁ କଶ୍ମିରର ନ୍ୟାଶନାଲ କ୍ୟାଡେଟ କର୍ପସ(ଏନସିସି)ର ଡେପୁଟି ଡାଇରେକ୍ଟର ଜେନେରାଲ ପଦରୁ ଅବସର ନେଇଥିଲେ।
