ମହାନ ପଣ୍ଡିତ, ଶିକ୍ଷକ, କୁଶଳୀ କୂଟନୀତିଜ୍ଞ, ରଣନୀତିଜ୍ଞ ତଥା ଅର୍ଥନୀତିଜ୍ଞ ଆଚାର୍ଯ୍ୟ ଚାଣକ୍ୟ ତାଙ୍କ ନୀତିଶାସ୍ତ୍ରରେ ମାନବ ଜୀବନ ସହ ଜଡ଼ିତ ସମସ୍ତ ଦିଗ ବିଷୟରେ ବିସ୍ତୃତ ଭାବରେ ଉଲ୍ଲେଖ କରିଛନ୍ତି। କେବଳ ଜୀବନର ସମସ୍ତ ଦିଗ ନୁହେଁ ବରଂ ମା’ ଲକ୍ଷ୍ମୀଙ୍କୁ ଖୁସି କରିବା ପାଇଁ ସେ ବହୁତ ଗୁରୁତ୍ୱପୂର୍ଣ୍ଣ କଥା ମଧ୍ୟ କହିଛନ୍ତି। ଚାଣକ୍ୟ ତାଙ୍କ ନୀତିଶାସ୍ତ୍ରରେ ଟଙ୍କା ଉପରେ ନିଜର ମତାମତ ଦେଇଛନ୍ତି। ସେ କହିଛନ୍ତି, ଯଦି ତୁମେ ତୁମ ଜୀବନରେ ଏହି କଥା ଅନୁସରଣ କର, ତେବେ ମା’ ଲକ୍ଷ୍ମୀ ସର୍ବଦା ତୁମ ଘରେ ରହିବେ। ଆହୁରି ମଧ୍ୟ, ଅର୍ଥର ଅଭାବ କେବେ ହେବ ନାହିଁ। ତେବେ ଜାଣନ୍ତୁ ଲକ୍ଷ୍ମୀଙ୍କୁ ଖୁସି ରଖିବା ପାଇଁ ଚାଣକ୍ୟଙ୍କ ନୀତି କ’ଣ କହେ…
ଚାଣକ୍ୟ କହିଛନ୍ତି, ଯେଉଁଠାରେ ସ୍ତ୍ରୀ-ସ୍ବାମୀଙ୍କ ମଧ୍ୟରେ କୌଣସି ମତଭେଦ ନ ଥାଏ, ସେଠାକୁ ଲକ୍ଷ୍ମୀ ଆପଣାଛାଏଁ ଆସିଥାନ୍ତି। ସୁଖ ଏବଂ ଧନ ସର୍ବଦା ଏପରି ସ୍ଥାନରେ ରହିଥାଏ।
ଚାଣକ୍ୟ ଆହୁରି ମଧ୍ୟ କହିଛନ୍ତି, ଯେଉଁଠାରେ ମୁର୍ଖମାନଙ୍କୁ ସମ୍ମାନ ଦିଆଯାଏ, ଧନଲକ୍ଷ୍ମୀ ସେଠାରେ ରହନ୍ତି ନାହିଁ । ଜଣେ ମୁର୍ଖର କଥାରେ ବିଶ୍ୱାସ କରୁଥିବା ବ୍ୟକ୍ତି ସର୍ବଦା କ୍ଷତି ସହିଥାଏ, ତେଣୁ ଯଦି ତୁମେ ମା’ ଲକ୍ଷ୍ମୀଙ୍କୁ ସନ୍ତୁଷ୍ଟ କରିବାକୁ ଚାହୁଁଛ, ତେବେ ମୁର୍ଖ ଏବଂ ଚାଟୁକାରଙ୍କ କଥାକୁ ବିଶ୍ୱାସ କରନାହିଁ, କାରଣ ଉଭୟ ମୁର୍ଖ ଏବଂ ଚାଟୁକାର କେବେ ବି ସଠିକ୍ ପରାମର୍ଶ ଦିଅନ୍ତି ନାହିଁ।
ଆଚାର୍ଯ୍ୟ କହିଛନ୍ତି ଯିଏ କଠିନ ପରିଶ୍ରମ କରି ଖାଦ୍ୟ ସଂରକ୍ଷଣ କରନ୍ତି, ସେ ସ୍ଥାନରୁ ଲକ୍ଷ୍ମୀ କେବେ ବି ଛାଡ଼ି ଯାଆନ୍ତି ନାହିଁ।
ଯେଉଁଘରେ ଦମ୍ପତିଙ୍କ ମଧ୍ୟରେ ସର୍ବଦା କଳହ ଲାଗିରୁହେ, ଲକ୍ଷ୍ମୀ ସେଠାରେ ରହନ୍ତି ନାହିଁ। ଲକ୍ଷ୍ମୀଙ୍କୁ ଖୁସି ରଖିବାକୁ ଚାହୁଥିଲେ ସର୍ବଦା ଶାନ୍ତ ପରିବେଶ ବଜାୟ ରଖନ୍ତୁ। ଏହି କଥାକୁ ମାନି ଚଳିଲେ କେବେ ବି ଧନର ଅଭାବ ରହିବ ନାହିଁ ବୋଲି ଚାଣକ୍ୟ ପରାମର୍ଶ ଦେଇଛନ୍ତି।